Muzyka

Fanaty nie znajšli niekalkich trekaŭ na kružełkach z novym albomam Biejonsie

Prychilniki, jakija aformili pieradzamovu na vinił z novym kantry-albomam Cowboy Carter, pabačyli, što na kružełkach adsutničaje piać trekaŭ, piša Bi-bi-si.

Photo by Perry Knotts/Getty Images

Albom vyjšaŭ u piatnicu pad uchvalnyja vodhuki krytykaŭ, niekatoryja ź jakich nazvali jaho šedeŭram. Paviedamlajecca, što na vinił-viersii, u pryvatnaści, niama papularnych siarod prychilnikaŭ śpiavački piesień YaYa i Spaghetti.

«Mnie tak sumna», — napisaŭ adzin z fanataŭ na Reddit — jon zapłaciŭ 40 dalaraŭ za pieradzamovu alboma na sajcie Biejonsie i atrymaŭ svaju kopiju ŭ piatnicu.

«Heta tak kryŭdna, bo Ya Ya ŭvachodzić u piaciorku lubimych piesień na albomie», — napisali kalekcyjaniery viniłu Met i Chuan u tyktoku.

Usiaho na płaścincy adsutničajuć piać piesień i interludyj: Spaghetti, Flamenco, the Linda Martell Show, Ya Ya i Oh Louisiana.

Pry hetym niezrazumieła, ci zakranuty ŭsie viniłavyja kopii. Prychilniki taksama paviedamili, što na CD-viersii niama čatyroch trekaŭ.

«Što heta takoje?! Jak jana mahła pradać niapoŭny albom?» — skardzicca adzin z karystalnikaŭ Reddit.

Jak adznačaje muzyčny ahladalnik Bi-bi-si Mark Sevidž, vierahodnaje tłumačeńnie zaklučajecca ŭ tym, što Biejonsie dadała hetyja pieśni ŭ kancy pracy nad albomam.

Vytvorčaść viniłu raśpisana na miesiacy napierad, a terminy vyrabu nakładu kružełak składajuć ad 10 tydniaŭ da 6 miesiacaŭ, tamu majstar-kopii albomaŭ pavinny być pieradadzieny zavodam zadoŭha da ich aficyjnaha vychadu.

Artysty taksama niaredka ŭnosiać źmieny ŭ treklisty i sami kampazicyi ŭ apošniuju chvilinu.

Repier Kańje Uest niekalki razoŭ abnaŭlaŭ svoj albom 2016 hoda the Life of Pablo paśla jaho vychadu, źmianiajučy treklist u stryminhavych servisach da taho času, pakul nie byŭ kančatkova zadavoleny.

Kamientary

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Usie naviny →
Usie naviny

Padletku sa Žłobina dali chatniuju chimiju za toje, što sarvaŭ dziaržaŭny ściah2

Azierbajdžan spyniŭ u krainie dziejnaść «Rassupracoŭnictva»9

Łukašenka zajaviŭ pra ŭzmacnieńnie paŭnamoctvaŭ miascovaj ułady ŭ dačynieńni da pryvatnaha siektara9

U «Minsk-Śviecie» siońnia zdaryŭsia patop4

Stryžak nazvaŭ, kolki zvarotaŭ pryjšło ŭ BYSOL praz uzłom «Biełaruskaha Hajuna»2

Na trasie Minsk — Brest ciahnik źbiŭ mikraaŭtobus

Cichanoŭskaja: «Apošni raz ja čuła hołas muža čatyry hady tamu». Siarhiej Cichanoŭski znachodzicca ŭ režymie inkamunikada 700 dzion13

Praź śpiešku CRU źliło imiony svaich maładych supracoŭnikaŭ, na jakich palujuć kitajskija śpiecsłužby7

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie9

bolš čytanych navin
bolš łajkanych navin

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Hałoŭnaje
Usie naviny →

Zaŭvaha:

 

 

 

 

Zakryć Paviedamić