Hramadstva55

Kolki Łukašenku kaštavała adpravić u kosmas svaju kasmanaŭtku

Padčas svaich siońniašnich vyspaviadańniaŭ pierad vajskoŭcami i prapahandystami niepadalok ad litoŭskaj miažy Łukašenka kazaŭ siarod inšaha i pra kaśmičnyja spravy. Jon śćviardžaje, što choć zadavalnieńnie adpravić u kosmas svajho čałavieka zusim niatannaje, jamu ničoha płacić za hety imidžavy krok nie daviałosia, bo jość ščodraja Rasija.

Skrynšot ź videa

Łukašenka pahadziŭsia, što palot u kosmas — dobry imidžavy krok, jaki dazvalaje pakazać, što kiravanaja im kraina «sapraŭdy kaśmičnaja dziaržava, jakaja zdolnaja vychavać i zapuścić u kosmas navat žančynu». I jak «žanočy prezident», jon, maŭlaŭ, nie moh «nie daručyć heta žančynie». 

Praŭda, užo litaralna z nastupnych skazaŭ vyjaviłasia, što inicyjataram palotu ad Biełarusi mienavita žančyny byŭ, jak ni dziŭna, nie «žanočy prezident», a były kiraŭnik «Raskosmasu» Dźmitryj Rahozin. Toj, maŭlaŭ, padčas adnoj sa šmatlikich razmoŭ z Łukašenkam na kaśmičnyja temy skazaŭ, što niakiepska było b, kab Biełaruś zapuściła ŭ kosmas žančynu.

Łukašenka na heta z ułaścivym jamu entuzijazmam adhuknuŭsia, skazaŭšy «nie pytańnie». Maŭlaŭ, kali rasijskim tavaryšam treba, to «i dźvie, i try, i piać, i šeść palaciać» — jon zabiaśpiečyć kolki zaŭhodna, «vy tolki svaju darohu prajdzicie».

Pad «darohaj», jak nieŭzabavie vyśvietliłasia, miełasia na ŭvazie banalnaje finansavańnie padrychtoŭki i zapusku łukašenkaŭskaj kasmanaŭtki rasijskim bokam. I kiraŭnik Rasii Uładzimir Pucin akazaŭsia ŭ hetym płanie, jak śćviardžaje Łukašenka, «małajcom», bo hrošaj daŭ.

Miž tym hetaje mierapryjemstva, pavodle słoŭ Łukašenki, zusim nie tannaje, kaštuje nie mienš za 70 miljonaŭ dalaraŭ.

Pry hetaj nahodzie Łukašenka zhadaŭ taksama pra daŭniuju spravu sa sprobaj zapusku 26 lipienia 2006 hoda biełaruskaha spadarožnika «BiełKA», kali sam jon pryjechaŭ na Bajkanur, kab dobra na hetaj spravie prapijarycca, ale rasijskaja rakieta, što musiła dastavić spadarožnik na arbitu, upała i raźbiłasia praz krychu bolš čym chvilinu paśla startu. Pavodle jaho, vialikija paniesienyja vydatki tady taksama ŭdałosia pierakłaści na plečy bahatych rasiejcaŭ.

Miž tym akurat učora prapahandyst Juryj Vaskrasienski, vystupajučy na STB, taksama zhadaŭ pra paniesienyja Biełaruśsiu vydatki na zapusk kasmanaŭtki, i pavodle jaho słoŭ, jany nie nulavyja:

«Kaścium, pašyty dla Maryny Vasileŭskaj, kaštuje 880 tysiač biełaruskich rubloŭ, heta piać adnapakajovych kvater u Minsku. Ale heta padzieja z takoha ž šerahu, jak Alimpijady, kancerty, kulturnyja forumy. Heta toje, što dazvalaje dziaržavie stać cyvilizavanaj i ŭvajści ŭ kłub vialikich dziaržaŭ».

Čytajcie taksama:

Łukašenka zajaviŭ, što pieradaść Pucinu źviestki ab «kuratarach» terakta ŭ «Krokusie»

Pamieranski špic Umka zasłuchaŭ, jak biełaruskija hienierały źbirajucca supraćstajać Zachadu FOTA

Łukašenka nastojliva rujnuje pucinskuju teoryju pra ŭkrainski śled u terakcie ŭ «Krokusie»

Łukašenka adkazaŭ Sachaščyku: Poŭnaja duraść

Łukašenka pryjechaŭ ź inśpiekcyjaj vojska pad litoŭskuju miažu

Kamientary5

  • Kub
    27.03.2024
    Zaraz tre špica vypravić u kosmas!
  • Mafkees
    27.03.2024
    Saša,nu čto za łochovstvo,jiejbohu?? Samomu nado letieť 100%,proklatyje anhłosaksy dalšie Drozdov nikuda osobo nie puskajut,a ty takoj chieraks,-i v damkach! A my stoł pominalnyj orhanizujem,a to moje šampanskoje užie skoro v uksus prievratiťsia.
  • Vasia
    27.03.2024
    Handlar biełaruskimi žančynami

Stała viadoma pra aryšt historyka Ihara Mielnikava13

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava13

Stała viadoma pra aryšt historyka Ihara Mielnikava

Hałoŭnaje
Usie naviny →