Piatro Piatroŭski: Treba ŭvodzić kryminalnuju adkaznaść za nacyjanalizm i libieralizm
Čym jon niezadavoleny i jak arhumientuje?
Prapahandyst Piatro Piatroŭski ŭ svaim telehram-kanale adreahavaŭ na zbor hrošaj, jaki arhanizavaŭ prarasijski aktyvist Arciom Ahafonaŭ.
Piatroŭski napisaŭ dopis, u jakim vykazaŭ niezadavolenaść tym, što ŭ Biełarusi paśla 2020-ha hoda «patoki zachodnictva i jeŭrapiejstva choć i skaracilisia, ale i nie źnikli».
Na jaho pohlad, kali raniej «zachodnictva i jeŭrapiejskaść leźli ŭ Biełaruś ź ES», to ciapier aktyvizavalisia «novyja centry z uschodu, z Maskvy», praź jakija ździajśniajucca danaty i zbory srodkaŭ achviaram režymu na pakryćcio štrafaŭ.
Piatroŭski prapanuje šerah mier, nakiravanych na spynieńnie takoj praktyki. I jany vielmi radykalnyja. Na pohlad prapahandysta, nadyšoŭ čas uvodzić kryminalnuju adkaznaść za padobnyja zbory srodkaŭ, a taksama zrabić maksimalna prazrystaj sistemu rachunkaŭ u ramkach Sajuznaj dziaržavy, kab razabracca, chto kankretna pakryvaje štrafy.
Ale na hetym jon nie spyniajecca i zaklikaje ŭvieści kryminalnuju adkaznaść za «nacyjanalizm i libieralizm luboj maści: biełaruski, ruski, polski ci choć habonski».
Na pohlad Piatroŭskaha, «prapahanda i papularyzacyja hetych ideałohij viadzie da majdanaŭ, płoščaŭ, mižnacyjanalnaj i mižrelihijnaj varožaści». Tamu «ŭsio hetaje zachodnictva i jeŭrapiejstva pavinna być zabaroniena».
Čytajcie jašče:
Vynieśli prysud dokšyckamu piarevaratniu ŭ pahonach Zhirskamu2
Kamientary