Stała viadoma, što rychtuje kamanda BNR100 da Dnia Voli

Arhanizatary prezientujuć BNR106 jak praciah mitynha-kancerta BNR100, jaki prajšoŭ u 2018 hodzie, prajektam zajmajecca taja ž kamanda. U adroźnieńnie ad 2018 i 2019 hadoŭ, ciapier śviatkavańnie projdzie ŭ anłajn-farmacie — hetak ža było i ŭ 2020-m praz kavid.

Anton Matolka tłumačyć, što pa ŭsim śviecie biełarusy buduć roznym čynam śviatkavać Dzień Voli — da prykładu, 24 sakavika ŭ Varšavie projdzie vialikaje šeście i kancert da śviata. Ale ž kamanda chacieła niešta zrabić mienavita dla biełarusaŭ u Biełarusi:

«Pakolki heta anłajn-farmat, jaho mohuć hladzieć usie, ale chočacca zładzić prajekt u pieršuju čarhu dla tych, kamu ciapier składana niejak vyrazić svaju pazicyju, składana publična pavinšavać adno adnaho ŭ sacsietkach, kab nie chavać pry hetym akaŭnt. Ludzi nie mohuć vyviesić ściahi, zapuścić fiejervierki i niejak hučna adznačyć śviata. 

Chočam dać im mahčymaść paŭdzielničać u śviatkavańni sapraŭdy važnaj dla nas daty, 106-j hadaviny abviaščeńnia Biełaruskaj narodnaj respubliki. Jany zmohuć padklučycca da tranślacyi, kab pasłuchać biełaruskich artystaŭ i haściej našaha strymu, mahčyma, zadać im pytańni».

Anton vyznačaje kancepcyju prajekta jak svojeasablivaje late-night show: tam budzie i muzyčny błok z vystupami artystaŭ, i razmoŭny — hutarki viadučych z haściami (błohierami, piśmieńnikami i inšymi viadomymi biełarusami). Kamanda ŭžo abviaściła pieršyja try hurty, jakija paŭdzielničajuć u prajekcie: heta J:MORS, NAVIBAND i Dlina Volny.

Na placoŭcy šou buduć i hledačy, ale havorka nie idzie pra bilety ci masavyja zaprašeńni. Asnoŭnaja zadača — zrabić tranślacyju, jakuju mahli b pahladzieć usie, i ŭ pieršuju čarhu hledačy ź Biełarusi. 

Strym projdzie na jutub-kanale «Hodna!» i na inšych płatformach, pra jakija arhanizatary abiacajuć raskazać bližej da 25 sakavika. Na tranślacyju ŭžo možna padpisacca tut. Arhanizatary čakajuć, što łukašysty mohuć pasprabavać pieraškodzić strymu — Matolka nahadvaje, jak u Biełarusi adklučali jutub padčas navahodniaha vinšavańnia Śviatłany Cichanoŭskaj.

Finalny košt mierapryjemstva, raskazvaje Anton, budzie zrazumieły paśla jaho zakančeńnia. Ale ŭžo ciapier zrazumieła, što zbor u 25 tysiač jeŭra na arhanizacyju, zapuščany praz «Bajsoł», nie pakryje ŭvieś košt prajekta. Kab dać rady ŭsim vydatkam, kamanda płanuje źviarnucca da bujnych achviaradaŭcaŭ ź biznes-asiarodku, i niekatoryja ź ich užo ciapier padklučajucca da prajekta. Anton miarkuje, što paśla publičnaha anonsa ŭsich muzykaŭ pracavać z patencyjnymi miecenatami i sponsarami budzie praściej.

«My zaklikajem biełarusaŭ prydumlać roznyja varyjanty, jak možna sioleta adśviatkavać Dzień Voli, i padtrymlivać tych, chto niešta dla hetaha robić. Našy praciŭniki žadajuć pakazać, što my nie zdolnyja ničoha zrabić, a my chočam prademanstravać, što nasamreč my heta možam.

Padtrymlivajcie dyjasparalnyja maršy i kancerty svajoj prysutnaściu, danatami i idejami, pamiatajcie, nakolki dla nas usich važnaja data 25 sakavika, budźcie saŭdzielnikami śviata. Naša salidarnaść zaŭsiody była našaj siłaj, my heta viedajem i možam heta pakazać», — kaža Matolka.

Zadanacić na prajekt možna tut. Nahadvajem: nie karystajciesia dla hetaha biełaruskimi ci rasijskimi płaciožnymi instrumientami.

Čytajcie taksama:

U Varšavie prydumali, jak adznačyć Dzień Voli

Hrošy, jakija achviaravali na reabilitacyju zhvałtavanaj u Varšavie biełaruski, viartajucca na rachunki. Ale zapuščany novy zbor

Kaciaryna Cholcapfel-Varažun: U Aŭstryi pieravučyła syna na biełaruskuju za paŭhoda

• 29
• 0
• 3
• 6
• 3
• 2
• 2
• 0