Hramadstva1212

HUBAZiK vyrašyŭ stvaryć fejkavyja skrynšoty pierapisak, ale prakałoŭsia na faktury

Imavierna, siłaviki nie paličyli patrebnym pravieryć fakty.

Skryn siužeta ANT ź pierapiskami

Dniami kanał bresckaha HUBAZiKa apublikavaŭ skrynšoty pierapiski Vitala Čopika z «ekstremisckim farmiravańniem Viasna».

Vital Čopik — aktyvist z Bresta, jakoha vinavaciać u tym, što jon chadziŭ na sudy i pieradavaŭ ź ich infarmacyju pravaabaroncam. Jaho mocna źbili pry zatrymańni, jon patrapiŭ u lakarniu. A paśla na kanałach HUBAZiKa źjavilisia videa ź im i hetyja skrynšoty.

Ale ŭ nas uźnikli sumnievy — dziŭna, što ŭsia jahonaja «pierapiska» ŭmiaściłasia ŭ adzin dyjałoh za adzin dzień. Taksama pierapiska, jakuju prypisvajuć Čopiku, musiła być vielmi staroj, što dziŭna dla daśviedčanaha aktyvista.

My źviarnulisia pa kamientar da dziaŭčyny, jakoj prypisvajuć hetyja skrynšoty — aktyvistki z Bresta Hanny Bahdanovič. Jana zapeŭnivaje, što hetaha dyjałohu nikoli nie było. Imavierna, hubazikaŭcy stvaryli dyjałoh admysłova dla pakazu pa dziaržTB.

Ale my źviarnuli ŭvahu jašče na try akaličnaści. Pieršaja — na skrynšotach nie paznačanaja data, ale pa videa vyhladaje tak, što heta adna pierapiska. Heta bačna pa časie.

Spačatku havorka idzie pra sud nad Radzivonam Kačatkovym. Heta chłopiec, jakoha zatrymali pa viartańni z Polščy i asudzili 21 lutaha 2023 na dva z pałovaj hady kałonii za «raspalvańnie varožaści». Adzin z surazmoŭcaŭ (pa viersii hubazikaŭcaŭ — Vital Čopik) kaža, što «prakuror zapatrabavaŭ jamu 2,5 hoda kałonii». 

Skrynšoty pierapisak z kanałaŭ HUBAZiK

U nastupnym skazie jon kaža, što «schadziŭ na sud da Paliŭki, jamu prysudzili siem hadoŭ kałonii» — proźvišča Paliŭka zabyli zamazać u repartažy na ANT. Ale sud nad žycharom Łuninca Alaksandram Paliŭkam adbyŭsia tolki praz hod, 4 sakavika 2024-ha. Takim čynam, hetaha nie mahło być u adnym dyjałohu.

Skrynšot pierapiski ź videa ANT

Druhaja detal — my nie adšukali palitviaźnia z proźviščam «Kavalevič», jakoha sudzili b pa artykule 342 Kryminalnaha kodeksa. Ale mienavita heta proźvišča fihuruje ŭ pierapiscy, jakuju apublikavaŭ kanał ANT. Jaho niama ni ŭ raskładach sudoŭ, ni ŭ śpisach pravaabaroncaŭ, jakim nibyta pieradavaŭ źviestki Čopik. Mahčyma, Kavaleviča ŭvohule nie isnuje.

Treciaja — u dyjałohu «Ania Viasna Brest» prosić «aŭdyjazapis z suda». I «Čopik» skidvaje jaho ŭ farmacie.mp4 — heta pašyreńnie standartu MPEG-4 dla videafajłaŭ. Zachavać u takim farmacie aŭdyja ŭ štatnym režymie niemahčyma — dla hetaha isnuje pašyreńnie.m4a.

Takim čynam, vyhladaje tak, što skrynšoty fejkavyja. I ni Vital Čopik, ni Hanna Bahdanovič, ni inšyja aktyvisty nie majuć da ich anijakaha dačynieńnia.

«Naša Niva» — bastyjon biełaruščyny

PADTRYMAĆ

Kamientary12

  • Janka
    07.04.2024
    Hałoŭnaj pamyłkaj źjaviłasia adsutnaść nataryjalnaha zaviareńnia skrynšotaŭ
  • śpiec
    07.04.2024
    Naša Niva, i znoŭ dziakuj za ŭvahu da detalaŭ i za prafiesijnuju adpracoŭku naviny.
  • Paradnik
    07.04.2024
    babłorulit u "nievierojatnych" ofisa Cichanoŭskaj i inšaha palitśmiećcia. Łukašysty pracujuć pad žacham, bo amal na kožnaha jość kompramateryał.

    Treba trymacca pałka Kalinoŭskaha i "Volnaj Biełarusi" Zianona Paźniaka.
    Tady my pieramožam !

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →