Hramadstva1616

«Paśla takich navinaŭ va ŭsich byŭ šok». Z pačatku hoda troje studentaŭ BDUIR skončyli žyćcio samahubstvam

Sa studzienia hetaha hoda ŭ internatach BDUIR jak minimum try studenty skončyli žyćcio samahubstvam. Pra heta vydańniu «Lusterka» raskazaŭ chłopiec, jaki žyvie ŭ adnym ź internataŭ univiersiteta. Surazmoŭca skardzicca, što padrabiaznaści trahiedyj studentam nie raskazvajuć, a psichałahičnuju dapamohu, pavodle jahonych słoŭ, nie prapanoŭvajuć. «Lusterka» daviedałasia, što adbyłosia.

Internat № 1 BDUIR. Fota: Jandeks.Karty

Anton (imia źmienienaje) havoryć, što ŭ kancy studzienia adzin sa studentaŭ BDUIR skončyŭ žyćcio samahubstvam u internacie №1.

«Jahonyja znajomyja kažuć, što jon mocna pieražyvaŭ praź pierazdaču i vysialeńnie ź internata, — raskazvaje surazmoŭca. — A ŭ pačatku sakavika inšy student saskočyŭ z 12-ha paviercha hetaha internata. Pra pryčyny ničoha nie viadoma.

Byli vidavočcy hetaha vypadku. Jak tolki ŭ čacie internata stali abmiarkoŭvać hetaje pytańnie (pytalisia, adkul kryki), rezka ŭsie stali vydalać paviedamleńni, tamu što nibyta čaty buduć praviarać. A lepš by źviarnuli ŭvahu na stan studentaŭ: mnohija pra heta viedajuć i havorać i vidavočna pieražyvajuć.

Tolki praz paru dzion paśla druhoha vypadku administracyja stała praviarać čyściniu pakojaŭ i naviedvalnaść va ŭniviery, jak byccam heta niešta vyrašyć. Ja razumieju, što za ŭsimi nie ŭsačyć, ale ni razu psichołah va ŭniviersitecie nie pravodziŭ z nami pracu, bo i pastupleńnie, i ekzamieny — heta taki stres».

Jašče adno samahubstva, pa słovach Antona, adbyłosia 10 sakavika. Chłopiec skončyŭ žyćcio samahubstvam užo ŭ internacie №2.

Pra heta «Lusterku» raskazała i adna sa studentak BDUIR Maryja (imia źmieniena):

«Pra heta vykładčyki nie raskazvajuć, ja daviedałasia praz svaich adnahrupnikaŭ. Nie viedaju, jakija dakładna miery prymaje administracyja, ale ŭsich susiedziaŭ taho chłopca z druhoha internata pierasialili, a sam błok zakryli na hod».

Pa słovach dziaŭčyny, chłopiec-samahubca ź internata №2 vučyŭsia na pieršym kursie. Bolš ničoha pra jaho jana nie viedaje — infarmacyju pra trahiedyi studentam nie paviedamlajuć.

«Kaniešnie, dumaju, paśla takich navinaŭ va ŭsich byŭ šok, — upeŭnienaja jana. — Ale kali asabista z čałaviekam nie znajomy, jano pa-inšamu ŭsprymajecca. Mahčyma, u internatach bolš panuraja atmaśfiera, ale sama nie žyvu tam, tamu nie viedaju detali».

Jak uschvalavanaja situacyjaj mama adnoj sa studentak BDUIR žurnalistka «Lusterka» patelefanavała ŭ internat №1. Zahadčyca Alena Prodeus raskazała, što infarmavać studentaŭ pra toje, što zdaryłasia, administracyja nie źbirałasia, a voś psichałahičnuju dapamohu im zaŭsiody hatovyja akazać.

«My nie pavinny ničoha takoha tłumačyć [što adbyvajecca], — zajaviła jana. — Kali ŭ vašaha dziciaci jość niejkija prablemy, u nas tut prosta ŭ internacie pracuje psichołah. Kali treba niejkuju pracu pravieści, viadoma, možam heta zrabić.

Na svaim uzroŭni ja prahavorvała ŭsie hetyja pytańni. Kazała, što b ni adbyłosia ŭ žyćci, dumajcie nie tolki pra siabie, a jašče pra toje, što ŭ vas jość mamy, braty i siostry, dumajcie pra nastupstvy, jakija mohuć być. A naohuł vy ŭsie maładyja, i ŭ vas pavinna być žadańnie ŭbačyć zaŭtrašni dzień, damahčysia čahości novaha. I nie važna, kali niešta nie atrymałasia. Nie atrymałasia siońnia — atrymajecca zaŭtra.

Heta značyć, voś takija hutarki my viadziem, ale nie abmiarkoŭvajem tyja rečy, jakija zroblenyja, skažam tak, niapravilna. Tamu nie dumaju, što treba takija rečy papularyzavać i vystaŭlać napakaz».

Razvažajučy pra pryčyny niekalkich trahiedyj, zahadčyca zapeŭniła: usio, što adbyvajecca, nie maje dačynieńnia da ŭniviersiteta.

«U hałavu kožnamu dziciaci my nie zaleziem, — miarkuje jana. — Zrazumiełaja reč, my nie pravakujem takija rečy. < … > Heta dakładna nijak nie źviazana, što tut chtości kahości da čahości prymušaje albo stvaraje takija ŭmovy dla hetaha. I, skažam tak, niama takoha, što tut niejkija zabaronienyja rečy adbyvajucca. Ničoha hetaha padobnaha i blizka nie dapuskajem. Naohuł u nas usie davoli dobrazyčlivyja».

Pa słovach Aleny Prodeus, u pryčynach trahiedyj ciapier raźbirajucca śledčyja orhany. 

Kamientary16

  • pustaja trata vriemieni
    15.03.2024
    Postupať v RTI "na prohiera" było modnym v 90-yje, 00-yje tohda eto była elita. Siejčas nie znaju kto i začiem tuda postupajet. Jeśli tolko vopros s armijej otłožiť na vriemia.
  • Studient
    15.03.2024
    Javno priepody dovodiat studientov. Połovina priepodov psichičieski nienormalnych miahko hovoria. Učitiel tam caŕ i boh. Dostatočno prosto nie ponravitsia. I zdravstvuj armija. Prosto moralno uničtožajut. Pomnitsia u nas był učitiel. Ostavlał svoj žurnał otkrytym , na pieriemienie možno było počitať. Niekotorym pisał naprotiv familii tipa «nado isklučať». Riezultat toho čto otsutstvujet obratnaja śviaź ot učienika k učitielu. Učieniki dołžny vybirať siebie učitielej ili po krajniej mierie staviť im ocienki vlijajuŝije na zarpłatu. Bolšaja časť učitielej dołžny prochodiť lečienije v psichbolnicach a nie učiť. Nu eto v svoju očieried́ riezultat nie pristižnosti profieśsii. Tuda idiet vsiakij sbrod kotoryj nie možiet v žiźni najti siebia. Druhoj momient čto pośle toj «učieby» hołova nabita nikomu nach.n nie nužnymi znanijami. V obŝiem to v armii - takaja žie «situacija». Kak i vo vsiech śfierach kołchoza vozhłavlajemoho ahrofiurierom. Čiem bolšie tam hos učastija tiem bolšie bieznadiehi.
  • łoś
    15.03.2024
    pustaja trata vriemieni, a jesť druhije sposoby zapołučiť vysokij zarabotok pośle okončanija?

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →