Hramadstva55

Na troch z čatyroch avaryjnych leśvicach «Krokusa» padčas terakta dźviery byli zamknionyja 

Syn uładalnika «Krokus Sici Choła» Emin Ahałaraŭ zajaviŭ, što padčas teraktu byli začynienyja tolki słužbovyja dźviery, a evakuacyjnyja vychady «pracavali ŭ štatnym režymie». Nasamreč padčas teraktu akazalisia začynienyja ŭvachody abo vychady ŭ jak minimum troch z čatyroch evakuacyjnych vychadaŭ, piša «Ahienctva».

Fota: MNS Rasii

Prynamsi ŭ adnych vychadach byli začynienyja abodva ŭvachody na vierchnich pavierchach. Svoj analiz «Ahienctva» pabudavała na razmovach ź siemiarymi hledačami bieletaža i bałkona i daśledavańni dastupnych danych ab zale.

Dla hledačoŭ vierchnich jarusaŭ kancertnaj zały byli dastupnyja čatyry avaryjnyja leśvicy.

Dźvie ź ich prachodzili praz usie čatyry pavierchi budynka, u tym liku cokalny (na płanie №1 i №2). Jašče dźvie leśvicy złučali druhi i pieršy pavierchi (№3 i №4). U budynku taksama byli słužbovyja leśvicy, jak minimum adnoj ź ich (№5) padčas nadzvyčajnaha zdareńnia skarystalisia hledačy.

Adrazu paśla pačatku stralby na trecim paviersie akazalisia začynienyja abiedźvie avaryjnyja leśvicy, paviedamiŭ «Ahienctvu» hladač Jarasłaŭ Huruškin. Hladačka Natalla Ščahłova skazała, što, vybiehšy z zały, jana kinułasia da bližejšaha avaryjnaha vychadu, ale jon byŭ začynieny (leśvica №2).

Pa słovach surazmoŭcaŭ «Ahienctva», ludziam atrymałasia vyłamać dźviery na adnu z avaryjnych uschodaŭ (№2), tak na jaje patrapili ludzi z zały. Z druhoha paviercha na hetuju ž leśvicu zajšła jašče adna hrupa ludziej, jakaja pierad hetym taksama vyłamała dźviery, raspaviała «Ahienctvu» Taćciana Atradnava.

Usie troje vidavočcaŭ paviedamili «Ahienctvu», što ich hrupu vyratavali achoŭnik Alaksiej Asanuškaŭ i hladač Viktar Andrejeŭ.

Jak raskazvaŭ ŚMI Asanuškaŭ, padčas teraktu jon stajaŭ u pieršaj linii achovy. Terarysty paranili jaho kalehu, sam Asanuškaŭ paśla ataki pačaŭ zavodzić ludziej u słužbovaje pamiaškańnie ŭ centry faje, a zatym vyvieŭ ich praz składskija pamiaškańni, kazaŭ jon. Andrejeŭ pa šlachu ruchu hetaj hrupy vyłomvaŭ dźviery pažarnaj siakieraj, pavodle śviedčańniaŭ hledačoŭ. Asanuškaŭ ličyć, što vyratavać im udałosia bolš za 100 čałaviek.

U razmovie z «Ahienctvam» achoŭnik paviedamiŭ, što avaryjnyja vychady znachodzilisia ŭ dymie, tamu jon pavioŭ ludziej praz składskija pamiaškańni na cokalnym paviersie, dzie i pryjšłosia łamać dźviery. Adrazu niekalki hledačoŭ z hetaj hrupy paćvierdzili redakcyi, što ich vyvieli praz słužbovyja pamiaškańni padvała, a apošnija dźviery dapamahli vyłamać užo ratavalniki.

Inšaja hrupa hledačoŭ bałkona, vybiehšy z zały na treci pavierch, pačuła ad eskałatara ŭ centry choła stralaninu, tamu kinułasia da bližejšych dźviarej — heta byli słužbovyja pamiaškańni, praź jakija jany i patrapili na techničnyja vychady (na płanie — №5). Pra heta «Ahienctvu» raspaviali hladač Dejv Prymaŭ i apieratar Taćciana Małavička.

Pa słovach Prymava, pa šlachu im pryjšłosia vyłamać nie mienš za dvoje dźviarej, a vyjšli jany ŭ vyniku z boku ŭvachodu, praź jaki na scenu zachodziać muzyki (na videa Prymava bačna, jak ludzi chodziać pa pamiaškańniach). Vyratavacca tak udałosia «vialikamu natoŭpu hledačoŭ», pryhadała Małavička.

Častka hledačoŭ bieletaža vyjšli ŭ choł druhoha paviercha i pasprabavała vyratavacca praz adnu ź dźviuch evakuacyjnych leśvic u centry choła (na płanie №4).

Jak raspaviała hladačka Kaciaryna Syryna, dźviery na jaje pieršapačatkova byli adčynienyja, ale paźniej, kali ludzi byli ŭžo na leśvicy, jana akazałasia začynienaja (jana nie viedaje, jak dźviery začynilisia). U vyniku hetaja hrupa akazałasia začynienaja na leśvicy, bo dźviery na pieršym paviersie taksama byli začynienyja, uzhadała Syryna.

Pavodle jaje słoŭ, hrupa padniałasia pa leśvicy na ŭzrovień, vyšejšy za druhi pavierch i znajšła tam padsobku, u jakoj praviała kala paŭhadziny. Za hety čas pamiaškańnie napoŭniłasia dymam, i ludzi spuścilisia znoŭ na pieršy pavierch, tam udałosia prałamać ścianu i arhškło i vybracca ŭ faje pieršaha paviercha, dadała žančyna.

Jak pisała va «UKantakcie» Syryna, z 40 čałaviek, jakija ŭbiehli na evakuacyjnuju leśvicu, vybrałasia adtul 12-13.

Pry hetym žančyna pamiataje, jak «stała spatykacca ab zharełych ludziej».

Kamientary5

  • Arnold
    28.03.2024
    NN, samym rasijanam pofih, dyk nam navošta?
  • Čieł
    28.03.2024
    A nie zakroj, połovina zajciev v zale nabjetsia. Dilemma.
  • Pucin, miedviediev, fsb, rpc- zabojcy
    28.03.2024
    Zabivali jak suslikau.

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Usie naviny →
Usie naviny

Kašteli, ranety, piepinki: usio pra staryja biełaruskija sady i sarty. I dzie ich kupić4

Niekatorym žurnalistam ź Biełarusi zabaranili aśviatlać Alimpijadu3

Jakoha nadvorja čakać biełarusam na nastupnym tydni

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu19

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

bolš čytanych navin
bolš łajkanych navin

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Hałoŭnaje
Usie naviny →