Hramadstva1717

Na Brestčynie paśla 2020 hoda pamierli nie mienš za piać padpałkoŭnikaŭ i pałkoŭnikaŭ. Jakija pryčyny i abstaviny śmierciaŭ?

Pravaabaroncy Mayday Team paviedamili pra śmierć dastatkova maładoha i vysokapastaŭlenaha supracoŭnika MUS: pamior 44-hadovy načalnik upraŭleńnia ŭ spravie supraćdziejańnia kibierzłačynnaści Bieraściejskaha UUS, pałkoŭnik Andrej Hlinski. Heta stałasia padstavaju dla Aljansu rasśledavalnikaŭ Biełarusi vyvučyć dastupnyja dakumienty siłavikoŭ pra asabovy skład. Vyjaŭlenyja cikavyja fakty publikuje «Biełsat».

Načalnik upraŭleńnia ŭ spravie supraćdziejańnia kibierzłačynnaści Bieraściejskaha UUS Andrej Hlinski. Fota SK

Žurnalisty-rasśledavalniki vyjavili, što na Bieraściejščynie paśla 2020 hoda pry roznych abstavinach pamierli nie mienš za piać vysokapastaŭlenych aficeraŭ. Choć aficyjna nie paviedamlałasia pra hetyja śmierci, infarmacyja pra dźvie ź piaci ŭsio ž prasačyłasia ŭ ŚMI.

Pieršym pajšoŭ z žyćcia pałkoŭnik u zapasie Hienadź Vajtovič: 19 traŭnia 2021 hoda ŭ lesapałasie pry darozie ŭ Bieraściejskim rajonie jaho znajšli paviešanym. Vajtovič vyjšaŭ na piensiju ŭ kancy 2020-ha z pasady načalnika ŭpraŭleńnia achovy pravaparadku UUS Bieraściejskaha abłvykankama. Na piensii žyŭ u pradmieści Bieraścia z žonkaj i synam, jaki taksama byŭ supracoŭnikam MUS. Śpirtnymi napojami Vajtovič nie złoŭžyvaŭ, namieraŭ skončyć žyćcio samahubstvam nie vykazvaŭ.

Upraŭleńnie, jakim kamandavaŭ Vajtovič pierad vychadam na piensiju, u 2020 hodzie kaardynavała pracu ŭsioj bieraściejskaj milicyi ŭ zdušeńni pratestaŭ i naŭprost spravazdačyłasia pierad MUS.

Druhaja śmierć zdaryłasia ŭ Baranavičach. Uletku 2022 hoda pry kupańni skoknuŭ u vadu, złamaŭ šyju i paźniej pamior u špitali načalnik adździeła achovy pravaparadku Baranavickaha HAUS, padpałkoŭnik milicyi Alaksiej Hiećman. Jon viadomy tym, što łžyva śviedčyŭ u sudach, fabrykavaŭ administracyjnyja i kryminalnyja spravy suprać haradžan.

Nastupny pamierły — padpałkoŭnik upraŭleńnia HUUB MUS pa Bieraściejskaj vobłaści, jakoje śpiecyjalizujecca na pošuku biełarusaŭ, što pakidajuć u siecivie kamientary pra siłavikoŭ.

19 śniežnia 2020-ha ŭ svajoj kvatery pamior 43-hadovy staršy opierupaŭnavažany ŭ asoba važnych spravach upraŭleńnia HUUB MUS padpałkoŭnik R. Levaniuk.

Unačy 15 traŭnia 2021 hoda ŭ Bieraściejskuju bolnicu chutkaj miedyčnaj dapamohi ŭ stanie komy, vyklikanaj ałkaholnaj intaksikacyjaj, čerapna-mazhavoju traŭmaj, strasieńniem hałaŭnoha mozhu dastavili byłoha načalnika ABEZ, jaki atrymaŭ pavyšeńnie ŭ słužbie na pasadu staršaha opierupaŭnavažanaha ŭ asoba važnych spravach UBEZ UUS Bieraściejskaha abłvykankama, padpałkoŭnika milicyi U. Pytlakova. Z dapamohaju miedyčnaj inicyjatyvy «Biełyja chałaty» ŭdałosia daviedacca, što vysokapastaŭleny ŭbepaviec pamior.

Apošniaj u šerahu śmierciaŭ supracoŭnikaŭ u pałkoŭnickich zvańniach stałasia niadaŭniaja viestka pra raptoŭnuju śmierć zhadanaha ŭ pačatku artykuła 44-hadovaha načalnika ŭpraŭleńnia ŭ spravie supraćdziejańnia kibierzłačynnaści, pałkoŭnika Hlinskaha. Na pasadu jaho pryznačyli ŭletku 2022-ha. Uličvajučy viek i zvańnie, jon zrabiŭ hałavakružnuju karjeru.

Kamientary17

  • Kamientatary
    09.03.2024
    Apošnim u šerahu śmierciaŭ supracoŭnikaŭ u pałkoŭnickich zvańniach stałasia niadaŭniaja viestka pra raptoŭnuju śmierć zhadanaha ŭ pačatku artykułu 44-hadovaha načalnika ŭpraŭleńnia ŭ spravie supraćdziejańnia kibierzłačynnaści, pałkoŭnika Hlinskaha. Na pasadu jaho pryznačyli ŭletku 2022-ha. Uličvajučy viek i zvańnie, jon zrabiŭ hałavakružnuju karjeru.///

    zrabiŭ hałavakružnuju karjeru z chutkaj dastaŭkaj u piekła.
  • Chutka leta
    09.03.2024
    Chutka leta. Čakajem novyja skoki hałavoj u vadu, prahułki ŭ lesapałosach, skoki cisku i ałkaholnyja pryhody supracoŭnikaŭ karnych struktur režymu.
  • žeŭžyk
    09.03.2024
    Niaŭžo niejkija partyzany ŭ Biełarusi zavialisia? Abo babulki-viadźmarki z efiektyŭnymi zamovami dy ŭrokami?

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom8

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Usie naviny →
Usie naviny

Pierasadžvacca ŭ inšy aŭtobus u čarzie na miažy bolš nielha? Zdajecca, tak2

Łukašenka prapanavaŭ adsiakać ruki tym, chto kradzie ŭ sielskaj haspadarcy6

Akademija navuk raspracavała instrukcyju pa źniščeńni «ekstremisckich» knih u biblijatekach11

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu15

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT32

Suśvietnyja ceny na kavu bjuć rekordy. Košt vašaha łate pad pahrozaj5

bolš čytanych navin
bolš łajkanych navin

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom8

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Hałoŭnaje
Usie naviny →