Śviet77

Pucin abmiarkoŭvaŭ abmien Navalnaha ŭsiaho za niekalki hadzin da jaho hibieli

Nieviadomyja detali pieramovaŭ ab abmienie viaźniami pamiž Rasijaj, Niamieččynaj i ZŠA.

Na padstavie razmovaŭ z čatyrma krynicami, znajomymi z detalami ździełki pa abmienie Alaksieja Navalnaha na aryštavanych na Zachadzie rasijanaŭ, «Ahienctva» adnaŭlaje karcinu dramatyčnych padziej, jakija skončylisia 16 lutaha hibiellu apazicyjaniera ŭ palarnaj kałonii.

Dvoje surazmoŭcaŭ śćviardžajuć, što Pucin u dzień śmierci apazicyjaniera ŭ kałonii pasiołka Charp abmiarkoŭvaŭ abmien padčas asabistaj sustrečy ź miljarderam Ramanam Abramovičam. Jak śćviardžaje adna z krynic, prezident Rasii na słovach vykazaŭ zhodu na ździełku.

Hetaja sustreča Pucina z Abramovičam, pavodle słoŭ čałavieka, znajomaha ź biznesoŭcam, adbyłasia ranicaj 16 lutaha, usiaho prykładna za čatyry hadziny da pieršaha paviedamleńnia ab hibieli Navalnaha.

Žurnalist Chrysta Hrozieŭ, znajomy z płanami abmienu, taksama čuŭ, što Pucin vierahodna pahadziŭsia na jaho. «Z taho što my viedali ŭ apošnija dni da zabojstva było ŭražańnie, što jon (navat na ździŭleńnie pieramoŭščykaŭ z rasijskaha boku) pahadziŭsia», — paviedamiŭ Hrozieŭ.

Pry hetym Hrozieŭ upeŭnieny, što heta była prytvornaja zhoda. «Dumaju, što heta było albo prykryćciom płanaŭ ab zabojstvie, albo stratehičnym chodam, kab davieści pieramovy amal da kanca, dumajučy što raz Niamieččyna pahadziłasia pryncypova addać Vadzima Krasikava, to pry adsutnaści Navalnaha jany pahodziacca jaho abmianiać i na inšaha, nie nastolki važnaha dla Pucina źniavolenaha», — skazaŭ Hrozieŭ «Ahienctvu».

Adzin z surazmoŭcaŭ traktuje pucinskuju zhodu, kali jana była, takim čynam: «Daviedaŭšysia, što Zachad hatovy addać u Rasiju Krasikava, Pucin strymana zahadaŭ zabić Navalnaha».

Znajomy Abramoviča aściarožny ŭ traktoŭcy, prapanoŭvajučy pierš dačakacca vynikaŭ rasśledavańnia ab hibieli Navalnaha.

Usie surazmoŭcy «Ahienctva» sychodziacca ŭ tym, što Navalny byŭ hałoŭnym, ale nie adzinym abjektam abmienu.

Rasijski bok byŭ hatovy vydać Niamieččynie i ZŠA adpaviedna Navalnaha, a taksama žurnalista The Wall Street Journal Evana Hierškoviča i adstaŭnoha amierykanskaha marpiecha Poła Uiłana (abodva znachodziacca ŭ rasijskich miescach źniavoleńnia).

Dvoje surazmoŭcaŭ kažuć, što ŭ adkaz zachodnija krainy byli hatovyja vydać pažyćciova asudžanaha ŭ Niamieččynie zabojcu i aficera rasijskich śpiecsłužbaŭ Vadzima Krasikava, i kahości z asudžanych u ZŠA rasijanaŭ.

Adna z krynic čuła, što ŭ pracesie pieramovaŭ hučała imia Uładzisłava Klušyna, zasnavalnika kampanii «M13», jakaja supracoŭničała z Administracyjaj prezidenta Rasii i inšymi dziaržaŭnymi orhanami (jon asudžany ŭ Amierycy za chakierstva i insajdarski handal).

Pieramovy ab abmienie išli jak minimum ź viasny minułaha hoda

Letam 2023 hoda Niamieččyna vykazała pryncypovuju zhodu na abmien Navalnaha, u abmierkavańni hetaha pytańnia ŭdzielničała asabista kiraŭnik MZS Niamieččyny Analena Bierbak, skazała adna z krynic. Pa słovach usich surazmoŭcaŭ, zhodu na abmien za Navalnaha dała siamja, i ​​mienavita jana adyhryvała hałoŭnuju rolu ŭ łabiravańni ździełki.

U vieraśni 2023 hoda apieracyja pa abmienie prypyniłasia — heta zdaryłasia paśla artykuła ŭ The Wall Street Journal, ź jakoha ŭpieršyniu stała viadoma ab padrychtoŭcy abmienu Navalnaha na Krasikava.

Znoŭ abmierkavańnie abmienu aktyvizavałasia ŭ śniežni, kali Navalnaha etapavali ŭ kałoniju za Palarnym kruham — siamja pierakanała Zachad, što pačałasia padrychtoŭka da čahości drennaha.

Finalna płan abmienu zachodnimi krainami byŭ uzhodnieny na sustrečy prezidenta ZŠA Džo Bajdena i kanclera FRH Ołafa Šolca ŭ pačatku lutaha, kažuć dva surazmoŭcy «Ahienctva». Ab hetym taksama pisaŭ Reuters sa spasyłkaj na svaju krynicu.

Sa śniežnia da Pucina było adpraŭlena niekalki vysokapastaŭlenych rasijskich emisaraŭ, tolki adnym ź ich byŭ Abramovič, kaža adna z krynic. Pa słovach inšaha, pryncypovuju zhodu Kramla na abmierkavańnie abmienu Navalnaha zachodnim pierahavorščykam spačatku pieradaŭ kiraŭnik pucinskaj administracyi Anton Vajno, užo paśla hetaha na razmovu z prezidentam patrapiŭ Abramovič.

Kamientary7

  • Biełarus
    08.03.2024
    Vidavočna što nie chacieli adpuskać. 
  • Vład
    08.03.2024
    Połučajetsia možno ubivať ludiej bieznakazanno v Hiermanii. Ubijcu vsio-ravno obmieniajut! Raźvie eto nie sihnał dla rośsijskich špionov?
  • Pukin okurok
    08.03.2024
    Nie vieriu etomu kłopu s rostom čuť mieńšie mietra ni jedinomu jeho słovu.

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →