Narviežski rybak znajšoŭ u mory pavietrany šar. Vyśvietliłasia, što tak razdźmuła kita
Pry žyćci kit mieŭ pamier da 15 mietraŭ u daŭžyniu i vahu kala 40 ton.
Narviežski rybak Dah Rudłand vyjaviŭ niešta padobnaje na pavietrany šar u adkrytym mory na poŭnač ad vostrava Anioja. Adnak paśla stała zrazumieła, što havorka idzie nie pra pavietrapłavalny aparat, a pra miortvaha harbataha kita, jakoha razdźmuła paśla śmierci, piša Bild.
«Jano tyrčała prykładna na try mietry nad moram. Pavietrany šar byŭ takim vialikim! Ja pracuju rybakom 27 hadoŭ i bačyŭ niekalki miortvych kitoŭ. Ale ja nikoli raniej nie sutykaŭsia z takim pamieram», — raspavioŭ miascovamu vydańniu Dagbladet sam Rudłand.
Paśla śmierci kity nadzimajucca, tamu što pry raskładańni ich cieły napaŭniajucca hazami ŭ vyniku hniłasnych pracesaŭ. Pa słovach rybaka, pry žyćci kit mieŭ pamier da 15 mietraŭ u daŭžyniu i vahu kala 40 ton.
Rudłand nie staŭ nabližacca da kita, tamu što ŭ luby momant jon moža ŭzarvacca.
«Spadziajusia, jaho nie vyniesie na bierah raniej za hety čas. Kali jon vybuchnie, śmiardziučyja častki raźlaciacca na šmat mietraŭ», — dadaŭ rybak.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary