Śviet55

Asudžany na 14 hadoŭ rasčlaniciel z Čyty viarnuŭsia z vajny va Ukrainie i atrymaŭ čarhovyja 14 hadoŭ za novaje zabojstva

Vyjści z turmy zabojca pavinien byŭ da 2034 hoda, adnak vyzvaliŭsia ŭžo praz try hady.

Fota: chita.ru

Uradženiec vioski Ałchanaj Zabajkalskaha kraju Cyren-Daržy Cyrenžapaŭ, jaki ŭ vieraśni 2023 hoda zabiŭ 22-hadovuju žančynu, a raniej byŭ asudžany na 14 hadoŭ za zabojstva i rasčlanieńnie 18-hadovaj dziaŭčyny, ale vyzvaliŭsia raniej z-za ŭdziełu ŭ vajnie, adpravicca ŭ kałoniju strohaha režymu za druhoje zabojstva taksama na 14 hadoŭ. Prysud abviaścili 4 sakavika ŭ Čycinskim rajonnym sudzie, piša chita.ru.

Sudovyja pasiedžańni prachodzili ŭ zakrytym režymie pa chadajnictvie paciarpiełaj. Mužčyna pryznany vinavatym pa artykule 105 KK RF (zabojstva). U termin źniavoleńnia ŭklučyli čas utrymańnia Cyrenžapava ŭ SIZA z 13 vieraśnia 2023 hoda da 4 sakavika 2024 hoda. Na karyść paciarpiełaj, svajački zabitaj, sud spahnaŭ kampiensacyju maralnaj škody 1 miljon rasijskich rubloŭ (11 tysiač dalaraŭ), a taksama 250 tysiač rubloŭ (2700 dalaraŭ) kampiensacyi materyjalnaj škody.

Pradstaŭnik prakuratury paviedamiŭ, što viedamstva zapytvała termin u 14 hadoŭ i 6 miesiacaŭ, tamu zadavolena vierdyktam suda.

Za pieršaje zabojstva Cyrenžapaŭ byŭ asudžany ŭ 2020 hodzie da 14 hadoŭ kałonii. Vyjści z turmy zabojca pavinien byŭ da 2034 hoda, adnak jon vyzvaliŭsia ŭžo praz try hady. Pa danych krynicy, jon viarnuŭsia z vajny va Ukrainie.

Pra toje, što Cyrenžapaŭ akazaŭsia na voli i znoŭ zabiŭ dziaŭčynu ŭ vioscy Uhdan Čycinskaha rajona, stała viadoma 3 kastryčnika.

Udakładniajecca, što zabojstva jon ździejśniŭ u chodzie svarki tym ža sposabam, što i ŭ pieršy: jon zadušyŭ svaju achviaru rukami. Hetym razam rasčlaniać cieła zabitaj jon nie staŭ.

Svajačka zabitaj Kaci Skvarcovaj była ŭ šoku ad naviny pra vyzvaleńnie Cyrenžapava i paŭtornaje zabojstva. Jana aburyłasia: «Chto vypuściŭ hetuju pačvaru?!

Krynica z pravaachoŭnych orhanaŭ paviedamlała, što 22-hadovaja dziaŭčyna, jakaja stała novaj achviaraj, pryjechała da jaho na vyklik prastytutkaj.

Pieršaje svajo zabojstva Cyrenžapaŭ ździejśniŭ u 2019 hodzie. Pa materyjałach spravy, mužčyna paznajomiŭsia z 18-hadovaj Kaciarynaj Skvarcovaj u pačatku kastryčnika, u toj ža dzień, budučy pjanym, jon zadušyŭ jaje rukami ŭ kvatery niedaloka ad centra Čyty, a na nastupnyja sutki rasčlaniŭ i vynies častki cieła na vulicu, utapiŭšy ŭ race.

Paśla ździejśnienaha Cyrenžapaŭ praciahnuŭ pić. Mužčynu zatrymali ŭ hetaj ža kvatery, kali dzieci znajšli ŭ dvary doma na vulicy Bahamiakava hałavu zahinułaj.

Pieršy sud nad Cyrenžapavym adbyŭsia ŭ lutym 2020 hoda. Akramia 14 hadoŭ kałonii strohaha režymu, jaho taksama abaviazali vypłacić 2 miljony rasijskich rubloŭ kampiensacyi maralnaj škody babuli zahinułaj.

Kamientary5

  • *
    04.03.2024
    Nu zaraz - znoŭ na vajnu, znoŭ z vajny, znoŭ zabojstva. I tak pa kole pakul nie zabje kula
  • Fiedz
    04.03.2024
    Schodił v otpusk i tak do śledujuŝieho otpuska.
  • Vot ono kakoje lico u russkoho mira
    04.03.2024
    Krohovorot rašistov v «russkom mirie» - ukrał, vypił, ubił, rasčlenił, v tiuŕmu, połučił pomiłovanije, pošieł na vojnu opiať ubivať, stał «hierojem», opiať ubił-rasčlenił, v tiuŕmu na vojnu…

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna3

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach13

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ3

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad19

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna3

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →