U Jeŭrasajuzie śćviardžajuć, što nie ŭvodzili sankcyj suprać avijakampanii Southwind Airlines
Jeŭrapiejski sajuz nie ŭžyvaŭ nijakich sankcyj u dačynieńni da tureckaj avijakampanii Southwind Airlines, jakaja sutyknułasia z abmiežavańniem palotaŭ u ES i vymušanaja była na hetym fonie skasavać paloty pamiž Minskam i Stambułam, paviedamlaje RBK.
«Sankcyi ES prymajucca dziaržavami-čalcami adnahałosna i publikujucca ŭ aficyjnym časopisie ES. Na siońniašni dzień ES nie ŭžyvaŭ nijakich padobnych sankcyj u dačynieńni da hetaj kampanii», — paviedamili ŭ viedamstvie.
ES padtrymlivaje dziejańni dziaržaŭ, jakija ŭvachodziać u sajuz, nakiravanyja na zabieśpiačeńnie adzinaha padychodu da ŭžyvańnia sankcyj, dadali ŭ Jeŭrakamisii.
Pra toje, što Brusiel zabaraniŭ paloty Southwind Airlines u JEZ u ramkach Rehłamientu 833/2014 (tyčycca abmiežavalnych zachadaŭ Rasii praz kanflikt va Ukrainie), paviedamlała tureckaje halinovaje vydańnie Turizm Guncel.
Vydańnie Airways Magazine pisała, što Finlandyja nie dazvoliła avijakampanii paloty na svaju terytoryju, pakolki Chielsinki vyjaviŭ parušeńni jeŭrapiejskaha zakanadaŭstva z boku pieravozčyka.
Pavodle źviestak finskich avijaŭładaŭ, kantrol nad Southwind Airlines naležyć nie zajaŭlenym tureckim fizičnym i jurydyčnym asobam, a rasijskim — jany zasnavali Southwind Airlines, a bolšaja častka piersanału i avijaparku byli arandavanyja ŭ rasijskaj Nordwind.
Adnoj ź pieršych ad sankcyj suprać avijakampanii Southwind Airlines paciarpieła prapahandystka ANT
Southwind Airlines admianiaje palotnuju prahramu Minsk — Stambuł
«Tureckaj» Southwind Airlines zabaranili lotać nad ES. Siońniašni rejs ź Minska admienieny
Rasija stvaryła padstaŭnuju avijakampaniju, kab pieravozić nielehalnych mihrantaŭ u Jeŭropu praź Minsk
Siłaviki praciahvajuć umacoŭvać svaje budynki, bajučysia paŭstańnia4
Kamientary