Pamianiali praviły atrymańnia lhotnych kredytaŭ dla maładych biełarusaŭ
Alaksandr Łukašenka 14 sakavika padpisaŭ Ukaz № 95, u jakim źmianili praviły vydačy lhotnych kredytaŭ dla maładych biełarusaŭ va ŭzroście da 31 hoda.
Zhodna z novym zakonam, maksimalnuju sumu kredyta pavialičyli z 5,5 tys. rubloŭ da 12,2 tys. rubloŭ.
Taksama zakon unios źmieny ŭ asartymient, na nabyćcio jakoha maładyja biełarusy mahli pretendavać na lhotny kredyt. U pres-słužbie Łukašenki paviedamili, što ciapier u jaho ŭvachodziać usie tavary biełaruskaj vytvorčaści.
Prava atrymańnia kredytu raspaŭsiudžana na vypusknikoŭ, jakija samastojna pracaŭładkavalisia ŭ sielskich nasielenych punktach, atrymali prafiesijna-techničnuju adukacyju, a taksama dobraachvotna pastupili na vajskovuju słužbu pa kantrakcie. Pry hetym takija biełarusy pavinny pracavać u dziaržarhanizacyjach, dzie dola ŭłasnaści dziaržavy składaje 50% i bolš.
U toj ža čas kali toj, chto atrymaŭ kredyt, nie adpracavaŭ abaviazkovaje raźmierkavańnie, to jamu pieraličać pracenty ź ilhotnych na standartnyja.
Kamientary