U biełaruskich kramach źjaviŭsia pradukt amal pa 1000 rubloŭ za kiłahram
U praduktovych kramach Biełarusi źjaviŭsia niezvyčajny pradukt z Kitaja i Karei. Za maleńki pačak vahoj u 4 hramy prosiać amal čatyry rubli. Kali ž brać ceły kiłahram takoj pradukcyi, to daviadziecca addać amal 1000 rubloŭ.
Havorka idzie pra sušanuju marskuju kapustu. Miarkujučy pa ŭsim, jana moža skłaści zdarovuju alternatyvu čypsam dla tych, chto siadzić na dyjecie ci prosta prytrymlivajecca pravilnaha charčavańnia.
Adna ŭpakoŭka vahoj u 4 hramy kaštuje 3 rubli 97 kapiejek. Adpaviedna, kiłahram praduktu abyjdziecca ŭ 992 rubli 50 kapiejek.
Skład praduktu taki: sušanaja marskaja kapusta; aliŭkavy alej; kunžutny alej; kukuruzny alej; sol. U nievialikaj upakoŭcy — niekalki vielmi tonkich płaścinak, jakija možna lohka razarvać. Pa pachu jany nahadvajuć sušanuju rybu, adznačyŭ internet-partał «Anłajnier», žurnalisty jakoha zaŭvažyli takuju navinku.
Anałahičnuju pradukcyju pad inšaj handlovaj markaj znajšło taksama vydańnie Telegram.news u anłajn-kramach Biełarusi. U apisańni paznačana, što «kapusta vyrasła ŭ vodach Cichaha akijana», a taksama źmiaščaje «vitaminy A, B, C, kalcyj, žaleza i jod». Termin prydatnaści — 15 miesiacaŭ, a enierhietyčnaja kaštoŭnaść na 100 hramaŭ składaje 319 kiłakałoryj.
Takim čynam, adzin pačak (4 h) źmiaščaje kala 13 kkał. Całkam dyjetyčny pradukt.
Na MAZie stvaryli fudtrak dla Mak.by, kab jeździć pa Dažynkach
«Nie chodzim u restarany i nie tracim šmat hrošaj na ježu». Biełaruska raskazała, jak jaje siamja adkładaje hrošy na pajezdku da mora
Novy italjanski pasoł prapanavaŭ ekspartavać syr ź Biełarusi ŭ Italiju
U čynoŭnikaŭ spytali, čamu ŭ kramach niama biełaruskaha časnaku. Što jany adkazali?
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi3
Kamientary