Kachańnie i seks2424

Zahinuły chakieist Kalcoŭ kinuŭ siamju z tryma dziećmi i pačaŭ jarki raman z Arynaj Sabalenka — voś hetaja skandalnaja historyja

Zahinuŭ Kanstancin Kalcoŭ, niekali adzin z topavych biełaruskich chakieistaŭ. U apošnija hady, adnak, jon čaściej traplaŭ u naviny nie praz sport, a praz kachańnie — burny i skandalny raman źviazaŭ spartsmiena z najlepšaj biełaruskaj tenisistkaj Arynaj Sabalenka. Zhadvajem padrabiaznaści.

Fota: essentiallysports.com

U Kalcova i Sabalenka vialikaja roźnica va ŭzroście — 17 hadoŭ. Pakul Aryna była jašče maleńkaj dziaŭčynkaj, chakieist paśpieŭ zrabić vydatnuju karjeru: byŭ adnym ź pieršych biełarusaŭ u NCHŁ, u składzie zbornaj vystupaŭ na alimpijadach i čempijanatach śvietu. Karjeru hulca jon skončyŭ u 2016-m.

U Kalcova była ŭzornaja siamja. Budučuju žonku Juliju (jana ruskaja z Łatvii) jon sustreŭ u 2004-m u Štatach, praz dva hady para ažaniłasia. U šlubie naradzilisia troje synoŭ — Alaksandr, Daniła i Stefan. Małodšy ź dziaciej naradziŭsia ŭ 2019 hodzie.

Vyhladaje, što ŭžo praz hod pačalisia stasunki eks-chakieista i Sabalenki.

U 2020-m žonka Kalcova apublikavała post pra razryŭ z mužam, pry hetym asabliva adznačyła «dziaŭčat, što visnuć na šyi čužych mužčyn ź niemaŭlatami ŭ siemjach».

Tym časam Arynu stali bačyć na matčach minskaha «Dynama» — chakiejnaha kłuba, dzie Kalcoŭ tady pracavaŭ asistentam.

U 2021-m para pierastała chavać adnosiny: Kalcoŭ u sacsietkach pryznavaŭsia dziaŭčynie ŭ kachańni, Aryna publična adkazvała ŭzajemnaściu. Potym źjavilisia i sumiesnyja fota z pacałunkami, eks-chakieist i tenisistka pačali razam chadzić na śvieckija padziei.

Paśla padziej 2020-ha šmat biełaruskich par raspadałasia, ale Kalcoŭ i Sabalenka – inšy vypadak, bo jany aboje pajšli pa šlachu praŭładnaha sportu. Z 2016-ha Kanstancin pahulvaŭ za chakiejnuju kamandu Alaksandra Łukašenki, a ŭ 2020-m jon padpisaŭ praŭładny list spartoŭcaŭ. Pad hetym ža listom staić podpis i Aryny.

Fota: sabalenka_aryna / Instagram

Sabalenka źniałasia ŭ navahodniaj pramovie-2021 Alaksandra Łukašenki, a taksama mocna sapsavała sabie reputacyju paśla pačatku vajny va Ukrainie.

U Aryny jak u adnoj z topavych tenisistak śvietu šmat pytalisia pra jaje staŭleńnie da vajny, jana ž zdoleła asudzić vajnu tolki ŭ červieni 2023-ha. Da taho Aryna tak vostra reahavała na pytańni pra vajnu, što heta nieadnojčy traplała ŭ zahałoŭki miedyja.

Jana stała radziej pisać pra Kalcova — apošni post pra kachanaha źjaviŭsia ŭ instahramie Aryny 17 krasavika 2023, u jaho dzień narodzinaŭ. Dziaŭčyna pisała: «Ty moj samy rodny čałaviek, najlepšy siabar i maja samaja mocnaja padtrymka. Spakoju tabie sa mnoj, mocy, ciarpieńnia i zdaroŭja. Ja spadziajusia, što ŭ nas budzie ŭsio, što my zadumali».

Apošnim časam ich karjera nasamreč pajšła ŭvierch. U 2023-m Aryna vyjhrała Australian Open — heta była jaje pieršaja pieramoha na turniry Vialikaha šlema ŭ adzinočnym razradzie, i ŭ studzieni 2024-ha biełaruska jaje paŭtaryła. U minułym hodzie Aryna jašče i paśpieła niekalki miesiacaŭ pabyć pieršaj rakietkaj śvietu.

Što da Kalcova, u apošnija miesiacy jamu, pamočniku treniera rasijskaha «Sałavata Jułajeva», stali praročyć novaje pryznačeńnie. Bojfrenda Aryny svatali na miesca treniera minskaha «Dynama» i nacyjanalnaj zbornaj.

Pakul što Aryna publična nie reahavała na śmierć Kanstancina. 22 sakavika jana musiła raspačać vystup na turniry ŭ Majami, i mierkavana, što Kalcoŭ jakraz jechaŭ tudy, kab jaje padtrymać. Ale ž matča nie budzie: spartoŭku ŭžo vyklučyli z aficyjnaha raskładu trenirovak, a paviedamleńni ŭ sacsietkach turniru pra jaje ŭdzieł vydalili.

Maŭčyć u sacsietkach i eks-žonka biełarusa Julija. Vyhladaje, što žančyna pieražyła stratu bolš čym 15-hadovych adnosinaŭ i ciapier buduje novaje žyćcio — jana pracuje ryełtarkaj u Fłarydzie i rehularna pościć u instahramie zdymki siabie i troch synoŭ z malaŭničych plažaŭ.

«Naša Niva» — bastyjon biełaruščyny

PADTRYMAĆ

Čytajcie taksama:

U ZŠA zahinuŭ chakieist Kanstancin Kalcoŭ — bojfrend Aryny Sabalenka

Aryna Sabalenka, pieršaja rakietka śvietu: kachańnie i maŭčańnie

Ad NCHŁ da kamandy Łukašenki. Historyja chakieista Kanstancina Kalcova, jaki zahinuŭ u Majami

Kamientary24

  • Heta nieetyčna
    19.03.2024
    Ličnaja sprava kožnaha, niejak nieetyčna pra heta pisać u taki momant
  • karkuša
    19.03.2024
    hospodi, nu vot začiem eta hriaź. umier mołodoj mužčina. eto v lubom słučaje trahiedija. začiem vsie hriaznoje bielje tianuť. protivno samim ot siebia nie stanovitsia?
  • Hańba
    19.03.2024
    [Red. vydalena]

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady19

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady

Usie naviny →
Usie naviny

«Kamunarka» impartazamiaścić šakaład dla hłazuravanych syrkoŭ i maroziva7

U Mazyry za «raspaŭsiud ekstremizmu» pakarali hałoŭnuju redaktarku haziety NPZ3

Atrymać pasyłku na pošcie zaraz možna budzie biez dakumientaŭ

Minski zavod vinaŭ adkazaŭ Rasii na «šmurdziak» — pastaŭki vina ŭ RF spyniajucca18

Karł III źviarnuŭsia da zbornaj Anhlii ź niezvyčajnaj prośbaj3

Kačanava vystupiła za suvierennaje prava dziaržavy na falsifikacyju vybaraŭ i zaklikała stvaryć pryjaznuju misiju naziralnikaŭ ad BRIKS12

Prodažy novych aŭto bjuć rekordy. Ci ŭdałosia dyleram vyjści na davajenny ŭzrovień?5

Haračaja vada, televizary, ale bieźlič rapartaŭ i parnik na prahułcy. Źniavoleny raspavioŭ pra novaje SIZA pad Minskam5

U Šatłandyi papuhaj uciok ad haspadyni. Amal praz dvoje sutak jaho znajšli ŭ radzilni, dzie toj viesieła baviŭ čas2

bolš čytanych navin
bolš łajkanych navin

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady19

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady

Hałoŭnaje
Usie naviny →