Bažena Jaremič. Tut i dalej fota z sacyjalnych sietak

Bažena Jaremič. Tut i dalej fota z sacyjalnych sietak

Trahiedyja ŭ siamji i sindrom vydatnicy

Bažena naradziłasia ŭ 1999-m hodzie ŭ Harodni ŭ prostaj rabočaj siamji. Jaje maci Irena apošnim časam pracavała dvornikam. Baćka Viktar — stanočnik drevaapracoŭčych stankoŭ. Pa infarmacyi «Biełpoła», u jaho była sudzimaść za kradziež. Za heta Viktar Jaremič atrymaŭ dva hady vypraŭlenčych prac.

Baćki Jaremič

Baćki Jaremič

Bažena vychoŭvałasia ŭ siamji adna da trahiedyi, jakaja zdaryłasia ŭ jaje dziadźki. Z roźnicaj u dva hady jon pamier ad zapaleńnia lohkich, a jaho žonka — ad ankałohii. U vyniku baćki Baženy aformili apieku nad Hražynaj — plamieńnicaj, jakaja stała druhoj dačkoj.

Poŭny skład siamji

Poŭny skład siamji

Siamja Jaremič — katalickaja, nabožnaja, tamu Bažena ź dziacinstva była pryvučanaja naviedvać kaścioł. Baćki sami nie mieli vyšejšaj adukacyi, ale zakłali ŭ hałavu Baženy važnaść navučańnia, što, siarod inšaha, spravakavała sindrom vydatnicy. Pra jaho kazała i sama Bažena, i toje paćviardžajecca šmatlikimi dypłomami, padziakami, źjaŭleńniem na doškach honaru, muzyčnaj škołaj pa kłasie fortepijana, siarednim 9.5-balnym atestatam vypusknicy škoły №3 i čyrvonym dypłomam Hrodzienskaha dziaržaŭnaha ŭniviersiteta imia Janki Kupały.

Bažena ŭ kaściole

Bažena ŭ kaściole

Darečy, na vybar fakulteta ŭ peŭnym sensie paŭpłyvali baćki dziaŭčyny. Sama jana natchniałasia Merylin Manro i dumała, što budzie aktrysaj, ale ź ciaham času paśla prahladu kryminalnych filmaŭ zachacieła stać prakuroram. Baćka ž z maci nastajali na bolš univiersalnym jurydyčnym fakultecie — śpiecyjalnaści «pravaznaŭstva».

Atrymańniem dypłoma sprava nie skončyłasia — dziaŭčyna praciahnuła pahružeńnie ŭ jurysprydencyju ŭ mahistratury i aśpirantury. Što cikava, śfiera jaje navukovych intaresaŭ dosyć aktualnaja na siońnia — historyja dziaržavy i prava zamiežnych krain, mižnarodnyja ŭzbrojenyja kanflikty i humanitarnaje prava.

Dziaŭčyna publična radujecca kožnamu atrymanamu dypłomu i padziakam. Adna ź jaje hałoŭnych matyvacyj u takich adznakach — paradavać baćkoŭ

Dziaŭčyna publična radujecca kožnamu atrymanamu dypłomu i padziakam. Adna ź jaje hałoŭnych matyvacyj u takich adznakach — paradavać baćkoŭ

Jaremič paśpieła papracavać na svaim fakultecie vykładčykam-stažoram, a taksama juryskonsultam u mebleva-budaŭničaj kampanii «ZOV-Profil».

«Sapraŭdnych siabroŭ u jaje nibyta nie było»

Znajomyja ź dziaŭčynaj kažuć, što choć jana i ŭdzielničała va ŭsich mahčymych konkursach, była viadučaj mierapryjemstvaŭ — jak u škole, tak i ŭ studencki čas, — asabliva blizka da siabie jana nikoha nie padpuskała.

«Jana choć i była jak by z usimi, zaŭsiody ŭ natoŭpie, sapraŭdnych siabroŭ u jaje nibyta nie było. Jana ŭsich trymała na dystancyi», — kažuć znajomyja.

Heta paćviardžajecca i słovami samoj Baženy ŭ adnym ź intervju: «U mianie najlepšaja siabroŭka — heta mama. Jašče ŭ našu bandu ŭvachodziać maja ciotka i nastaŭnica małodšych kłasaŭ».

Svoj volny čas Bažena ličyć za lepšaje pravodzić taksama ź siamjoj.

Padčas vybaraŭ u Minski haradski saviet deputataŭ, kudy Bažena vyłučałasia ad partyi «Biełaja Ruś», stała viadoma, što jana vychoŭvaje syna. Pry hetym jaho isnavańnie, jak i isnavańnie jaho baćki, nidzie raniej nie afišavałasia.

Ralavaja madel — Maryja Vasilevič

Bažena budavała svaju karjeru ŭ Harodni i źjazdžać adtul nie płanavała. Losavyznačalnym dla jaje staŭ vizit Alaksandra Łukašenki ŭ jaje alma-matar u 2018 hodzie. Jak adnu z aktyvistak jaje zaprasili na ahulnastudenckuju sustreču ź im. Paśla jana trapiła na ekskursiju ŭ Pałac Niezaležnaści i na bali ŭ stalicy.

Sama Jaremič svaim sacyjalnym liftam nazyvaje BRSM, ale mienavita paśla sustreč z Łukašenka jaje karjera aktyŭna pajšła ŭharu adrazu pa niekalkich kirunkach — palityčnym i prafiesijnym.

Pieršaja sustreča Łukašenki i Jaremič. Bažena — źleva ŭ čyrvonym

Pieršaja sustreča Łukašenki i Jaremič. Bažena — źleva ŭ čyrvonym

16 sakavika 2021 hoda Łukašenka svaim ukazam uklučyŭ Baženu i jašče 35 čałaviek u Kanstytucyjnuju kamisiju, jakaja raspracoŭvała źmieny ŭ Kanstytucyju.

Jaremič pavinna była stać «hołasam ad moładzi». Asnoŭnaje, što prasoŭvała ŭ hałoŭny zakon krainy maładaja jurystka — zachavańnie histaryčnaj pamiaci i tradycyjnych siamiejnych kaštoŭnaściaŭ.

Michaił Miaśnikovič i Bažena Jaremič adrazu za Łukašenkam u prezidyumie Usiebiełaruskaha narodnaha schodu. Usimi svaimi źjaŭleńniami siarod čynoŭnikaŭ ci ŭ dziaržaŭnych ŚMI Bažena taksama adrazu chvalicca ŭ sacyjalnych sietkach. Paśla UNS jaje, była sprava, uzłamali ŭ instahramie, i dziaŭčyna na niejki čas zrabiła staronku pryvatnaj. Ale ciapier znoŭ tranśluje svaje dziaržaŭnyja dasiahnieńni na masavuju aŭdytoryju.

Michaił Miaśnikovič i Bažena Jaremič adrazu za Łukašenkam u prezidyumie Usiebiełaruskaha narodnaha schodu. Usimi svaimi źjaŭleńniami siarod čynoŭnikaŭ ci ŭ dziaržaŭnych ŚMI Bažena taksama adrazu chvalicca ŭ sacyjalnych sietkach. Paśla UNS jaje, była sprava, uzłamali ŭ instahramie, i dziaŭčyna na niejki čas zrabiła staronku pryvatnaj. Ale ciapier znoŭ tranśluje svaje dziaržaŭnyja dasiahnieńni na masavuju aŭdytoryju.

U tym ža hodzie jana niečakana stała kiraŭnicaj Nacyjanalnaj škoły pryhažości. Sama Bažena kazała, što ŭznačalić škołu joj prapanavali dziaržaŭnyja orhany, jakija kuryrujuć ustanovu.

Bažena z Natallaj Kačanavaj

Bažena z Natallaj Kačanavaj

Pryznačeńnie 22-hadovaj dziaŭčyny z Harodni na takuju pazicyju ŭ mnohich budučych kaleh vyklikała pytańni: «čamu jana?». Na toj momant da śfiery pryhažości dziaŭčyna choć i mieła dačynieńnie, ale epizadyčna — jak udzielnica ŭ konkursach pryhažości.

Tak, jana sprabavała siabie ŭ kastynhu «Mis Biełaruś — 2020». Bažena tady raskazvała žury, što jaje ralavoj madellu źjaŭlajecca Maryja Vasilevič (Mis Biełaruś — 2018, eks-deputatka Pałaty pradstaŭnikoŭ. — «NN») i što sama jana maryć pra karonu, ale baicca, što nie samy vysoki rost, 170 santymietraŭ, nie daść joj pieramahčy. Pra heta, praŭda, nichto tak i nie daviedaŭsia: praz kavid hałoŭnuju pryhažuniu krainy ŭ tym hodzie nie vybirali.

Ułasny kiroŭca i pijanina ŭ pracoŭnym kabiniecie

Jašče ŭ 2020 hodzie, pracujučy jurystam u firmie i majučy stypiendyju, Bažena zarablała kala 448 dalaraŭ na miesiac (takija ličby my atrymali na asnovie danych u bazie FSAN, źviestki ź jakoj pradastaviŭ«Biełpoł»).

Ź pierajezdam u stalicu staŭki, vidavočna, vyraśli. Jak minimum tamu, što dziaŭčynie adrazu prapanavali arendnaje žytło i ŭłasnaha kiroŭcu, jaki štodzień pryvozić jaje na pracu ŭ Nacyjanalnuju škołu pryhažości.

Pieršaje, što zrabiła Jaremič na novym miescy — adradziła konkurs «Mis Minsk». Siarod jaho žury ŭ 2023 hodzie zaśviaciŭsia Dźmitryj Baskaŭ, a na finał acenki pryhažuń, kaniečnie ž, nie moh nie zavitać Łukašenka, dla jakoha konkursy pryhažości — ułasny kastynh na śviežuju kroŭ u šerahi śvity.

Jaremič z Baskavym

Jaremič z Baskavym

Novaja kiraŭnica, sama budučy aktyvistkaj BRSM, vyrašyła, što i škole pryhažości biez hetaha nikudy: u lipieni 2021 hoda jany padpisali pahadnieńnie ab supracoŭnictvie ź pieršym sakratarom CK BRSM Alaksandram Łukjanavym.

Hłabalnaj ža zadačaj dla dyrektarki stała stvareńnie sietki filijałaŭ škoły pryhažości ŭ rehijonach. Takija ŭžo sapraŭdy źjavilisia, naprykład, u miastečku Voranava (u hetym rajonie Bažena pravodziła ŭsie svaje letnija kanikuły ŭ babuli) i ŭ Navapołacku. Pakul mižnarodnaje supracoŭnictva hałoŭnym čynam naładžvajecca z Kitajem i Rasijaj, vidać, pryjdziecca i dalej pašyrać dziejnaść škoły chacia b takim čynam — u miežach Biełarusi.

Na fonie svaich zadač Jaremič, pa jaje słovach, rassłablajecca hrańniem na pijanina: jana pastaviła jaho ŭ svaim kabiniecie.

«Naš prezident — mocny lidar, i alternatyvy jamu ja nie baču»

Z prychodam novaj kiraŭnicy škoła stała jašče bolš źlivacca ź ideałahičnymi zadačami. Dla samoj Baženy heta naturalnyja rečy.

«Ja zaŭsiody padtrymlivała palityku, što pravodzicca ŭ našaj krainie, naš prezident — mocny lidar, i alternatyvy jamu ja nie baču. Jon vielmi dobra raźbirajecca ŭ šmat jakich śfierach i prymaje ŭzvažanyja rašeńni ŭ luboj, navat samaj składanaj situacyi. Apazicyjnyja ŚMI kličuć nas «jabaćkami…» Tak, ja našym prezidentam zachaplajusia», — kazała dziaŭčyna.

Svaju luboŭ jana prajaŭlaje nie tolki na słovach, a ŭ našeńni mierču z cytatami Łukašenki. Hadavanki škoły pryhažości prezientavali jaho pad sousam «biełaruski brend» u paviljonie Biełarusi ŭ Maskvie.

Nacyjanalnaja škoła pryhažości epochi Jaremič paśpieła zapeckacca ŭ temie z PVK «Vahnier». Kiraŭnictva sumiesna z MUS pryvoziła madelek na bajavyja treniroŭki pa ŭžyvańni ahniastrelnaj zbroi. I vučylisia jany ŭ «prafiesijna padrychtavanych vajskoŭcaŭ śpiecpadraździaleńniaŭ unutranych vojskaŭ». Pry hetym na adnym z vajskoŭcaŭ tady zaŭvažyli emblemu «Vahniera».

Usio heta jašče raz dakazvaje, što navat kali ty za ŭsio dobraje (sama Bažena va ŭsich intervju paŭtaraje, što hałoŭnaja meta jaje žyćcia — prynieści karyść radzimie), to ŭ siońniašniaj palityčnaj sistemie heta, na žal, niemahčyma. Kali ty zajmaješ kirujučuju pasadu navat u, zdavałasia b, niepalityčnaj śfiery pryhažości, jana tak ci inakš nabyvaje prysmak dyktatury.

Čytajcie taksama:

Čytajcie taksama:

Jak Azaronak staŭ takim? Novyja fakty ź bijahrafii samaha addanaha Łukašenku prapahandysta

Chto taki Andrej Alaksandraŭ — prapahandyst ANT, jaki stažyravaŭsia ŭ «Žoŭtych źlivach» i jeździć na zatrymańni

Jak prapahandyst Ihar Tur staŭ lubimčykam Łukašenki i kolki zarabiŭ u 2020-m

Клас
20
Панылы сорам
111
Ха-ха
21
Ого
12
Сумна
23
Абуральна
92