Japoncy sprabavali zapuścić pryvatnuju kaśmičnuju rakietu, ale jana ŭzarvałasia
Kaśmičnaja rakieta Kairos-1 pryvatnaj japonskaj kampanii Space One vybuchnuła adrazu paśla zapusku. U Japonii štučny spadarožnik pryvatnaj kampanii sprabavali zapuścić upieršyniu.
Daŭžynia hetaj rakiety była kala 18 m, i jana musiła dastavić na arbitu ekśpierymientalny aparat dla zamieny raźviedvalnych spadarožnikaŭ na vypadak, kali jany vyjduć z ładu.
Uvohule zapusk spačatku płanavaŭsia na 9 sakavika, ale jaho pieranieśli, bo ŭ akvatoryju, jakaja ličyłasia zonaj pavyšanaj niebiaśpieki, uvajšoŭ karabiel.
Space One pavinna była stać pieršaj japonskaj pryvatnaj kampanijaj, jakaja vyvieła spadarožnik na arbitu.
Raspracoŭščyki Kairos-1 patłumačyli, što ŭ rakietu na vypadak adchileńnia ad zadadzienaj trajektoryi, chutkaści albo pry pamyłcy ŭ sistemie kiravańnia była zakładzienaja funkcyja samaźniščeńnia. Akurat jana i spracavała ŭsiaho praz 5 siekundaŭ paśla zapusku. Što stała pryčynaju hetaha kankretnaha incydentu — pakul nie paviedamlajecca.
«Plavać ja chacieŭ na hety Zachad». Hałasavańnie Łukašenki pačałosia z dvuch prakołaŭ. A voś jakija zajavy jon zrabiŭ24
Kamientary