Hramadstva1010

«Hod znachodzicca ŭ poŭnaj izalacyi». Što robicca z Maryjaj Kaleśnikavaj

Bolš za hod, ad lutaha 2023-ha, blizkija Maryi Kaleśnikavaj ničoha nie viedajuć pra jaje. Radyjo Svaboda sa svaich krynic daznałasia trochi infarmacyi pra palitźniavolenuju.

Maksim Znak i Maryja Kaleśnikava ŭ sudzie. Fota: BelTA via AP

Apošni list ad Maryi Kaleśnikavaj rodnyja atrymali 15 lutaha 2023 hoda. Z taho času blizkija nie majuć pra jaje anijakaj infarmacyi. Svaboda pahutaryła ź niekalkimi čałaviekami, jakija majuć źviestki pra Maryju za hety pieryjad. Z pryčyn biaśpieki ich danyja nie raskryvajucca.

«Uvieś hety čas, prynamsi amal hod, Maryja znachodzicca ŭ poŭnaj izalacyi. Jaje źmiaścili ŭ adzinočnuju kamieru PKT — pamiaškańnie kamiernaha typu. Pavodle zakona, maksimalny termin znachodžańnia ŭ PKT — 6 miesiacaŭ. Tamu jaje pieravodzili na niekalki dzion u ŠIZA — i adtul znoŭ kinuli ŭ PKT», — patłumačyŭ adzin z surazmoŭcaŭ.

Nahadajem, u kancy listapada 2023 hoda asudžanaja na 11 hadoŭ Maryja Kaleśnikava trapiła ŭ reanimacyju Homielskaj balnicy chutkaj dapamohi. Joj praviali ekstranuju apieracyju, vyjavili prabadnuju jazvu, jakaja ŭskładniłasia pierytanitam. Paśla balnicy ŭ chutkim časie Maryju pieraviali nazad u kałoniju, u miedyka-sanitarnuju častku. Tam joj dazvolili sustrecca z baćkam. Z taho času rodnyja nie bačyli Maryju, nie atrymlivali listoŭ i telefanavańniaŭ.

Jašče adna krynica Svabody śćviardžaje, što prablemy sa zdaroŭjem u Maryi praciahvajucca i ciapier.

«Pa-pieršaje, apieracyja nie prajšła biasśledna. Jana mocna schudnieła. Pieraniesła niekalki prastudnych zachvorvańniaŭ. U jaje byŭ vysoki cisk, ale joj admaŭlalisia adrazu dać leki. Dy što tam — nie chacieli navat pa jaje prośbie pamierać cisk, choć jana nastojvała», — kaža surazmoŭca.

Pavodle jaje, Maryju pieravodzili PKT u ŠIZA. Adroźnieńnie ŭ tym, što ŭ ŠIZA bolš choładna i syra, čym u PKT, nie dajuć matraca, paduški, koŭdry, paścielnaj bializny i vierchniaj vopratki.

«Zastaješsia tolki ŭ futbołcy, «łasinach» i formiennym harnitury. Spać davodzicca na hołych doškach. U takich umovach była i Maryja. Ad choładu i vilhaci tam pačynajuć baleć sustavy», — kaža jašče adna surazmoŭca, jakaja niadaŭna vyzvaliłasia z Homielskaj žanočaj kałonii.

Pavodle jaje słoŭ, Kaleśnikavu paśla ŠIZA pieraviali nazad u PKT, dzie ŭmovy byli lepšymi. «Tam choć jość matrac, koŭdra, paścielnaja bializna i vopratka», — zaznačyła krynica.

Surazmoŭca dadaje, što Maryju Kaleśnikavu nie vodziać na pracu, jana izalavanaja ŭ adzinočnaj kamiery. Inšyja źniavolenyja žančyny, traplajučy ŭ ŠIZA, čuli jaje hołas, kali jana była tam i kazała achoŭnikam pra toje, što adčuvaje siabie błaha.

Čytajcie taksama:

«Ja vas vielmi lublu i mocna-mocna sumuju». Štučny intelekt čytaje hołasam Maryi Kaleśnikavaj jaje list

«Mnie tolki chočacca, kab jana vyžyła». Siastra Maryi Kaleśnikavaj — pra hod biez suviazi ź joj

«Kožnuju noč ja kažu: «Syna, dabranač». Jak biełarusy pieražyvajuć zatrymańni svaich blizkich

Kamientary10

  • A
    04.04.2024
    Daj Boh každomu karatielu dožiť do voźmiezdija.

    I pieriežiť vsie pytki i unižienija.
  • Rykaje baba
    04.04.2024
    [Red. vydalena]
  • Noŭnejm
    04.04.2024
    Pačvary fašysckija

Zamach na Donalda Trampa: u jaho stralali ŭ čas vystupu ŭ Piensilvanii31

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Papularny polski treveł-błohier raskazaŭ pra svaju pajezdku ŭ Biełaruś i daŭ parady18

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii31

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →