Śviet22

Kiraŭnik MZS Polščy acaniŭ inicyjatyvu Makrona: Pucin budzie pytać siabie, jaki naš nastupny krok

Ministr zamiežnych spraŭ Polščy Radasłaŭ Sikorski miarkuje, što ŭźniataja prezidentam Francyi Emaniuelem Makronam dyskusija ab zachodnich vojskach va Ukrainie źjaŭlajecca karysnaj dla ŭpłyvu na Rasiju.

Ministr zamiežnych spraŭ Polščy Radasłaŭ Sikorski. Fota: Maxym Marusenko / NurPhoto via Getty Images

Pra heta jon skazaŭ na kanfierencyi ŭ polskim Siejmie, pryśviečanaj 25-hodździu siabroŭstva Polščy ŭ NATO, paviedamlaje «Jeŭrapiejskaja praŭda».

Kamientujučy słovy Makrona, Sikorski nahadaŭ, što padobny precedent užo isnavaŭ u historyi, a mienavita — padčas Karejskaj vajny 1950-1953 hadoŭ, kali na dapamohu krainie adpraviłasia kaalicyja dziaržaŭ pa rašeńni Savieta Biaśpieki AAN.

«Pamiatajecie, na Hienieralnaj Asamblei Arhanizacyi Abjadnanych Nacyj adrazu paśla ŭvarvańnia bolš za 140 krain z 190 prahałasavali za toje, kab asudzić ahresiju jak nieprymalnuju. Heta nie prosta zajava dla presy, heta stvareńnie pravavoj bazy», — ličyć jon.

Uličvajučy heta, dadaŭ kiraŭnik polskaha MZS, «kaalicyja dziaržaŭ — členaŭ AAN tut dla spynieńnia ahresii nie źjaŭlajecca čymści niejmaviernym».

«Voś čamu ja caniu francuzskuju inicyjatyvu apošnich dzion. Tamu što, na maju dumku, jana maje dobry namier, a mienavita — kab rasijski prezident pytaŭsia ŭ siabie, jakim budzie naš nastupny krok, a nie kab jon byŭ upeŭnieny, što my nie zrobim ničoha kreatyŭnaha, i tamu moh płanavać svaje scenary», — padkreśliŭ Sikorski.

Prezident Francyi Emaniuel Makron na minułym tydni zajaviŭ, što nielha vyklučać imaviernaj adpraŭki zachodnich vojskaŭ va Ukrainu. Paśla jon dadaŭ, što jaho rezanansnyja słovy byli staranna pradumany.

U toj ža čas zajavy francuzskaha prezidenta vyklikali niehatyŭnuju reakcyju z boku ŭradaŭ krain-sajuźnic, lidary jakich paśpiašalisia zapeŭnić, što nie buduć adpraŭlać vojski.

Maskva hnieŭna adreahavała na vykazvańni Makrona, papiaredziŭšy, što razhortvańnie zachodnich vojskaŭ va Ukrainie niepaźbiežna pryviadzie da kanfliktu pamiž Rasijaj i NATO.

Kamientary2

  • Gorliwy Litwin
    08.03.2024
    Vojski NATO mahli b zaniać pazicyi ŭzdoŭž usich miežaŭ RB, kab vyzvalić ukrainskija siły i padstrachavać Suvałkaŭski kalidor. Dla pačatku. A jašče treba vycisnć vahnieraŭcaŭ i režymy, jakija na ich trymajucca, z Afryki, chusitaŭ ź Jemienu i h.d. Kali ž hetaha nie zrabić - ŭsia sistema zachodniaj daminacyi na praciahu nastupnych 7-10 hadoŭ rassypiecca jak kartačny domik i ŭzrovień žyćcia i biaśpieka zachoždniaha abyvaciela ŭpaduć da ŭzroŭniu rańniaha siaredniaviečča. Niepryjemny siurpryz dla spadaryni Hrety i inšych śniažynak i chamiačkoŭ.
  • Žvir
    08.03.2024
    Gorliwy Litwin, nu, biezumoŭna racyja. Pliusuju.

Dar‘ja Łosik vyjšła na svabodu pa pamiłavańni

Dar‘ja Łosik vyjšła na svabodu pa pamiłavańni

Usie naviny →
Usie naviny

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž3

Staršynia Hienštaba Vialikabrytanii zajaviŭ, što jość tolki try hady, kab padrychtavacca da vajny z aljansam dyktatur7

Mašynu namieśnika načalnika vajskovaj čaści ŭzarvali ŭ Maskvie. Vajskoŭcu adarvała stupni2

U Trampa byŭ efiektyŭny kozyr suprać Bajdena. Ciapier jon moža viarnucca bumieranham 3

«Simpsany» jašče ŭ 2000 hodzie pradkazali, što Kamała Charys stanie prezidentam?2

«Radujciesia, s*ki!» Čym skončyŭsia skandał pamiž hiniekałahiniaj-błohierkaj i pacyjentkaj pryvatnaha miedcentra?17

99-hadovy biełarus vyrašyŭ atrymać paśviedčańnie ab naradžeńni

Ryžankoŭ prylacieŭ u KNDR1

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni

Dar‘ja Łosik vyjšła na svabodu pa pamiłavańni

Hałoŭnaje
Usie naviny →