Hramadstva3030

«Mnie soramna, što žančynu adpravili za kraty». Biełarus, čyja skarha pryviała Mirsalimavu ŭ izalatar, raskazaŭ, što adbyłosia

Niadaŭna prarasijskuju aktyvistku Elviru Mirsalimavu adpraŭlali na dvoje sutak za kraty. Akazałasia, što skarhu na jaje napisaŭ biełaruski aktyvist.

Elvira Mirsalimava. Fota ź jaje fejsbuku

Mužčyna paprasiŭ nie nazyvać jaho imia. Ale raspavioŭ, jak daŭno piša skarhi i navošta, a taksama pryčym tut Mirsalimava:

«Ja pačaŭ pisać skarhi jašče da 2020-ha. Vyrašyŭ pasprabavać, jak ułady reahujuć na tyja ci inšyja sproby ŭździejańnia. Za niekalki hadoŭ zrazumieŭ dla siabie, dzie mahčymy dobry vynik.

Asnoŭny moj nakirunak — heta zvaroty, pietycyi i skarhi pa kamunalnych prablemach. Tam ja maju peŭny pośpiech: jak vyrašeńnie sapraŭdnych prablem, tak i zvalnieńni roznych načalnikaŭ i dyrektaraŭ.

Ale čas ad času ja sprabuju zakidvać vudu i pa takich pytańniach, jak pryciahnieńnie za «ekstremizm» roznyja dziaržaŭnyja ŚMI, čynoŭnikaŭ i prarasijskich aktyvistaŭ.

Maja baraćba z «ekstremistami» — pa-pieršaje, dla taho, kab siłaviki choć častku svajho času tracili nie na dobrych ludziej, jakija čaściej za ŭsio traplajucca pad ich dubinku, a na tych, chto sam źjaŭlajecca prychilnikam represij ci cenzury.

I pa-druhoje, kab sami prychilniki hetych žudasnych pryjomaŭ na sabie adčuli choć častku ciažaru represiŭnaj mašyny — niachaj chacia b praz pravierki, dopyty, vykliki ŭ RAUS.

Ja nie mahu padličyć, kolki ja padaŭ zvarotaŭ mienavita pa hetaj temie — mahčyma, kala 25. Spačatku heta byli pietycyi na petitions.by. Tam skardziŭsia na prysutnaść «ekstremizmu» u čašnickaj rajoncy, na sajcie Viciebskaha abłvykankama i navat na sajcie Viciebskaj jeparchii. Ale zvyčajna heta nie davała vyniku.

Ale «ekstremiscki» nakirunak nie pakidaŭ. Kali byŭ volny čas, pisaŭ zvaroty ŭžo praz servis Obraŝienija.bieł. Naprykład, pa Mirsalimavaj ja źviartaŭsia ŭ minułym hodzie. Jaje tady praviarali, ale ničoha nie zrabili.

U hetym hodzie ja rašyŭ paŭtaryć z ulikam taho, što ŭ jaje šmat repostaŭ Suzdalcava, a jon nie tolki «ekstremisckija materyjały», ale i «farmiravańnie». Tamu vyrašyŭ paŭtaryć zvarot u prakuraturu, kab zaadno pravieryli i supracoŭnikaŭ Čyhunačnaha RAUS Viciebska. Mahčyma, spracavali dva faktary: vybary na nosie i cisk z prakuratury, što, maŭlaŭ, raniej viałasia pravierka, ale prahledzieli takija dopisy.

Tak ci inakš, za Mirsalimavu ŭzialisia. Chacia ŭ adkazie mnie napisali pra zusim inšyja akaličnaści jaje spravy. Ja skardziŭsia na ekstremizm, a jany pryciahnuli jaje za pikietavańnie i prapahandu nacysckich simvałaŭ.

Darečy, reposty Suzdalcava zastalisia. Tamu ja nakiravaŭ niadaŭna jašče adnu skarhu ŭ prakuraturu.

Adkaz na skarhu aktyvista. Fota z archivu surazmoŭcy

Prykładna ŭ hety ž čas, hetaj zimoj, ja skardziŭsia taksama na ekstremizm Ahafonava i Bondaravaj. Bondarava tady pisała, što jaje praviarali.

Pa Ahafonavie spačatku adkazali, čto pryniali da ŭvahi, ale navat nie turbavali jaho. Ja abskardziŭ — potym jon vydaliŭ dopisy, ale jamu ničoha nie było. Pa Bondaravaj taksama pakul biezvynikova.

Vypadak ź Mirsalimavaj — adziny, kali ŭłady vyrašyli adreahavać, ale pry hetym zrabić vyhlad, što znajšli inšaje, a nie toje, što ja pisaŭ.

Ščyra kažučy, mnie soramna, što žančynu ŭsio ž adpravili za kraty. Ja spadziavaŭsia, choć i nie nadta, što maksimum daduć štraf».

Nahadajem, Elvira Mirsalimava — viadomaja prarasijskaja aktyvistka. Łukašenkaŭcy plažać jaje za toje, što jana ich krytykuje, a taksama dazvalaje sabie krytykavać samoha Łukašenku za niedastatkovaje zbližeńnie z Rasijaj dy praźmiernaje adstojvańnie samastojnaj biełaruskaj dziaržaŭnaści.

Niadaŭna jana patrapiła na dvoje sutak za kraty za reposty z kanałaŭ rasijskich prapahandystaŭ — u ich ubačyli «demanstracyju nacysckaj simvoliki» i «niezakonnaje pikietavańnie». Ździeki ź jaje ŭ izalatary jana malaŭniča raśpisała ŭ fejsbuku.

«Naša Niva» — bastyjon biełaruščyny

PADTRYMAĆ

Kamientary30

  • Axel Justas
    09.03.2024
    Šuryk, heta nie naš mietad!
  • Tak
    09.03.2024
    Mirsalimava adkrytaja stalinistva, rasiejskaja aktyvistka i biełarusafobka, ale jamu soramna, bo žančyna, zusim pryjechali.

    Kačanavaj, Jarmošynaj, Ščotkinaj i inšych prarasiejskich čynoŭnik jamu vidać taksama škada.
  • *
    09.03.2024
    Jaki ŭžo dzień NN abmiarkovajie hetuju .... NAVOŠTA? Chto jana, što jana, čym admietnaja? Da čort ź jeju. Pahatoŭ - padła jana 

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →