Kultura44

Hałoŭnym režysioram Lalečnaha teatra staŭ Jaŭhien Karniah — čamu jaho možna ličyć adnoj z asnoŭnych zorak biełaruskaha teatra prosta ciapier?

Biełaruski dziaržaŭny teatr lalek aficyjna paviedamiŭ, što pasadu hałoŭnaha režysiora z 1 sakavika davieryli Jaŭhienu Karniahu. Da jaho teatr doŭhi čas ščylna asacyjavaŭsia z postaćciu lehiendarnaha Alaksieja Lalaŭskaha, jakomu čynoŭniki nie praciahnuli kantrakt u minułym hodzie. Chacia dziakujučy mienavita jamu i jaho baćku Anatolu teatr staŭ adnym z najprahresiŭniejšych u krainie i vyjšaŭ na mižnarodny ŭzrovień.

Zrešty, za los teatra ŭ rukach Karniaha pakul taksama možna nie pieražyvać: jaho nazyvajuć adnym z samych zornych i talenavitych režysioraŭ u krainie. Raskazvajem, što daje dla taho padstavu.

Jaŭhien Karniah. Fota: puppet-minsk.by

Karniah nie źjaviŭsia ŭ Lalečnym źnianacku — jon pracuje tam z 2022 hoda i adznačyŭsia paśpiachovymi aŭtarskimi pastanoŭkami: «Intervju ź viadźmarkami», «Zapiski junaha lekara», «Na čornaj-čornaj vulicy». Premjera apošniaj zapłanavanaja na 21 sakavika, ale z kvitkami ŭžo tuha. Ź inšymi śpiektaklami taksama asacyjujecca viečnaje pytańnie: «Jak dastać kvitok?»

Nie abdzialaje ŭvahaj režysior i maładziejšuju aŭdytoryju: tak, Karniah zrabiŭ pieršy bebi-śpiektakl «Matylki» dla zusim maleńkich dzietak uzrostam 1+.

Režysior naradziŭsia ŭ Minsku u 1983 hodzie, skončyŭ Biełaruskuju dziaržaŭnuju akademiju mastactvaŭ na kursie ŭ taho samaha Lalaŭskaha, adpracavaŭ u Lalečnym paru hod akcioram, ale z samaha pačatku razumieŭ, što akciorstva — nie jahonaje.

Cikava, što praciahły čas Jaŭhien pracavaŭ u dramatyčna-płastyčnym teatry, i pieršyja jaho hučnyja pośpiechi źviazanyja mienavita z hetym žanram. Nie budučy chareohrafam, jon jašče studentam prydumaŭ tancavalnyja eciudy, jakija lahli ŭ asnovu jaho debiutnaha śpiektakla ŭ jakaści režysiora Cest la vie. Exercices pres du baton. Nieŭzabavie zdarylisia «Nie tancy», jakija prynieśli jamu słavu.

Tema była abranaja vostraja — hvałt i ahresija. Cikavaja detal: akramia viadomych siońnia akcioraŭ-kupałaŭcaŭ, jakija tam hrali — Valanciny Harcujevaj ci Alaksandra Kazieły, u pastanoŭcy zaśviaciłasia siońniašniaja pres-sakratarka Łukašenki Natalla Ejsmant.

Ličycca, što ich i ciapier mohuć źviazvać ciopłyja stasunki.

U 2010-m hodzie režysior arhanizavaŭ ułasny kalektyŭ — KorniagTHEATRE. Adna ź jaho samych zaŭvažnych pastanovak — «Łatentnyja mužčyny», dzie kamanda razvažała pra kryzis maskulinnaści i žanockaści.

Vybar žyćciovych, ale ź inšaha boku viečna składanych temaŭ da daśledavańnia — fiška Karniaha. Jaho nastupnyja raboty byli pryśviečanyja, naprykład, strachu — «Śpiektakl №7» ci — adzinocie ŭ vialikich haradach — «Bieton». Jany ŭ svoj čas z pośpiecham išli ŭ RTBD.

Siońnia tam ža pakazvajuć tryłohiju Karniaha — try roznyja śpiektakli («Pačupki», «Šlub ź vietram» i «Zabałoćcie») pra try klučavyja etapy žyćcia čałavieka — narodziny, viasielle i śmierć. Vialikaja rola ŭ materyjale advodzicca biełaruskamu falkłoru i narodnym tancam, pieśniam.

«Heta sproba zachavać toje, što źnikaje. Kali bačyš, što pamiraje vioska za vioskaj, chočacca ŭsio zafiksavać, pakinuć pamiać pra našych prodkaŭ», — tłumačyŭ u adnym ź intervju svoj vybar Karniah.

«Zabałoćcie». Fota:@wladek.ra.

Jak i ŭ lalečnym teatry, na pastanoŭkach Karniaha ŭ RTBD tradycyjna anšłah. A jašče jon — łaŭreat Nacyjanalnaj teatralnaj premii (2018) i pieramožca šmatlikich fiestyvalaŭ u Biełarusi i za miažoj. I na fonie adčuvalnaha kryzisu ŭ biełaruskaj teatralnaj śfiery ŭ suviazi sa šmatlikimi zvalnieńniami tvorcaŭ paśla 2020 hoda, praz cenzuru i kantrol u kulturnym asiarodździ, toje, što robić Karniah, zastajecca tym niešmatlikim śviežym i niebanalnym.

Kamientary4

  • imia
    04.03.2024
    Jevhienij Karniah - tałantliv. Sohłasna. 
  • ja
    04.03.2024
    vot chalezina postanovki mienia nikak nie trohajut. navierno posriedstviennosti i tusujutsia riadom čtoby połučiť pod projekty hranty. i ludiam eto nieintieriesno. łučšij pokazatiel kohda biletov nie dostať, kak v słučaje korniahi
  • Gorliwy Litwin
    05.03.2024
    voś bačycie, i možna vydatna abychodzicca biez usialakaj spadčyny VKŁ-RP, biez usialakaj demakratyčnaj i jeŭrapiejskaj paviestki, jakaja rudymientarna i skažona niejak jašče prysutničała ŭ śviadamiźmie. Mnie zdajecca, što hety Karniah, razam z Ejsmantami, Ciercialami,  Marzalukami , Hubazikami - mahistralnaja linija raźvićcia samabytnaj bieł. kultury, a ŭsie napracoŭki bratoŭ Łuckievičaŭ i Ka. - heta tolki čarnavik u košyku dla śmiećcia, nie kažučy ŭžo pra nienavisnuju panskuju kulturu.

Litva zabaraniaje ŭjezd aŭto na biełaruskich numarach15

Litva zabaraniaje ŭjezd aŭto na biełaruskich numarach

Usie naviny →
Usie naviny

Litoviec raskazaŭ, jak trapiŭ u połk Kalinoŭskaha3

Palicyja zatrymała ŭ Varšavie biełarusa, jaki pryjšoŭ u ministerstva ź niebiaśpiečnymi pradmietami3

«Pakul uzajemnaści nie bačym». Łukašenka narakaje, što nie moža damovicca z Polščaj i Litvoju29

Navukoŭcy znajšli na Miesiacy piačoru. Jany spadziajucca, što ŭ joj kali-niebudź pasielacca astranaŭty1

Na Alimpijadu ad Biełarusi jedzie minimalnaja ŭ historyi kolkaść udzielnikaŭ — 16 čałaviek6

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna15

Łukašenka zajaviŭ, što Ukraina zdymała z frontu samyja bajazdolnyja častki i adpraŭlała ich na miažu Biełarusi5

Jeŭrasajuz spyniaje zakupki mebli ź Biełarusi7

Na «Słavianskim bazary» pa danosie zatrymali dziaŭčynu z tatuiroŭkaj «ch*j vajnie»14

bolš čytanych navin
bolš łajkanych navin

Litva zabaraniaje ŭjezd aŭto na biełaruskich numarach15

Litva zabaraniaje ŭjezd aŭto na biełaruskich numarach

Hałoŭnaje
Usie naviny →