Hramadstva55

U vybarčaj kamisii Kaardynacyjnaj rady budzie svoj Łazavik

Kaardynacyjnaja rada paviedamiła, što na jaje ahulnym pasiadžeńni zaćvierdzili skład vybarčaj kamisii. U strukturu, jakaja budzie zajmacca arhanizacyjaj vybaraŭ u Kaardynacyjnuju radu, uklučyli 5 čałaviek, jakija nie mohuć być kandydatami na nastupnych vybarach. Siarod ich try jurysty, žurnalistka i teołah.

Fota: M Hussain / vecteezy.com

Piersanalny skład kamisii nastupny:

Andrej Atamančuk — juryst, pravaznaviec, były advakat Minskaj abłasnoj kalehii advakataŭ. U kancy sakavika 2022 hoda padvierhsia pieraśledu z boku biełaruskich uładaŭ: adsiedzieŭ 30 sutak, a zatym byŭ pazbaŭleny prava na prafiesiju. Ciapier žyvie ŭ Litvie.

Alvina Minhazava — jurystka, były člen Minskaj haradskoj kalehii advakataŭ. U suviazi z tym, što z 2020 hoda bolšaść spraŭ, jakija viała advakatka, byli palityčnaha charaktaru, u 2022 hodzie była vymušana pakinuć Biełaruś. Ciapier pracuje jurystkaj u inicyjatyvie Free Belarus Center, jakaja dapamahaje biełarusam va Ukrainie i Polščy.

Jarasłaŭ Biekiš — teołah-relihijaznaŭca, mahistr palitałohii EHU, eks-kaardynatar sietki ekałahičnych hramadskich arhanizacyj «Zialonaja sietka», były člen kiraŭničaha kamiteta Foruma hramadzianskaj supolnaści Uschodniaha partniorstva, były člen praŭleńnia mižnarodnaha kansorcyŭma «JeŭraBiełaruś». 3 2001 hoda byŭ vałancioram i naziralnikam ad mižnarodnych hramadskich arhanizacyj na vybarach u Biełarusi, Małdovie i Ukrainie. Delehat Kaardynacyjnaj rady 2-ha sklikańnia.

Alena Prychodźka — žurnalistka, miedyja-mieniedžarka, hramadskaja aktyvistka. Alena źjaŭlajecca delehatkaj KR druhoha sklikańnia, uvachodzić u skład frakcyi «Ščaślivaja nacyja». U 2021 hodzie vyjechała va Ukrainu, z pačatkam rasijskaha ŭvarvańnia pierajechała ŭ Jeŭropu.

Źmicier Łazavik — juryst, były advakat. Byŭ naziralnikam na vybarach prezidenta ŭ 2020 hodzie, delehatam na płatformie «Schod». U 2021-m pa miescy rehistracyi advakata adbyŭsia pieratrus u miežach kryminalnaj spravy, u jakoj Źmicier źjaŭlaŭsia abaroncam. Z 2021 hoda pastajanna žyvie ŭ Polščy, pracuje namieśnikam dyrektara pa raźvićci ŭ kamiercyjnaj arhanizacyi.

Proźvišča Łazavik, darečy, u pamiaci biełarusaŭ tryvała asacyjujecca z vybarčymi spravami, bo ŭ 2000-2016 hadach Mikałaj Łazavik byŭ pravaj rukoj sumna viadomaj Lidzii Jarmošynaj. Adnak ža ŭ hetym vypadku ŭsie supadzieńni vypadkovyja. 

Kamientary5

  • Tak
    05.04.2024
    A na vybary ŭ KR buduć hiendarnyja žanočyja kvoty na 40% jak chacieła paru faministkak i nieamarksistaŭ (usie rasiejskamoŭnyja) ci nie?
  • Vital
    05.04.2024
    Samazvancy hulajucca ŭ vybary, nu-nu...
  • Šuba kačanavaj
    05.04.2024
    Vital, tabie treba było napisać hety kamient u lutym

Dar‘ja Łosik vyjšła na svabodu pa pamiłavańni4

Dar‘ja Łosik vyjšła na svabodu pa pamiłavańni

Usie naviny →
Usie naviny

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž4

Staršynia Hienštaba Vialikabrytanii zajaviŭ, što jość tolki try hady, kab padrychtavacca da vajny z aljansam dyktatur7

Mašynu namieśnika načalnika vajskovaj čaści ŭzarvali ŭ Maskvie. Vajskoŭcu adarvała stupni2

U Trampa byŭ efiektyŭny kozyr suprać Bajdena. Ciapier jon moža viarnucca bumieranham 3

«Simpsany» jašče ŭ 2000 hodzie pradkazali, što Kamała Charys stanie prezidentam?2

«Radujciesia, s*ki!» Čym skončyŭsia skandał pamiž hiniekałahiniaj-błohierkaj i pacyjentkaj pryvatnaha miedcentra?17

99-hadovy biełarus vyrašyŭ atrymać paśviedčańnie ab naradžeńni

Ryžankoŭ prylacieŭ u KNDR1

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni4

Dar‘ja Łosik vyjšła na svabodu pa pamiłavańni

Hałoŭnaje
Usie naviny →