Hramadstva2121

«Siońnia haryć śmiećcie, zaŭtra buduć hareć vašy dzieci». Biełarusam Litvy rassyłali pahrozy ad imia ultranacyjanalistaŭ. Ale prakałolisia

Mnohija biełarusy Litvy, emihranty apošniaj chvali, atrymali paviedamleńni z pahrozami pa-litoŭsku. «Naša Niva» vyjaviła, chto i jak heta rabiŭ.

22 sakavika ŭ telehram «Našaj Nivy» napisaŭ čałaviek, jaki raskazaŭ, što jamu «ŭžo nie pieršy raz» šluć pahrozy. Cytujem na movie i ŭ stylistycy aryhinała:

«Užie nie piervyj raz ja i moi znakomyje v Vilniusie połučajut soobŝienija s uhrozami. Užie riealno stanovitsia strašno za siebia i za svoju siemju na samom diele. Čto nam diełať, kuda idti v policiju ili čto?!»

Da paviedamleńnia byŭ dałučany skrynšot pahrozy.

My pravieryli numar, ź jakoha byccam by była dasłanaja pahroza. Vyjaviłasia, što numar naležyć kiraŭniku łahistyčnaha adździeła bujnoj kampanii, jakaja zajmajecca hruzapieravozkami i nie maje anijakaha dačynieńnia da rassyłki.

Toj, chto paviedamiŭ nam hetuju infarmacyju — jon byŭ padpisany jak «Maksim Šydłoŭ» — vyjšaŭ z akaŭnta i nie zachodziŭ u jaho ŭsie hetyja dni. Na našu prapanovu pra sustreču jon nie adhuknuŭsia. Fota ŭ jaho na akaŭncie fejkavaje. Taksama vyjaviłasia, što imia pry stvareńni akaŭnta było inšym, dosyć ekzatyčnym, a akaŭnt absalutna pusty — biez anijakich śladoŭ publičnaj aktyŭnaści.

«Heta apošniaje papiaredžańnie vam i vašym dzieciam»

Tym časam ranicaj 28 sakavika paviedamleńnie anałahičnaha źmiestu źjaviłasia ŭ telehram-čacie «Biełarusy ŭ škole. Vilnia». Čałaviek, padpisany jak Artem, skinuŭ nibyta atrymanuju im «siońnia ŭnačy» pahrozu. Jana asabliva hadkaja: «Heta apošniaje papiaredžańnie vam i vašym dzieciam. Siońnia haryć śmiećcie, zaŭtra buduć hareć vašy dzieci. Litva — litoŭcam».

Varta patłumačyć, što akurat viečaram 27 sakavika ŭ Vilni byŭ maštabny pažar, hareła aŭtazvałka.

Paviedamleńnie z čatu «Biełarusy ŭ škole. Vilnia»

Stylistyka dopisaŭ «Artema» padałasia nam padobnaj da stylistyki vyšej uzhadanaha «Maksima Šidłova». My stali šukać infarmacyju pra «Artema». Akazałasia, «Artem» dałučyŭsia da čatu «Biełarusy ŭ škole. Vilnia» napiaredadni, 27 sakavika.

Paviedamleńnie «Artema» vyklikała žyvoje zacikaŭleńnie ŭ niekalkich udzielnikaŭ čatu, jakija pakinuli niekalki paviedamleńniaŭ.

U adkaz na sumnievy asobnych udzielnikaŭ čatu ŭ realnaści hetych pahroz i zaŭvahi, što za ŭsie hady ludzi ź nijakimi pahrozami nie sutykalisia, što za hetym moža stajać biełaruski KDB, «Artem» pierakonvaŭ, što śpiecsłužby Biełarusi «dakładna nie majuć da pahrozaŭ dačynieńnia».

Našu ŭvahu źviarnuła, što jašče dvoje z tych ludziej, jakija aktyŭna abmiarkoŭvali hetuju temu ŭ čacie, ustupili tudy napiaredadni — 26 ci 27 sakavika. Pryčym u inšych čatach jany nie zaŭvažanyja.

«Artem» i «Forest»

Voś čas ustupleńnia «Artema», «Foresta» i jašče adnaho karystalnika.

Čas ustupleńnia padazronych akaŭntaŭ u hrupu «Biełarusy ŭ škole. Vilnia»

Karystalnik «Forest», jaki ŭstupiŭ u hrupu 27 sakavika i nie maje za saboj nijakaj telehramnaj historyi, źmiaściŭ paviedamleńnie:

«Mnie otpravili otfotošoplennyje foto mojeho riebienka… nu tam prosto žiesť…»

Praź niekalki dzion pieršasnaje paviedamleńnie «Artema» z čatu «Biełarusaŭ u škole. Vilnia» źnikła — my nie viedajem, ci jaho vydaliŭ sam «Artem», ci admin čatu.

Tym časam źjavilisia skrynšoty niekatorych inšych paviedamleńniaŭ.

Skrynšot paviedamleńnia, jakoje dasłali biełarusam Litvy. Fota z telehram-čata «Čat — Biełarusy Vilni»

A 1 krasavika «Forest» zaklikaŭ usich udzielnikaŭ čatu źviazacca z «Artem»-am.

«Vsiem dobryj dień, choču obratiťsia ko vsiem, komu poślednieje vriemia prichodili soobŝienija s uhrozami. Napišitie požałujsta polzovatielu Artem, on hotovit kollektivnoje obraŝienije v policiju».

«Naša Niva» praz telehram źviarnułasia da ŭsich hetych akaŭntaŭ, jakija dałučylisia da čatu 26-27 sakavika, pačali temu ci aktyŭna ŭ joj vykazvalisia.

«Artem» skazaŭ nam, što ŭstupiŭ u hrupu «Biełarusy ŭ škole. Vilnia», kab «raskazać inšym pra pahrozy, jakija prychodzili jamu da ŭstupleńnia ŭ hrupu». 

Ale jon supiarečyć sam sabie. «Artem» ustupiŭ u hrupu dniom 27 sakavika, a zranku 28 sakavika napisaŭ u čacie, što pahrozy jamu «pryjšli nočču», a ŭ tekście pahrozy zhadvajecca pažar, što adbyŭsia ŭviečary 27-ha, paśla taho jak «Artem» dałučyŭsia da hrupy. 

Ad dalejšaj hutarki z žurnalistam «Artem» admoviŭsia, bo «lacić u samalocie» i prapanavaŭ dasłać pytańni śpisam. 

«Forest» skazaŭ nam, što dałučyŭsia da čatu, kab «daviedacca bolš pra dziciačyja hurtki ŭ Vilni». Praŭda, pra hurtki anivodnaha pytańnia ciaham troch sutak jon u čacie nie zadaŭ. Uklučyŭsia jon tolki ŭ dyskusiju pra «pahrozy», jakija jamu dasłali.

Adnamu ź ludziej, jakija ź im kamunikavali, jon raskazaŭ, što nibyta «bolšaść pahrozaŭ pastupiła baćkam školnikaŭ ź biełaruskamoŭnaj himnazii imia Franciška Skaryny».

Što da śćviardžeńnia, niby akramia pahrozaŭ jamu dasłali «fota čałavieka ŭ trunie z pryfatašoplenymi tvarami jahonych dziaciej», to «Forest» nie viedaje, adkul mohuć być jahonyja źviestki ŭ tych, chto jamu pahražaŭ, ale pierakonvaje, što jaho niemahčyma adšukać pa numary ŭ telehramie. Jon ža skazaŭ, što asabista viedaje «Artema».

«Artema» i «Foresta» z vyšej nazvanym «Maksimom Šidłovym» jadnaje toje, što i akaŭnty apošniaha novyja i pustyja ŭ sensie aktyŭnaści ŭ čatach.

Pry hetym ludzi z padazronaj historyjaj pravodziać dumku, što ŭciečka mahła adbycca z aficyjnaha partała litoŭskaj adukacyi.

Pustyja ID

Miž tym usie inšyja identyfikavanyja nami realnyja ludzi, kamu pahrozy pryjšli, — heta ludzi sa słaba abaronienymi akaŭntami. Va ŭsich ich my zdoleli z dapamohaj anłajn-instrumientaŭ adšukać telefonny numar i realnaje imia. Heta značyć, što hety numar i imia mahli lohka znajści i złamyśniki.

Źviartaje ŭvahu taksama, što ŭsie identyfikavanyja nami atrymalniki paviedamleńniaŭ — emihranty apošniaj chvali, jakija pryjechali ŭ Litvu apošnija hady.

My paprasili tych, kamu dasyłali paviedamleńni, skazać nam ID akaŭntaŭ, ź jakich adbyłasia rassyłka. Vyjaviłasia, što jany taksama absalutna pustyja i stvoranyja vyklučna pad hetuju rassyłku.

Adzin z akaŭntaŭ, ź jakoha viałasia rassyłka, nazyvaŭsia BloodHonour Lietuva. Heta nazva sapraŭdy isnujučaj ultrapravaj arhanizacyi Litvy, jakaja ŭvachodzić u mižnarodnuju sietku Blood&Honour.

U hetym akaŭncie šmat nieanacysckich materyjałaŭ, ale akurat pra Biełaruś na svaich aficyjnych staronkach jany ničoha niehatyŭnaha nie pišuć. 

My pakazali teksty paviedamleńniaŭ z pahrozami dvum karennym nośbitam litoŭskaj movy. Aboje syšlisia, što «struktura skazaŭ nie nadta čystaja, byccam prahnanaja praź pierakładčyka». Adzin ź ich spatyknuŭsia na słovie «nebeprisitaikys» — miarkuje, što litoviec tak nie skazaŭ by. Inšy źviarnuŭ uvahu na typovuju pamyłku ŭ adnym z paviedamleńniaŭ z pahrozami, charakternuju dla rasiejskamoŭnych, jakija vyvučajuć litoŭskuju: kalė (suka) užytaje ŭ nazoŭnym skłonie, tady jak litoviec tut užyŭ by ŭ kličnym.

Mimikrujuć pad ultrapravych

Z taho, što my bačym, možna zrabić vysnovy, što paviedamleńni z pahrozami — fejkavyja. Za ich rassyłkaj, imavierna, stajać łukašenkaŭskija śpiecsłužby, jakija mimikrujuć pad litoŭskich ultrapravych.

Zdajecca, meta hetaj śpiecapieracyi, jak i niekatorych inšych niadaŭnich, anałahičnych, — spravakavać niedavier, a to i kanflikty miž biełarusami i litoŭcami, pasiejać tryvohu miž emihrantaŭ i tym samym padšturchoŭvać biełarusaŭ pakidać Litvu i Polšču i pierajazdžać u bolš dalokija krainy, dzie, jak miarkujuć aŭtary takoj stratehii, emihranty buduć chutčej hublać suviaź z radzimaj i spyniać hramadskuju aktyŭnaść.

Pieradavać svaju asabistuju infarmacyju «Artemu» dla «składańnia supolnaj zajavy ŭ palicyju» — dastatkova naiŭna. Uvohule, varta być aściarožnymi, kali sutykajeciesia z prapanovami takoha typu — kali vas prosiać padzialicca asabistaj infarmacyjaj nibyta dla padpisańnia čahości. Prynamsi, kali pra heta prosiać ludzi, jakich vy nie viedajecie asabista. I treba krytyčna stavicca da lubych sprobaŭ pravakacyi mižnacyjanalnych kanfliktaŭ.

Varta adznačyć, što niekatoryja z atrymalnikaŭ paviedamleńniaŭ z pahrozami napisali zajavy ŭ palicyju Litvy. Kali chtości z vas atrymaje adkaz na takuju zajavu abo kali vy majecie bolš infarmacyi pra hetuju spravu, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.

@nashanivanews Biełarusam rassyłali pahrozy ad imia ŭltranacyjanalistaŭ. Ale prakałolisia #biełaruś #vilnia #vilnius #biełorusy #biełaruskajamova #pabiełarusku #khb #śpiecsłužby #našaniva ♬ DESTRUCTION - SCXR SOUL & NONTHENSE

«Naša Niva» — bastyjon biełaruščyny

PADTRYMAĆ

Kamientary21

  • Tak
    03.04.2024
    Dyk u zahałoŭku treba było napisać, što niejkija rasiejskamoŭnyja.
  • o čiem novosť?
    03.04.2024
    vsie znajut, čto za etim stoit orko fsb i ich podstiłki -hebniuki - raby valeta/ čiemodana s hovnom.
  • Praŭda
    03.04.2024
    Dziakuj - dobraje rasśledavańnie!

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva14

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam20

Nie rabicie hetuju pamyłku ŭ zachoŭvańni chleba4

Nazirajecca maštabny zboj elektroniki pa ŭsim śviecie. Aeraporty admianiajuć paloty12

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →