«Na miažy kałaps». Polšča ŭviała abmiežavańni pa ŭvozie aŭtamabilaŭ praź biełaruski pahranpierachod
Polšča z 23 sakavika ŭviała zabaronu na vyvaz u Biełaruś aŭtamabilaŭ z abjomam ruchavika 1,9 litra i bolš. Taksama hetaje abmiežavańnie zakranaje mašyny koštam bolš za 50 tysiač jeŭra. Pra heta paviedamlajuć u pryhraničnych čatach, a taksama ŭdzielniki aŭtarynku, jakija zajmajucca pieravozkaj mašyn ź ES. U DMK Biełarusi žurnalistu «Lusterka» jak fizičnaj asobie zajavili, što čuli pra hetyja abmiežavańni, ale ŭdakładnili, što aficyjnych apaviaščeńniaŭ ad polskaha boku nie atrymlivali. U pasolstvie Polščy ŭ Minsku taksama nie zmahli prakamientavać heta pytańnie.
Kampanija Dasmotors, jakaja zajmajecca prodažam aŭtamabilaŭ ź Jeŭropy z dastaŭkaj u Biełaruś, raźmiaściła ŭ svaich sacsietkach paviedamleńnie, što Polšča z 23 sakavika nie prapuskaje praź biełaruskuju miažu aŭtamabili abjomam ruchavika bolš za 1,9 litra, a taksama tyja, jakija kaštujuć bolš za 50 tysiač jeŭra (niezaležna ad abjomu ruchavika). Jak śćviardžaje firma, hetaje abmiežavańnie tyčycca aŭto, jakija ruchajucca ŭ JEAES.
«Pry sprobie vyvazu takich aŭtamabilaŭ nieabchodna padać daviedku vytvorcy tavara (daviedka z zavoda) ab tym, što zavod nie maje pretenzij da vyvazu takoha aŭtamabila na terytoryju JEAES, — paviedamlaje Dasmotors. — Lubyja sproby pradastavić padroblenyja daviedki buduć spynieny na miescy vyklikam palicyi, z usich, chto padaść takija daviedki, buduć brać raśpisku pra papiaredžańnie ab kryminalnaj adkaznaści, daviedka budzie adpraŭlena ŭ palicyju dla pravierki sapraŭdnaści, i tolki tady, kali sapraŭdnaść paćvierdzicca, prapuściać praź miažu».
U kampanii miarkujuć, što «vidavočna, što takija daviedki pradastaŭlacca nie buduć, bo adzinkavyja pastaŭki dla fizičnych asob nie majuć nijakaj suviazi z zavodami-vytvorcami».
«Prosta na miažy kałaps, uvieś «Ciarespal» zabity mašynami», — paviedamlaje Dasmotors.
Ab uviedzienych abmiežavańniach taksama paviedamlaje bolshoi_autoblog. «Polšča nie daje ekspartnyja dekłaracyi. Polšča nie prapuskaje mašyny ź niamieckimi dy inšymi dekłaracyjami. Usie mašyny na tranzitnych numarach pavaročvajuć. U Ciarespali zabityja ŭsie stajanki, pierahonščyki branirujuć hateli i čakajuć, što budzie dalej», — adznačaje bolshoi_autoblog i dadaje, što hetyja abmiežavańni, pavodle niepravieranaj infarmacyi, mohuć dziejničać da 1 krasavika.
U dziažurnaj słužbie Bresckaj mytni paviedamili, što «jość takaja infarmacyja» ab uviadzieńni padobnaj zabarony z boku Polščy, ale aficyjnych apaviaščeńniaŭ na hety kont nie pastupała. Mytniki rekamiendavali daviedacca infarmacyju ŭ pasolstvie Polščy ŭ našaj krainie.
U pasolstvie Polščy ŭ Minsku taksama nie zmahli prakamientavać heta pytańnie i rekamiendavali źviarnucca ŭ pahransłužbu hetaj krainy, adnak apieratyŭny adkaz pa temie žurnalistu nie ŭdałosia atrymać.
Pa danych rasśledavalnikaŭ prajekta «Biuro», Polšča ŭvachodzić u top-3 krain ES, ź jakich u našu krainu bolš za ŭsio traplaje aŭto. Tak, na fonie vajny pastaŭki mašyn ź ES u Biełaruś padskočyli ŭ čatyry razy — amal da 1,5 młrd jeŭra, a sioleta ŭžo pieravysili 1,7 młrd jeŭra, adznačajuć rasśledavalniki sa spasyłkaj na dadzienyja Jeŭrastata.
Bolš za ŭsio aŭtamabilaŭ u našu krainu pradajuć Niamieččyna, Litva i Polšča. Tolki za dzieviać miesiacaŭ minułaha hady z troch krain u Biełaruś vyvieźli amal 60 tysiač mašyn.
Na fonie vajny Biełaruś stała pieravałačnaj bazaj dla pastavak luksavych aŭtamabilaŭ na dziasiatki miljonaŭ dołaraŭ u Rasiju, niahledziačy na bajkot i sankcyi, pierakanany rasśledavalniki.
@nashaniva Polskija mytniki znajšli aryhinalny sposab adłovu pierahonščykaŭ, jakija voziać mašyny ŭ Rasiju pad vyhladam tranzitu ŭ Siaredniuju Aziju #biełaruś #našaniva #navinybiełarusi #biełaruśnovosti #novostibiełarusi #avto #biełorusy #biełaruskajamova #pieriekup #mova ♬ Paris - 3Hzwave Čytajcie taksama:
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj7
Kamientary
Sankcii protiv hiermanii skorieje