Nieruchomaść22

Minčuk upotaj pabudavaŭ na leciščy stylny dom i padaryŭ jaho žoncy

Minčuk Dzianis u siurpryzach viedaje tołk: upotaj ad žonki jon pabudavaŭ stylny dom na leciščy i padaryŭ jaho joj na dzień naradžeńnia. Realt.by zazirnuŭ u sadovaje tavarystva pad Stoŭbcami i acaniŭ padarunak — jak vyhladaje, jak uładkavany, kolki kaštavaŭ i ci zadavolenaja žonka?

Barnchaŭs dla lecišča

Dačny ŭčastak pad Stoŭbcami znachodzicca praktyčna ŭ lesie — z dvuch bakoŭ da jaho padstupajuć sosny dy jełki. Vałodaje siamja im užo hadoŭ z 5, ale da zasvajeńnia ŭsio ruki nie dachodzili.

«My žyviem u Minsku z tryma dziećmi ŭ nievialikaj zdymnaj kvatery i vyjechać na pryrodu nam zaŭsiody ŭ radaść, — raskazvaje Dzianis. — Budaŭnictva lecišča ŭ nas było ŭ marach, u addalenaj pierśpiektyvie. I voś ja narešcie saśpieŭ i advažyŭsia. Zaadno padumaŭ, što kali ŭsio zrabić chutka i nie afišujučy, to atrymajecca zrabić dom jak padarunak da dnia naradžeńnia žonki».

Dzianis razumieŭ, što kali treba chutka, to patrebien karkaśnik. Vobraz budučaj chaty ŭ jaho ŭžo byŭ — jamu jaŭna padabaŭsia styl barnchaŭs. Zastavałasia tolki zrabić prajekt doma dla siamji z tryma dziećmi, ale z ulikam biudžetu ŭ 40 tysiač dalaraŭ.

«Kampanij u internecie chapaje, u Minsku možna navat pahladzieć žyŭcom vystavačnyja damy, — raskazvaje hieroj. — Z asabistych nazirańniaŭ mahu skazać, što ŭsiudy abiacajuć budavać chutka i jakasna, usiudy patrabujuć avans, ale redka z taboj detalova prapracoŭvajuć prajekt — u adnoj kantory prosta ad ruki płaniroŭku malavali. U vyniku abraŭ tuju, dzie i prajekt detalovy ŭ 3D zrabili, i prapanavali niešta nakštałt indyvidualnaj rasterminoŭki».

Pazasiezonny dom

U vyniku Dzianis zaćvierdziŭ prajekt doma na 75 kvadrataŭ, z pavialičanaj terasaj i antresolnym paviercham. Dla jaho byli važnyja i terminy — da dnia naradžeńnia zastavałasia try miesiacy i da hetaha času patrebien byŭ dom, jaki ŭžo možna pakazvać.

«Kali ščyra, to ja akazaŭsia nie hatovy da takich tempaŭ — tolki niadaŭna byŭ prosta kavałak ziamli, a voś užo i šrubavy padmurak hatovy, potym sabrany karkas, dach. Chłopcy vidavočna išli z apiaredžańniem hrafika — kožny dzień mnie ŭ vajbier prylatała fotaspravazdača ź niejkim novym etapam zroblenaha. Siadziš taki ŭ Minsku, a dzieści na leciščy dom raście biez tvajho ŭdziełu».

Za budoŭlaj pryhladaŭ baćka Dzianisa — jon žyvie ŭ Stoŭbcach, tamu zaŭsiody moh padjechać i acanić jakaść.

«Jon u mianie prychilnik staroj budaŭničaj škoły, sam umieje i lubić pracavać z drevam, tamu byŭ taksama ździŭleny, jak chutka i biez tych ža błokaŭ dy cehły možna pabudavać dačny dom».

Varta adznačyć, što dom Dzianisa tolki naminalna ličycca dačnym — pa ŭsich paramietrach heta paŭnavartasnaje zaharadnaje žyllo z vyhodami haradskoj kvatery. Zvonku barnchaŭs ababity mietałam hrafitavaha koleru — dla dachu i dźviuch doŭhich ścien vykarystoŭvaŭsia klik-falc. Materyjał listavy, narazajecca na vytvorčaści pad zadadzienyja pamiery, tamu na miescy jaho treba tolki zmantavać. Dziakujučy admysłovamu zamku, karciny lohka i nadziejna złučajucca. Tarcy budynka ababityja sasnovym płankienam — jaho jašče nieabchodna pakryć prapitkaj.

Usiaredzinie ścien zakładziena 200 mm kamiennaj vaty, u jakaści vietraachovy vykarystana MDVP «Biełterma». Stoli i padłohi taksama hruntoŭna ŭcieplenyja.

«Prajekt maje niekalki cikavych momantaŭ, — kaža Anton, pradstaŭnik kampanii Belstroyka PRO. — Naprykład, vitražnaje škleńnie haścioŭni vychodzić na paŭnočny bok. Takim čynam vyrašajucca dźvie zadačy: uletku pamiaškańnie nie budzie pierahravacca, i mienavita z poŭnačy adkryvajecca vid na sosny na ŭčastku, što było važna dla zakazčyka».

Nad zonaj haścinaj i kuchni — druhoje śviatło, vyšynia stoli ŭ kańku amal 6 mietraŭ.

Nad astatniaj častkaj doma zrobleny vialiki i śvietły pakoj. I heta nie antresol ź nizkaj stollu, dzie možna abstalavać tolki spalnaje miesca — ścieny druhoha paviercha pryŭźniatyja prykładna na mietr, pachiły dachu nie pieraškadžajuć funkcyjanalna vykarystoŭvać paddašnuju prastoru ŭ poŭnaj miery. Trapić tudy možna budzie pa leśvicy, jakaja ŭ košt doma nie ŭvachodziła.

Tut adznačym, što baćka Dzianisa zrabiŭ jaje sam, zastałosia tolki pastavić.

Na pieršym paviersie jość jašče dźvie spalni dziaciej z voknami ŭ padłohu (praź ich možna budzie vyjści na vulicu). I dva sanvuzły — siamja vialikaja, vyhody patrebnyja ŭsim.

U domie dla aciapleńnia ŭstanoŭlenyja dva kandycyjaniery, jakija pracujuć u režymie ciepłavoj pompy.

«Druhi kandycyjanier darma kuplaŭ, — kaža Dzianis. — Dom vydatna trymaje ciapło i chutka nahravajecca navat u minus 20. Technika kłasnaja i pracuje značna bolš efiektyŭna za elektrakanviektary. Spažyvaje jon 1,8 kVt, a ciapła vydaje ŭ niekalki razoŭ bolš. Va ŭmovach sadovaha tavarystva reč niezamiennaja — elektryčnaść tut, pa-pieršaje, darahaja, a pa-druhoje, dla pracy kłasičnaha elektrakatła nie chapiła b mahutnaści. U nas tut niaredka zusim śviatło adklučajuć, tamu dadatkova pad domam, a tam prastora dazvalaje, praduhledžany bienzinavy hienieratar dla takich vypadkaŭ. U płanach ustalavać padviasny kamin na drovach kala vitražnaha škleńnia ŭ haścioŭni».

Unutry miarkujecca, što budzie interjer u eka-styli — ścieny i stoli ababityja imitacyjaj brusa biez afarboŭki. Na padłohach zastałosia pakłaści plitku i łaminat, sabrać meblu i ŭstalavać santechniku.

Dzianis padzialiŭsia ličbami i pa padklučeńni inžyniernych sietak. Bolš za ŭsio kłopataŭ dastaviła elektryčnaść — pryjšłosia ciahnuć kabiel za 500 mietraŭ. Heta abyšłosia ŭ dźvie tysiačy dalaraŭ. Śvidravinu na 33 mietry prabili pobač z domam. Z pracaj, pompaj i abstalavańniem jana abyšłasia ŭ 2 tysiačy dalaraŭ. Ustalavanaja taksama stancyja bijałahičnaj ačystki ściokaŭ — kaštavała jana kala 5 tysiač rubloŭ.

Siurpryz atrymaŭsia?

Dzianis pryznajecca, što žonka zdahadvałasia pra budaŭnictva — schavać vialikija vydatki ź siamiejnaha biudžetu nie atrymałasia. Ale jana ŭsio adno była pryjemna ździŭlenaja, kali ŭbačyła źmieny na ŭčastku.

«My hetym učastkam užo hadoŭ piać vałodajem i za hetyja hady tam ničoha nie źjaviłasia, — śmiajecca Dzianis. — Znoŭ ža, jość vopyt našych siabroŭ, jaki kaža, što budoŭla — heta doŭha. Mnohija svaje damy hadami budavali, a niekatoryja dahetul nie dabudavali.

Žonka čakała ŭbačyć pačatak budoŭli, tamu vielmi mocna ździviłasia i ŭzradavałasia adnačasova, kali ja joj pakazaŭ amal hatovy da zasialeńnia dom. Jak tolki jon źjaviŭsia, my siudy stali čaściej naviedvacca i navat paru razoŭ užo načavali. Ciapier my žyviom maraj, što 20 traŭnia źjedziem ź ciesnaj kvatery na daču — da hetaha času ŭstalujem santechniku, paviesim štory, darobim padłohi i leśvicu. U płanach pravieści ŭsio leta tut. Ale i ŭ astatni čas hoda płanujem pryjazdžać na vychodnyja».

Dzianis kaža, što jahony dom užo staŭ miascovaj słavutaściu — ludzi padychodziać pahladzieć na jaho, sfatahrafavać. Chto śmialejšy, raspytvaje detalova: što ŭnutry, čym aciaplać, jak uładkavanaja kanalizacyja, chto pabudavaŭ, kolki kaštavaŭ?

U płanach pabudavać altanku z hryl-zonaj, darabić płot, ŭparadkavać učastak — spraŭ na leta chopić.

Kamientary2

  • Pietrovič
    10.03.2024
    vsie chorošo tolko mnoho stiekła na piervom etažie. Niepraktično, opasno i enierhiju nie śbieriehajet. Nado było staviť v domie pieč na drova uhol brikiet na vsiakij słučaj. Split sistiemy dla obohrieva niepraktičny pri tiempieraturie na ulicie nižie -5. 
  • Ft to gghh
    10.03.2024
    Pietrovič , zdajecca, što sučasnyja sistemy pry -10 majuć kaeficyjent kala dźvuch. To bok, efiektyŭnaść sistemy choć i značna padaje, ale ŭsio jašče zdolna padkidvać ciapło zvonku ŭnutr.

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Tramp nazvaŭ svajho kandydata ŭ vice-prezidenty20

Niekatoryja biełarusy sustrakali ŭčarašni ŭrahan, kupajučysia ŭ voziery VIDEA

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach13

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ4

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad20

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →