Nieruchomaść99

Čyrvony pakoj i Buda. U Minsku pradajuć kvateru z futurystyčnym dyzajnam

Heta dvuchuzroŭnievaja piacipakajoŭka na bierazie Ślapianki.

Fota: realt.by

Ahulnaja płošča kvatery z unikalnym dyzajnam, vystaŭlenaj na prodaž — 245 m², žyłaja amal 180 m². Choł, haścioŭnia i kuchnia znachodziacca ŭ adnym pamiaškańni płoščaj 94 m². U centry — čyrvonaja kanapa. 

Na druhi pavierch (antresol) viadzie leśvica sa šklanymi schodami.

Fota: realt.by

Zvyčajnyja formy ŭ hetaj kvatery majuć tolki akonnyja i niekatoryja dźviarnyja prajomy. Leśvičnyja piaryły, balasiny i navat ubudavanyja ŭ stol śviacilniki vykanany ŭ futurystyčnym styli.

Kuchnia ŭ kvatery — biełaha koleru ź vielizarnymi panaramnymi voknami. 

Fota: realt.by

Z voknaŭ kvatery adkryvajecca vid na Nacyjanalnuju biblijateku.

Taksama majecca i čyrvony pakoj. Pobač ź im u ścianie možna zaŭvažyć arku, jakaja nahadvaje prachod dla myšy z multfilmaŭ pra Toma i Džery. Unutry čyrvonaha pakoju namalavany Buda.

Fota: realt.by

U kvatery znachodzicca try sanvuzły. Dva z troch vannych pakojaŭ vykanany ŭ mienš futurystyčnym styli. U adnym ź ich mieścicca vialikaja džakuzi i, što davoli redka dla žyłych pamiaškańniaŭ, pisuar.

Fota: realt.by

Łožak u spalnym pakoi taksama daloki pa svaich formach ad taho, što my pryzvyčailisia bačyć. 

Fota: realt.by

Meblu niestandartnych form možna zaŭvažyć i ŭ inšych pakojach. Praz toje, što kvatera znachodzicca na apošnim paviersie i vyšynia stoli mocna roźnicca z-za kanstrukcyi budynku, vychad na druhi pavierch (antresol) majecca nie tolki z choła, ale i z pracoŭnaha kabinieta.

Siarod inšaha na 245 «kvadratach» znajšłosia miesca dla prastornaj harderobnaj i spartyŭnaj zały.

Fota: realt.by

Jak paznačana ŭ apisańni da abjekta, u pamiaškańni zrobleny aŭtarski ramont pa dyzajn-prajekcie z vykarystańniem najlepšych pa jakaści impartnych materyjałaŭ dla budaŭnictva i azdableńnia. Kvatera pradajecca razam z technikaj. 

U kvatery zroblena dadatkovaja ciepłavaja i hukavaja izalacyja. Ustalavany kandycyjanier i prytokava-vyciažnaja vientylacyja.

Prosiać za kvateru 600 tysiač dalaraŭ, mahčymy handal.

Čytajcie taksama:

U Minsku adkryjuć škołu z asimietryčnymi voknami

«Adpracujcie 40 hadoŭ kiraŭnikom, i ŭ vas atrymajecca». Eks-sienatarka raskazała, jak možna zarabić na dom za $1,5 miljona

U Breście ŭračysta zdali dva damy dla vajskoŭcaŭ. Klučy ŭručaŭ ministr Chrenin

Kamientary9

  • Fejspałm
    06.03.2024
    Pahladzieć prykolna, mo navat u hości schadzić cikava. Ale žyć u takich interjerach budzie nie vielmi pryjemna
  • cinik
    06.03.2024
    Fejspałm, kvartirka kak raz intieriesnaja, možno było b i žiť, vieś vopros v tom, čto žiť v niej nado zdieś, jeśli b ona była v Italii druhoje było by dieło, no v Italii na eti dieńhi možno i dva domika kupiť, odin sdavať, v druhom žiť.
  • Fejspałm
    06.03.2024
    cinik, da cany taksama pytańni jość. Kali jaje sapraŭdy pradajuć nie pieršy hod, to košt jaŭna nie rynkavy. Inakš daŭno pradali b.
    Ceny na nieruchomaść u Italii nie adsočvaju, ale žyć u Italii ŭ lubym vypadku pryjemniej budzie, čym u Minsku)))

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Usie naviny →
Usie naviny

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

U jakich rajonach Biełarusi najnižejšyja zarobki?

Urahan udaryŭ pa vystavie MUS u centry Viciebska — viecier raskidaŭ namioty VIDEA4

«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju10

«Ty russkij jazyk ponimaješ?» Mužčyna na voziery ŭhavorvaŭ lebiedzia addać jamu łaŭku VIDEA4

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach15

bolš čytanych navin
bolš łajkanych navin

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Hałoŭnaje
Usie naviny →