Pradstaŭleny pieršy ŭ śviecie robat-pyłasos, jaki moža «chadzić» pa leśvicach
Kampanija Migo Robotics pačała zbor srodkaŭ dla masavaj vytvorčaści svajho novaha robata-pyłasosa Ascender («Uzychodziačy») — pieršaj u śviecie madeli, jakaja moža samastojna padymacca i apuskacca pa leśvicy. Raskazvajem, što pa cenach.
Jak piša partał New Atlas, tolki za niapoŭny tydzień raspracoŭščyki sabrali na vytvorčaść novaha robata-pyłasosa kala 2 miljonaŭ dalaraŭ (dziakujučy płatformie achviaravańniaŭ Kickstarter).
«Ascender aŭtamatyčna vyznačaje, u jakoj častcy leśvicy (naviersie ci ŭnizie) jon znachodzicca, a zatym padymajecca albo spuskajecca pa joj. Dla ŭzdymu robat padymaje svoj asnoŭny korpus adnosna dvuch bakavych kołavych błokaŭ i zrušvaje jaho napierad, kab jon lažaŭ roŭna na nastupnaj prystupcy, a zatym pa čarzie padymaje i dałučaje kožny z kołavych błokaŭ da asnoŭnaha korpusa.
Padčas uzdymu ci spusku robat pyłasosić i myje kožnuju prystupku», — raskazvaje partał New Atlas.
Sam praces takoha pierasoŭvańnia pa leśvicy možna pabačyć u aficyjnym videa kampanii Migo Robotics nižej.
Aproč svajoj hałoŭnaj asablivaści, pyłasos Ascender ničym nie budzie adroźnivacca ad svaich sučasnych anałahaŭ. New Atlas adznačaje, što Ascender vałodaje dobraj vyličalnaj mahutnaściu, moža samastojna składać mapu doma i abychodzić usie pieraškody.
Plus da hetaha robat zdolny vyznačać roźnicu pamiž ćviordaj padłohaj i dyvanami, lohka prachodzić pad kanapami, a taksama mianiaje vadu i miaški dla brudu pry dapamozie zaradnaj stancyi.
Sama stancyja idzie ŭ kamplekcie z robatam. Pa ciapierašnich rascenkach raspracoŭščykaŭ, usio razam moža kaštavać 1499 dalaraŭ.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary