Hramadstva44

U jakich haradach Biełarusi kolkaść nasielnictva vyrasła z 2000 hoda REJTYNH

«Naša Niva» paraŭnała, nakolki źmianiłasia nasielnictva ŭ roznych haradach Biełarusi ad pačatku stahodździa. 

My nanieśli na kartu ŭsie biełaruskija harady i rajcentry, u jakich ciapier žyvie bolš čałaviek, čym u 2000 hodzie. Ich naličyŭsia 31.

Harady, u jakich kolkaść nasielnictva vyrasła bolš, čym na 20%, paznačanyja zialonym. Tyja, dzie stała na 10-12% bolš žycharoŭ, — žoŭtym. A dzie kolkaść nasielnictva vyrasła mienš, čym na 10% — aranžavym.

Možna vyłučyć čatyry asnoŭnyja hrupy haradoŭ.

1) Minsk i vakolicy

U samoj stalicy kolkaść nasielnictva vyrasła na 18,4%, u spadarožnikach jašče bolš. Admietna, što siarod bližejšych rajcentraŭ bolšaj papularnaściu karystajucca tyja harady, jakija znachodziacca bližej da trasy M1. To-bok Stoŭbcy, Uzda i navat Niaśviž razrastajucca bolš za Vałožyn ci Červień.

2) Brest i bresckaje Paleśsie

Siarod istotnych faktaraŭ bolšaja dola pryvatnaha biznesu ŭ ekanomicy, čym na ŭschodzie Biełarusi — a značyć, i vyšejšy ŭzrovień dabrabytu. Blizkaść da Polščy i Ukrainy tradycyjna spryjali handlu. A raspaŭsiud pratestantyzmu pryvioŭ da rostu naradžalnaści. U vyniku ŭ plus Brest z Žabinkaj, i bolš dalokija Stolin i Ivanava.

Naturalna, maje značeńnie i bolš kamfortny klimat, čym na ŭschodzie ci poŭnačy Biełarusi.

3) Čarnobylskija harady Homielščyny

Brahin, Lelčycy, Karma, Čačersk, Naroŭla, Vietka — va ŭsich hetych haradach i miastečkach kolkaść nasielnictva pavialičvałasia. Ciažka vyłučyć adnu kankretnuju pryčynu.

Pa-pieršaje, dziaržaŭnyja prahramy adnaŭleńnia paciarpiełych terytoryj i źviazanyja ź imi lhoty.

Pa-druhoje, klimatyčnyja ŭmovy, jakija syhrali ŭ plus taksama, jak i ŭ situacyi z Brestčynaj.

Mahčyma, adyhryvaje rolu i toj fakt, što adrazu paśla Čarnobylu kolkaść nasielnictva ŭ rehijonie istotna skaraciłasia. Ź ciaham času ludzi stali viartacca ŭ rodnyja miaściny. A pakolki my paraŭnoŭvajem situacyju z 2000-m, to i składvajecca ŭražańnie istotnaha rostu.

4) Astravieckaja AES

Budaŭnictva AES pryviało da vybuchovaha raźvićcia Astraŭca, stali karystacca papularnaściu i Ašmiany. U trecim horadzie rehijona, u Smarhoni, nasielnictva ŭsio ž źmienšyłasia, ale minimalna.

***

Udakładnim, što ŭ kožnym kankretnym vypadku mohuć upłyvać i inšyja nievidavočnyja faktary. Naprykład, u rejtynh patrapiŭ Viciebsk, choć situacyi pa ŭsioj Viciebščynie (jak i pa Mahiloŭščynie) vyhladaje krajnie depresiŭna.

Ale ŭ čym fienomien Viciebska? Reč u tym, što ŭ 2017 hodzie ŭ skład horada ŭklučyli pasiołak Ruba z 7500 žycharami. Jany zastalisia žyć tam, dzie i raniej, ale farmalna stali viciebčukami.

Padobnaja situacyja i z Homielem. U 2016-m u skład abłasnoha centra ŭklučyli 10-tysiačnuju Kaściukoŭku.

2000 2024 Rost
1 Astraviec 8666 15116 74,43%
2 Łahojsk 9664 15565 61,06%
3 Smalavičy 14107 22679 60,76%
4 Fanipal 11387 18252 60,29%
5 Zasłaŭje 13118 17407 32,70%
6 Brahin 3490 4570 30,95%
7 Lelčycy 9912 12334 24,44%
8 Dziaržynsk 23963 29796 24,34%
9 Karma 6357 7837 23,28%
10 Brest 287384 344470 19,86%
11 Hrodna 302384 361115 19,42%
12 Minsk 1683135 1992862 18,40%
13 Čačersk 7618 8927 17,18%
14 Naroŭla 7322 8371 14,33%
15 Stolin 12210 13785 12,90%
16 Žabinka 12806 14418 12,59%
17 Uzda 9490 10619 11,90%
18 Ašmiany 15068 16787 11,41%
19 Vietka 7732 8599 11,21%
20 Małaryta 11529 12735 10,46%
21 Niaśviž 14478 15968 10,29%
22 Žodzina 59457 63744 7,21%
23 Stoŭbcy 16555 17737 7,14%
24 Žłobin 72155 76844 6,50%
25 Kobryn 50947 52635 3,31%
26 Homiel 485600 501102 3,19%
27 Lida 100746 103916 3,15%
28 Viciebsk 347927 358395 3,01%
29 Baranavičy 168096 171361 1,94%
30 Ivanava 16004 16172 1,05%
31 Kleck 11187 11248 0,55%

Kamientary4

  • Ilja
    03.04.2024
    V čiernobylskich rajonach vyrosło nasielenije, t.k. niedvižimosť była diešievle, čiem viezdie.
  • Taici
    06.04.2024
    Iščo vyrasła ŭ ahraharadkach kala złavieščaha NATO. Očeń vyrasła ja prama skažu. Tam uže prychodzicca na adnaho vyłupiŭšahasia da 1994 hoda pa dziesiać zaviezienych paśla 2020... Da Kujram-Bajram iščo ŭ Biareści kaniešnie jašče nie dajšło ale zdajecca minie chutka na hłobusie budzit iščo adna musulmanskaja kraina Brasłaŭskich azior )))
  • Ad pradziedaŭ, spakon viakoŭ, mnie zastałasia spadčyna.
    06.04.2024
    Pa- pieršaje: nie Minsk, a Miensk, nie Hrodno, a Harodnia, nie Brest, a Biareście.
    Pa-druhoje: a dzie statystyka našych spradviečnych haradoŭ Smalenska, Nieviela, Vieliža, Vilni, Vilkamira, Jeŭja...? Hdzie?
    Nie, ja razumieju, što daremna čakać adkazu ad, chto navat nie viedaje nazvy haradoŭ svajoj dziaržavy, dy karystajecca ich polska- rasiejskami nazvami, ale ž kali maŭčać, to vy tak budziecie žyć i dalej, jak niepiśmiennyje bzdury.
    Ale vidavočna, vam tak navat padabajecca. Taki vy narodziec.

Minsk siońnia amal całkam pajšoŭ pad vadu FOTY6

Minsk siońnia amal całkam pajšoŭ pad vadu FOTY

Usie naviny →
Usie naviny

Błohierka-jabaćka lamantuje, što joj pahražajuć čynoŭniki18

Kiraŭnik MZS raskazaŭ, na kaho nie budzie raspaŭsiudžvacca biaźvizavy režym3

Paśla zamachu na Trampa žančyny-ahienty Sakretnaj słužby stali mišeńniu sieksisckich napadak28

Biełaruś ustanaviła biaźvizavy režym dla hramadzian 35 krain Jeŭropy14

Biełarusy zapuścili novuju płatformu dla kraŭdfandynhu3

Pamior Mikałaj Damaškievič6

U Minsku chutka pačnuć sudzić piać čałaviek pa hučnaj spravie za «padrychtoŭku teraktu ŭ Dzień Pieramohi»1

Litva zabaraniaje ŭjezd aŭto na biełaruskich numarach44

U najlepšych tradycyjach Ahaty Kryści. Zahinułych u hateli ŭ Banhkoku vjetnamcaŭ atrucili cyjanidam

bolš čytanych navin
bolš łajkanych navin

Minsk siońnia amal całkam pajšoŭ pad vadu FOTY6

Minsk siońnia amal całkam pajšoŭ pad vadu FOTY

Hałoŭnaje
Usie naviny →