Usiaho patrochu44

U jakija krainy biełarusy mohuć adpravicca na adpačynak bieź vizy? Śpis vialiki, ale jość niuansy

U suviazi z sankcyjnymi abmiežavańniami atrymać šenhienskuju vizu hramadzianam Biełarusi pa-raniejšamu prablematyčna. I čym bližej siezon adpačynkaŭ, tym mienš šancaŭ zdabyć doŭhačakany propusk na kurorty Ispanii, Francyi, Italii abo Partuhalii. Myfin.by pahladzieŭ, u jakija krainy možna trapić bieź vizy i ci buduć takija kirunki aktualnyja dla biełaruskich turystaŭ u 2024 hodzie z ulikam koštu padarožža i transpartnaj łahistyki.

Kudy možna pajechać ź Biełarusi bieź vizy?

Tearetyčna dla hramadzian Biełarusi siońnia adkryty biaźvizavy ŭjezd u bolš čym 40 krain śvietu, i mnohija napramki kštałtu Turcyi, AAE, Rasii i Hruzii ŭžo daŭno asvojenyja biełaruskimi turystami.

Na praktycy ž trapić u bolšaść krain niepasredna nie atrymajecca praz toje, što ŭ Biełarusi ź imi niama pramych avijaznosin. Kali ž dabiracca pa sušy, to biez «šenhiena» ŭsio adno nie abyścisia: kab ujechać u niekatoryja krainy ź biaźvizavaha śpisu, pryjdziecca pierasiakać terytoryju ES.

Vylecieć samalotam ź Biełarusi, nie majučy šenhienskaj vizy, siońnia možna ŭ Azierbajdžan, Armieniju, Kazachstan, Uźbiekistan, Turkmienistan (patrebnaja viza hetaj dziaržavy), Tadžykistan, Jehipiet (viza afarmlajecca pa prybyćci), Kitaj, Turcyju, Hruziju, AAE i Rasiju. Krainy, jakija prymajuć, nie staviać biełaruskim turystam dadatkovych umoŭ nakštałt abaviazkovaj najaŭnaści zvarotnaha bileta i zabraniravanaha žylla.

Fota: report.az

A kudy možna dabracca kružnymi šlachami?

Kali vy zaharelisia idejaj naviedać Vjetnam ci adpačyć u Čarnahoryi, to maršrut pryjdziecca prakładać praz krainy, jakija nie ŭvachodziać u Šenhienskuju zonu. Praściej za ŭsio dabracca da Rasii, a adtul — u vybranuju krainu, jakaja prapanuje biełarusam biaźvizavy ŭjezd.

Z rasijskich aeraportaŭ siońnia možna palacieć u Vjetnam, Tunis, Ekvador, Sierbiju, Manholiju, Jehipiet, Izrail, Vieniesuełu, Kitaj, na Siejšelskija astravy, u Kyrhyzstan. Z Turcyi možna palacieć u Jehipiet i Čarnahoryju, z Hruzii dastupnyja pieraloty ŭ Małdovu, Kitaj, Jehipiet, Izrail. Z Armienii zmožacie samalotam bieź pierasadak trapić u Katar (viza biełarusam adkryvajecca biaspłatna paśla prylotu na termin da 30 dzion) i Jehipiet, z Uźbiekistana — u Jehipiet i Vjetnam, Kitaj, Izrail, Małajziju.

Z Turkmienistana jość pramyja avijaznosiny z Vjetnamam, Kitajem, Jehiptam, Małajzijaj, z Kazachstana možna samalotam bieź ciažkaściaŭ dabracca da Manholii, Jehipta, Kitaja, Čarnahoryi. Z Tadžykistana — u Kitaj, a z Azierbajdžana — u Jehipiet, Małdovu, Izrail, Čarnahoryju, Katar, Arhiencinu (ź pierasadkami).

Kab trapić ź Biełarusi ŭ Ałbaniju, pryjdziecca lacieć u Dubaj albo Abu-Dabi, a paśla rabić pierasadku. Praz AAE taksama pryjdziecca lacieć, kali chočacie adpačyć u Sierbii i Hankonhu.

U niekatoryja biaźvizavyja krainy trapić budzie niaprosta — daroha moža zaniać niekalki sutak. Naprykład, kab pabyvać u Namibii, nieabchodna spačatku prylacieć u Katar, kudy, u svaju čarhu, možna trapić praz Armieniju abo Azierbajdžan.

Nie mienš składanym budzie padarožža ŭ Pieru: kab dabracca da aeraporta Limy, treba budzie lacieć praz Kitaj i ZŠA (dla druhoj pierasadki spatrebicca amierykanskaja tranzitnaja viza). A kab patrapić u Sent-Vinsent, pryjdziecca spačatku dabracca da Maskvy, zatym ździejśnić pieralot u Kair, a potym — u Łondan (spatrebicca tranzitnaja viza), adkul jość pramyja rejsy na Karybskija astravy.

Fota: bangkokbook.ru

U kolki abyducca pieraloty ŭ biaźvizavyja krainy?

Kali vy ŭsio ž hatovyja naviedać krainu ź biaźvizavym ujezdam, to braniravać avijabilety lepš za niekalki miesiacaŭ. U ideale varta sačyć za akcyjnych prapanovami, heta dazvolić aščadzić na transpartnych vydatkach da 50%. Ale na papularnyja maršruty źnižak, chutčej za ŭsio, nie budzie.

Tak, palacieć u Tbilisi ź Minska letam možna minimum za 565 rubloŭ, pramy rejs nazad abyjdziecca ad 584 rubloŭ. Pieralot ź Minska ŭ Stambuł budzie kaštavać ad 746 rubloŭ, nazad — ad 615 rubloŭ.

Dla adpačynku ŭ Azierbajdžanie za avijapieralot ź Minska ŭ abodva kancy rychtujciesia vykłaści minimum 1008 rubloŭ. Avijapadarožža ŭ Armieniju i nazad abyjdziecca nie mienš čym u 1024 rubli.

Za pieralot u Piekin ź Minska ź pierasadkaj u Maskvie daviadziecca addać nie mienš za 840 rubloŭ, daroha nazad abydziecca ad 1056 rubloŭ.

Trapić u soniečny Taškient ź Minska hetym letam možna budzie za 573 rubli, a voś kvitok nazad abydziecca ad 656 rubloŭ.

Tyja, chto płanuje adpačynak u Jehipcie, zmohuć palacieć u Šarm-aš-Šejch ź Minska ź pierasadkaj u Maskvie minimum za 895 rubloŭ, za kvitok nazad daviadziecca vykłaści 771 rubiel. A avijapieralot u AAE (Dubaj) i nazad hetym letam budzie kaštavać minimum 1400 rubloŭ.

Tym, chto płanuje vylet ź inšych krain i vystrojvaje składany maršrut, aščadzić na pieralotach naŭrad ci ŭdasca, bo ich pryjdziecca stykavać biez vybaru aptymalnych pa canie varyjantaŭ.

Naprykład, vy chočacie ŭ žniŭni adpačyć u Čarnahoryi, kudy źbirajeciesia lacieć praz Turcyju. Samy tanny bilet da Stambuła na 10 žniŭnia — 756 rubloŭ. U hety ž dzień možna vylecieć sa Stambuła ŭ Padhorycu, ale zapłacić za pieralot pryjdziecca minimum 545 rubloŭ. Takim čynam, avijapadarožža ź Minska ŭ Čarnahoryju abyjdziecca ad 1301 rubla. Kvitki nazad buduć kaštavać prykładna stolki ž.

Tańniej za ŭsio avijabilety ź Minska ŭ rasijskija harady. Tak, źlotać letam u Sočy i nazad možna za 750 rubloŭ, u Maskvu — za 310 rubloŭ, u Sankt-Pieciarburh — za 335 rubloŭ. A voś za avijabilety ź Minska ŭ Kalininhrad i nazad hetym letam pryjdziecca vykłaści minimum 550 rubloŭ.

Fota: turizm.pibig.info

Što prapanujuć turapieratary?

Kali nie chočacie samastojna płanavać padarožža, šukać načleh i hida ŭ čužoj krainie, to varta źviarnucca ŭ turystyčnuju kampaniju. Biez šenhienskaj vizy možna adpravicca na adpačynak nie tolki samalotam, ale i ciahnikom, aŭtobusam, kali havorka idzie pra Rasiju, Hruziju, Armieniju. Tak, letam možna pravieści tydzień na bierazie Čornaha mora ŭ Batumi za 1300 rubloŭ z ulikam aŭtobusnaha pierajezdu, śniadankaŭ i ekskursijnaj prahramy. 

Turapieratary dapamohuć spłanavać davoli składanyja padarožža ŭ ekzatyčnyja krainy. Naprykład, možna zamović plažny tur na Kubu (adpačynak u Varadera), jaki razam ź pieralotam i koštam pražyvańnia ŭ 4-zorkavym hateli abyjdziecca ŭ 3250 rubloŭ za 9 dzion. Abo vypravicca na adpačynak u Vieniesuełu z vyletam z Maskvy — košt takoha padarožža na 11 dzion składaje ad 4400 rubloŭ.

Bieź vizy hetym letam taksama možna adpravicca ŭ marski kruiz na łajniery, jaki adpłyvaje z Buenas-Ajresa ŭ Braziliju i praz 8 dzion viartajecca nazad. Takoje padarožža z ulikam avijapieralotu (vylet ź Minska) abyjdziecca ŭ 2600 rubloŭ.

Kamientary4

  • Maksim Dizajnier
    24.03.2024
    95% budut adpačyvać rakom na hradkach v rodovom oblezłom pomiesťje ili s vidom na takuju žie sosiedku v hraznych rastianutych trenikach v ST "Šaryki i padšypniki".
  • katar
    24.03.2024
    U aeraporcie Katara (Docha) ź mianie spahnali 100 katarskich reałaŭ za vizu. Heta niejdzie kala 28 dalaraŭ.
  • Maksim Dizajnier
    25.03.2024
    katar

    Čto ty zabył v Katarie?Rodnych pienatov nie vidieł. Trojka po istorii v škole. Vozvraŝajsia na małuju rodinu bulbu v hriaznych dziravych rastianutych trenikach sadžać. Kak poł žiści diełav.

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →