Kultura2727

«Biełaruskamoŭnaha biełarusa da 2020 hoda bačyŭ adzin raz». AP$ENT rezka raskrytykavaŭ «litaraturny hurtok» u tvitary 

Papularny muzykant taksama prajšoŭsia pa biełaruskich błohierach i tych, chto ekspłuatuje nacyjanalnuju simvoliku. 

Arsień Kiślak u padkaście «#1 Hikaŭski». Skrynšot videa

Biełaruski muzykant AP$ENT (sapraŭdnaje imia — Arsień Kiślak) źjaviŭsia ŭ apošnim vypusku padkasta «#1 Hikaŭski», raspavioŭšy pra svaju papularnaść, błakiroŭku ŭ Rasii i składanyja adnosiny ź biełaruskim hramadstvam. 

Adkazvajučy na pytańnie adnaho ź viadoŭcaŭ, čamu jon vydaliŭsia z tvitara, Arsień Kiślak patłumačyŭ, što niapravilna pačaŭ jaho raźvivać i ŭsio skončyłasia poŭnym pravałam. Dla jaho tvitar byŭ adzinym srodkam suviazi ź biełaruskamoŭnaj aŭdytoryjaj, tamu jon płanuje jaho adnavić, choć moŭnaje pytańnie dla jaho zastajecca składanaj temaj.

«Kali ščyra razabracca, heta nasamreč vialikaja prablema. Voś u nas u Biełarusi jość ludzi ruskamoŭnyja, jość biełaruskamoŭnyja — ja nikoha nie asudžaju. Ja naradziŭsia ŭ Charkavie, vyras u Mahilovie, ja biełaruskamoŭnaha biełarusa za svajo žyćcio bačyŭ adzin raz da 2020 hoda», — pačaŭ svoj adkaz biełaruski muzykant.

Ale paśla jahony adkaz staŭ bolš rezkim i emacyjnym: 

«Pačałasia vajna, pačalisia ŭsie hetyja prablemy. Ludzi pierastali razumieć, chto ich siabar, chto ich vorah. Nam biełarusam, asabliva jakija źjazdžajuć ź Biełarusi, patrebnyja siabry. Treba niejak siabie znajści, svaju kampaniju, nam patrebna dapamoha.

I ty prychodziš u tvitar, a tam prosta voś hety «litaraturny hurtok», bałota. I ty taki: «Pryvitańnie, ja taksama biełarus i navat taksama chacieŭ by na biełaruskaj razmaŭlać, što ja mahu zrabić na movie?». I tabie adrazu: «Na jakoj movie?» — pieradražnivaje śpiavak tvitarčukoŭ. 

— «Mova» jość usiaho na dźviuch movach, heta ŭkrainskaja i biełaruskaja, usio astatniaje «jenzyk», «jazyk». I tabie pačynajuć adrazu nakidvać strukoŭ. Ja prychodžu i mnie nakidvajuć. «Ni***asie sabie, a čo tak?» Ja typu nikomu ničoha drennaha nie rablu, piesieńki dla vas tut pišu.

Pačynajecca «jon nie biełarus, u jaho tolki dźvie biełaruskamoŭnyja pieśni». I ty taki: «ach ty paskuda jab***aja. Piać!!!».

Navošta mnie pisać bolš biełaruskamoŭnych piesień, kali ty, mr**ota, zmahła spažyć tolki dźvie ź piaci?»

Reakcyja biełaruskaha tvitara na słovy papularnaha muzykanta. 

Hetyja rezkija vykazvani ŭzrušyli «bałota» biełaruskaha tvitara i padniali jašče bolšuju chvalu chejtu suprać śpievaka. Muzykanta pa ŭžytaj leksicy paraŭnali z adminam «Žoŭtych źlivaŭ» i kopirajtaram Łukašenki, nazvali pakryŭdžanym chłopčykam, «čałaviekam z naroda», jaki vystupaje za «adzin normalnyj jazyk». 

«Abažaju takich dziundzikaŭ, jakija na chvali vajny pierajšli na biełaruskuju, a potym praz paru miesiacaŭ viarnulisia da rasiejskaj. Bo ich niedastatkova pa hałoŭcy hładzili i navat (o, boža) papraŭlali!» — aburyŭsia adzin z tvitarčukoŭ. 

Na dumku Kiślaka, kab prasoŭvać biełaruskuju kulturu, što jon vielmi padtrymlivaje, treba spačatku stać kimści ŭ hłabalizavanym śviecie, jak, naprykład, heta zrabiŭ armianski hurt System of a Down. 

Pravał u tvitary byŭ nie adzinym dla muzykanta niehatyŭnym dośviedam znosinaŭ ź biełaruskaj supolnaściu. Jon raspavioŭ pra ekspłuatacyju biełaruskaj simvoliki i kryvadušnaść źviazanych ź jaje prodažam ludziej, ź jakoj jon sutyknuŭsia ŭ emihracyi.

Jašče adzin bol — tyja niečakanyja składanaści i poŭnaje ihnaravańnie, ź jakimi jon sutyknuŭsia pry padrychtoŭcy da kancerta ŭ Vilni, jaki adbyŭsia ŭ kancy listapada minułaha hoda. 

«Kancert u Vilni prajšoŭ komam. My pačali rychtavać kancert, rekłama była supierdarahaja, bo heta była «čornaja piatnica».

Stali telefanavać błohieram i pačalisia cudy. My zrazumieli, što ŭ nas praktyčna niama siabroŭ. Pisali Laŭčuk — admoviła, Snycina naohuł zabłakavała, Vietrava nie adkazała, nu moža sapraŭdy była zaniataja. My atrymali ŭsiudy admovy. I heta tolki tyja, pra kaho ja pamiataju».

Niadaŭniaje błakavańnie Raskamnahladam jaho profila na stryminhavaj płatformie «Jandeks Muzyka» śpiavak dakładna patłumačyć nie zmoh.

«Heta ŭnikalny vypadak, da hetaha tak nikoha nie zabaraniali na Jandeksie».

«Naša Niva» — bastyjon biełaruščyny

PADTRYMAĆ

Kamientary27

  • Nad Niomanam
    02.04.2024
    Ja naradziŭsia ŭ Charkavie, vyras u Mahilovie
    Usio zrazumieła - ruski čałaviek. Tamu i biełaruskaja mova dla jaho čužaja.
  • špońk
    02.04.2024
    Pračytaŭ artykuł, i cełym, što jon nie tak skazaŭ, što ŭ th na hety artykuł nakidali łajna?
  • Mimašoŭ
    02.04.2024
    Tak ta jon niejki pakryŭdžany.
    Ale, pra toje što jość hurtok z pantyjonu biełaruskich bahoŭ błohieraŭ - zhodzien. Vielmi časta čuvać jak niechta źviartajecca pa dapamohu ci pa supracu, i ich ihnarujuć.
    Ale, pra heta ž nie skažuć tutaka, što niejkaja Vietrava ihnaruja, a Laŭčuk blakuje.

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →