Hramadstva1212

«Izdochniet zdieś nacistskij źmiej proklatyj!» Lubimy aŭtar niaviestki Łukašenki — rasijski Z-paet

Hanna Siałuk pryznałasia ŭ svajoj lubovi da prychilnika vajny suprać Ukrainy.

Hanna Siałuk na «Pieśni hoda Biełarusi». Fota: Źviazda

Pra heta jana raspaviała ŭ intervju haziecie «Źviazda» paśla taho, jak druhi hod zapar atrymała pieramahła na «Pieśni hoda Biełarusi» ŭ naminacyi «Najlepšy aŭtar słoŭ». Hanna Siałuk — heta psieŭdanim Hanny Łukašenka, žonki Dźmitryja Łukašenki.

Na pytańnie žurnalista dziaržaŭnaha vydańnia pra lubimych paetaŭ Siałuk adkazała tak:

«Kali kazać pra kłasikaŭ, to mnie padabajucca tvory roznych aŭtaraŭ, niama kahości kankretnaha. A voś siarod sučasnych vyłučaju dla siabie rasijskaha paeta Ułada Malenku. Jaho čytaješ i dumaješ: «Nu jak ža kruta i talenavita!».

Uład Malenka — heta rasijski paet, jaki horača padtrymlivaje ŭvarvańnie Rasii va Ukrainu. U sakaviku 2022 hoda jon razam ź jašče 150 rasijskimi dziejačami padpisaŭ zvarot u padtrymku vajny. U vieraśni taho ž hoda Malenka vystupiŭ na kancercie «Svaich nie kidajem», pryśviečanym niezakonnym refierendumam na akupavanych terytoryjach Ukrainy, a praz hod na kancercie «Adna kraina, adna siamja, adna Rasija» ŭ padtrymku anieksii. Na Pieršym kanale jon atrymaŭ pieradaču «Svaje», u jakoj Z-artysty vystupajuć u padtrymku rasijskich akupantaŭ.

Za svaju pravajennuju dziejnaść jon atrymaŭ ad rasijskich uładaŭ u 2023 hodzie vysokaje zvańnie Zasłužanaha dziejača mastactvaŭ Rasii. A sioleta staŭ davieranaj asobaj Pucina na prezidenckich vybarach 

«Talenavitaja» tvorčaść Malenki, jakoj zachaplajecca Łukašenka, vyhladaje prykładna tak:

«Był krokodił poroju pjan miertviecki,
On izmyvałsia nad lud́mi v Donieckie,
Siebia bałuja čiełoviečjim miasom,
On Krym otriezał i Łuhansk s Donbassom.

Voźlikovało čiornoje źvieŕjo, 
Podniav na fłah Bandieru iz mohiły.
Tohda Hieorhij vnov vozdieł kopjo, 
Čtob nakazať złodieja-krokodiła. 

Odin šachtior skazał v bronie mnie: 
«Uch! Izdochniet zdieś nacistskij źmiej proklatyj!
Śviatoj Hieorhij — eto russkij duch.
Jeho kopje — my, russkije riebiata!»

Taksama Hanna Siałuk pryznałasia, što ŭ jaje časam źjaŭlajucca dumki, jakija jana moža vykazać tolki pa-biełarusku. Jana adznačyła, što ŭ biełaruskaj movie vielmi jomkija słovy, jak, naprykład, «sapraŭdy», jakija sami pa sabie natchniajuć na stvareńnie piesień.

Kamientary12

  • Kulturolah
    05.03.2024
    Brakuje intelektu spadaryni, kab zrazumieć, dzie čornaje i biełaje, dzie mastactva, a dzie trešanina.
  • Taras
    05.03.2024
    Chto viedaje, čamu ŭziała psieŭdanim taki šery, niaŭžo proźvišča łukmašenka saromiejecca?
  • krasiva
    05.03.2024
    Ramsy poputany połnosťju.
    Pozožie na avtobiohrafiju v stichach.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →