Hramadstva4444

Astapienia: «Kali vy razzłujecie dzieda, to čaho dasiahniecie? Zadača — kožny dzień raźvivać Biełaruś»

U intervju jutub-kanału «ČasnOK-LIVE» sacyjołah Ryhor Astapienia raskazaŭ, čym demakratyčny ruch moža dapamahčy Biełarusi zamiest taho, kab prosta «złavać dzieda».

Ryhor Astapienia Hrihorij Astapienia Grigory Astapenia
Ryhor Astapienia. Skryn videa chestnok_live / YouTube

Astapienia ličyć, što siońnia demakratyčny ruch nie moža pieramahčy Alaksandra Łukašenku i heta «prosta treba pryznać». Adnak jon nie bačyć pryčyn, kab apuskać ruki. Jość šmat rečaŭ, jakija možna zrabić.

«Sens nie ŭ tym, što ty zmahaješsia z režymam, a ŭ tym, što raźvivaješ Biełaruś. Tvaja zadača — pastajanna, kožny dzień raźvivać Biełaruś. Kab bolš ludziej ciabie hladzieła na jutub-kanale, kab bolš ludziej viedała pra demakratyčnyja kaštoŭnaści, biełaruskuju movu i hetak dalej».

Takim čynam, adznačaje Astapienia, hramadstva stanovicca «bolš razumnym i sučasnym».

«Kali vy razzłujecie dzieda, to čaho dasiahniecie? U čym meta? Što adbyvajecca paśla taho, što vy [heta] zrabili?»— zadajecca pytańniem Astapienia i zaŭvažaje:

«Treci hod šyrokich ekanamičnych sankcyj. Ničoha nie adbyvajecca. My bačym, što sistema pierabudavałasia. Usie adaptavalisia, usio praciahvajecca dalej. Pry tym, što sankcyi bjuć pa demakratyčnym ruchu».

Na pohlad Astapieni, biełarusy ŭnutry krainy nie lubiać sankcyi, bo jany zamiest režymu bjuć niepasredna pa ich: «Alaksandr Łukašenka nie lotaje «Biełavija», nie jeździć elektryčkaj u Vilniu i na pamiežnyja pierachody pamiž Polščaj i Biełaruśsiu. To-bok dla čaho heta ŭsio robicca?

My biarem instrumient, jakim na samoj spravie nie vałodajem, machajem im. Ale režym nie adčuvaje nijakaha strachu, bo jon nie bje pa im. I pry hetym atrymlivajem admoŭnaje staŭleńnie biełarusaŭ da ŭviedzienych sankcyj».

Čytajcie jašče:

«Nie złavać dzieda». Ryhor Astapienia prapanavaŭ novuju stratehiju demakratyčnym siłam

Jakuju Biełaruś chočuć biełarusy? Analiz apytańniaŭ daje cikavuju karcinu

«My pavinny zdacca Łukašenku?» Łatuška adkazaŭ Astapieniu

Kamientary44

  • Šyp
    31.03.2024
    Nie dumaŭ, što Astapienia taki naiŭny, takoje adčuvańnie, što apošnija 4 hady jon pravioŭ na Marsie. Tyja, chto kožny dzień raźvivaŭ Biełaruś, mnohich ź ich zaraz katujuć u turmach. Łukašenku i jaho vyčvarencaŭ zaraz złuje ŭsio, lubaja inicyjatyva pryznajecca ekstremisckaj. I što na heta adkazvaje Astapienia - “nie złavać dzieda i źniać sankcyi”. Chaj jon heta ŭ tvar skaža ŭsim palitźniavolenym i ich svajakam!
  • F
    31.03.2024
    Moža, tamu što "šyrokija" sankcyi nie takija ŭžo j šyrokija. I nie pracujuć suprać łuki i jaho asiarodździa, jak i suprać pojła i jaho asiarodździa?
  • Žoryk
    31.03.2024
    A nachren vy vychodzili ŭvohule, zaraz by siadzieli ŭ svaich kvaterach i damach i samaloty b lotali i nie było b na hranicach bardaka i h. d.. I sankcyj by nie było. 

Jakimi buduć vybary 2025 hoda? Razvažajuć Viačorka, Łatuška i Šrajbman8

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202519

Jarmošyna pra Cichanoŭskuju: Prosta pradaŭščyca na fonie Karatkievič u 2015-m46

Što źmianiaje zamach na Trampa?4

Viadučaja ANT Iryna Rambalskaja pakazała svaje harsety na tydni mody ŭ Paryžy9

U mašynie chłopca, što stralaŭ u Trampa, znajšli vybuchoŭku7

Apakalipsis u Mazyry. Štorm nakryŭ Homielščynu8

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman8

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →