U ZŠA zahinuŭ chakieist Kanstancin Kalcoŭ — bojfrend Aryny Sabalenka
Zahinuŭ eks-chakieist zbornaj Biełarusi i pamočnik treniera rasijskaha «Sałavata Jułajeva» Kanstancin Kalcoŭ. Pra heta paviedamiła «Lusterka», hruntujučysia na śviedčańniach dźviuch nie źviazanych pamiž saboj krynic ź blizkaha atačeńnia spartsmiena.
Dakładnyja abstaviny hibieli Kanstancina Kalcova pakul nie viadomyja. Pavodle infarmacyi «Lusterka», jon zahinuŭ u ZŠA. Tam ciapier žyvie tenisistka Aryna Sabalenka, ź jakoj chakieist sustrakaŭsia.
Kalcovu było 42 hady.
Kanstancin Kalcoŭ hulaŭ za «Junactva», minskaje «Dynama», «Sievierstal», «Ak Bars», «Spartak» i inšyja rasijskija kłuby. Za kłub Nacyjanalnaj chakiejnaj lihi «Pitsburh Pinhvinz» u 2002—2006 hadach pravioŭ 144 matčy (7-je miesca siarod biełaruskich chakieistaŭ), zabiŭ 12 šajbaŭ i zrabiŭ 26 pieradačaŭ.
Za zbornuju Biełarusi Kalcoŭ zhulaŭ 123 matčy, nabraŭ 55 bałaŭ (34 šajby, 21 halavy pas). Z 2017 hoda — trenier, apošnim časam byŭ asistentam u «Sałavat Jułajevie» (Ufa, Baškartastan).
Litaralna na minułym tydni źjaviłasia infarmacyja, što jon mieŭ stać hałoŭnym trenieram minskaha «Dynama».
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary