Hramadstva66

Byłaja salistka fiłarmonii moža zastacca z tryma dziećmi na vulicy

Alaksandra Mominava — byłaja salistka Bresckaj fiłarmonii i vykładčyca Bresckaha muzyčnaha kaledža. U pačatku sakavika jana pakinuła Biełaruś z tryma dziećmi i 500 dalarami ŭ kišeni, i ciapier śpiešna šukaje žyllo.

Fota: asabisty archiŭ Alaksandry Mominavaj

Alaksandra pryjechała ź dziećmi ŭ Polšču ŭ noč na 2 sakavika. Spačatku sprabavała ŭładkavacca ŭ Varšavie:

«Mieła 500 dalaraŭ, kali my vyjechali, zmahła apłacić chosteł, ale na jaho syšło 300 dalaraŭ, bo nas čaćviora. Prystroiłasia prybiralščycaj u hrumierski sałon, amal znajšła inšuju pracu. Ale skončylisia hrošy, i toje, što ja mahła zarabić, nie pakryvała vydatkaŭ na žyćcio».

Rešta srodkaŭ pajšła na bilety na ciahnik, i žančyna ź dziećmi pryjechała va Urocłaŭ. Tam jość humanitarnaje žyllo dla palityčnych uciekačoŭ ź Biełarusi, i Alaksandry ź dziećmi dali mahčymaść tam pažyć miesiac. Za hety čas jana musiła znajści pracu i novaje žyllo, ale nie atrymałasia: treba było ŭ toj ža čas afarmlać dakumienty, šukać škołu dla dziaciej. 

Zrešty, peŭnuju pracu jana adšukała:

«Znajšła arhanizacyju, jakaja pravodzić muzyčnyja zaniatki z ukrainskimi dzietkami ź dziciačaha doma, chutka zmahu ich pravodzić. Sustreła biełarusku, jakaja pracuje arhanistkaj u kaściole, chaču ź joj zrabić sumiesnuju prahramu. Taksama źviazałasia z [opiernym śpievakom] Illom Silčukovym, i jon paraiŭ prajści prasłuchoŭvańnie ŭ opierny teatr va Urocłavie». 

Fota: asabisty archiŭ Alaksandry Mominavaj

Biełaruska ŭsio jašče šukaje kvateru. Prablema nie tolki ŭ niedachopie času, ale i ŭ tym, što žančynie z tryma dziećmi nie vielmi chočuć zdavać kvateru, tym bolš pakul jana nie maje pracoŭnaj damovy. Vyzvalić ciapierašniuju kvateru Alaksandru paprasili ŭ bližejšyja dni.

U 2020-m žančyna vystupała suprać hvałtu — udzielničała ŭ pratestach, padpisała pietycyju pracaŭnikoŭ kultury suprać ździekaŭ z palitviaźniaŭ. 

«Kali pačałasia vajna va Ukrainie, ja jašče pracavała salistkaj u fiłarmonii, ale zvolniłasia adtul z-za svaich pohladaŭ. Usiu viasnu ŭ nas byli kancerty «Pieśni pieramohi», i ŭ sakaviku ja napisała zajavu na zvalnieńnie, prosta nie mahła śpiavać.

Mianie nichto nie zrazumieŭ, a ja tłumačyła: maju kamiak u horle, kali sazvońvajusia sa svajoj siabroŭkaj va Ukrainie, jana siadzić u padvale i ja čuju, jak vakoł jaje laciać snarady. My ź siabroŭkaj prosta razam płakali ŭ trubku. Ukraina — adna z samych pryhožych krain, adzinaja, kudy ja mahła dazvolić sabie pa hrošach zvazić dziaciej na mora. I kali ja bačyła, jak bambiać našu lubimuju Zatoku, u mianie serca kryvioj ablivałasia».

Vosieńniu 2023-ha Alaksandru vyklikali ŭ milicyju, bo na jaje była zaviedzienaja administracyjnaja sprava. U žančyny było dva akaŭnty ŭ instahramie, i siłaviki znajšli toj, jakim jana nie karystałasia. Siarod socień padpisak tam zastalisia padpiski na «Biełsat» i «Lusterka», da ich i byli pretenzii ŭ milicyi. I jašče da suda ŭ kaledž, dzie žančyna pracavała 21 hod, pryjšła papiera pra zaviedzienuju administratyŭku, z-za jakoj jaje musili zvolnić.

Fota: asabisty archiŭ Alaksandry Mominavaj

Ale na hetym usio nie skončyłasia:

«Adbyŭsia sud, mnie prysudzili štraf u 15 bazavych vieličyń (555 rubloŭ), i praź niekalki dzion mianie prosta z pracy vyklikali ŭ prakuraturu, pavinna była iści tudy z zaniatkaŭ. Tam praviali razmovu — maŭlaŭ, mnie daviedziena da viedama, što kali ŭ mianie znojduć niešta jašče, mnie budzie horš.

Užo tady ja zrazumieła, što tut nie budzie žyćcia ni mnie, ni maim dzieciam. Maja starejšaja dačka jakraz zakančvała 11 kłasaŭ i musiła pastupać, a ciapier na vypusknikoŭ dla hetaha pišuć charaktarystyki, i tam usio viedajuć [ź jakoj siamji čałaviek]». 

Žančyna mieła rasterminoŭku na štraf i apłaciła jaho raniej, čym skončyŭsia jaje termin, pradała častku mebli z chaty. Alaksandry ź dziećmi chutka vydali polskija humanitarnyja vizy, i 28 lutaha joj znoŭ pazvanili z prakuratury — paprasili pryjści «dla vyśviatleńnia niejkich abstavinaŭ». Tady jana i vyrašyła terminova źjazdžać. 

«U Biełarusi ciapier vielmi sumna, ludzi žyvuć u strachu, i ja nie viedaju, jak u takich abstavinach pracavać tvorčym ludziam. U mianie hetyja hady apuskalisia ruki, brała siabie za škirku, kab dalej žyć dziela dziaciej. Pa ŭsich kutkach ludziej pužajuć i pryciskajuć, nie dajuć dychać», — dzielicca śpiavačka na raźvitańnie.

Padtrymać Alaksandru možna tut.

«Naša Niva» — bastyjon biełaruščyny

PADTRYMAĆ

Čytajcie taksama:

Na eks-prarektarku VNU zaviali kryminałku za hrašovyja pieravody palitviaźniam. Heta pieršy padobny vypadak

«Budzieš jeździć pa śviecie i raskazvać nam, jak žyvie dyjaspara». Dziaŭčyna raskazała, jak KDB schilaŭ jaje da supracy

«Hod znachodzicca ŭ poŭnaj izalacyi». Što robicca z Maryjaj Kaleśnikavaj

Kamientary6

  • Chmm
    05.04.2024
    Ryełtar-uciakač, jak vy pradadzicie chatu na radzimie, kali niama davieranaści? Nijak. A viartańnie na radzimu, kab pradać chatu, dla jaje = turma.
  • Tania
    05.04.2024
    Ryełtar-uciakač, adkul Vy vypaŭźli z takim hłupstvam?
    Pa temie: narmalna ŭsio budzie ŭ śpiavački i dziaciej!!! Daj Boža!!!
  • Pravdorub 54
    05.04.2024
    Ryełtar-uciakač, a kak ty priedstavlaješ prodažu "chaty na radzimie" nachodiaś v Polšie?
    Ty, kak riełtor, prodał by takuju niedvižimosť?....

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Pad Minskam busieł kupaŭsia ŭ voziery razam ź ludźmi VIDEA5

Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»7

Alaksiej Tałaj prapanavaŭ dać Łukašenku zvańnie Hieroja Biełarusi23

Zabojca polskaha sałdata na miažy ŭstanoŭleny. Jon usio jašče ŭ Biełarusi2

Što viadoma pra sudździu i prakurorku, jakija vynieśli śmiarotny prysud hramadzianinu Hiermanii3

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

U rasijskim Krasnadary ludzi pierakryli vulicu z-za adklučeńniaŭ śviatła1

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →