Nieruchomaść1616

U Breście ŭračysta zdali dva damy dla vajskoŭcaŭ. Klučy ŭručaŭ ministr Chrenin

Chrenin nahadaŭ navasiołam ab nieabchodnaści dziakavać Łukašenku i paabiacaŭ budaŭnictva jašče 4 tysiač kvater u bližejšyja niekalki hadoŭ.

Fota: mil.by

Znachodziacca damy pa adrasie vulica Hrybajedava, 14 i 14A. Usiaho tam pabudavana 143 kvatery. Klučy ad arendnaha žylla atrymali siemji vajskoŭcaŭ i piersanału miascovaha harnizona. Dziaržaŭnyja ŚMI paviedamlali, što ŭ kvaterach zrobleny ramont, dobraŭparadkavana prylehłaja terytoryja, pastaŭleny dziciačyja placoŭki. Praduhledžana navat sistema videanazirańnia za ŭvachodami ŭ padjezdy i prylehłaj terytoryjaj.

U svajoj pramovie staršynia Bresckaha abłvykankama Juryj Šulejka radasna adznačyŭ:

— Heta žyllo pabudavana dla vas hramadzianskimi budaŭnikami. Siońnia Bresckaja vobłaść spraviłasia z zadačaj i bolš za ŭsich siarod abłaściej pabudavała žylla mienavita dla siemjaŭ vajennasłužačych. My pabudavali 1272 kvatery, ź ich 709 — heta niepasredna dla vajskoŭcaŭ.

@maruk.by #realbrest #brest #briest #dienismaruk #longervideos #bolšieminuty ♬ orihinalnyj zvuk - Dienis Maruk

Pierad tym, jak pierarezać čyrvonuju stužku, ministr abarony Viktar Chrenin padkreśliŭ: «Pryjarytetam palityki našaj dziaržavy źjaŭlajecca kłopat ab vajskoŭcach». Jon taksama nahadaŭ, što za žyłyja mietry vajskoŭcy pavinny być udziačnyja asabista Łukašenku.

Nahadajem: naprykancy 2022 hoda na naradzie Łukašenka zajaviŭ, što ludzi ŭ pahonach (razam sa šmatdzietnymi) paviny być pieršymi ŭ čarzie na kvatery. I voś jak jon heta arhumientavaŭ:

— Vajennasłužačyja, jak i dziaržaŭnyja słužačyja, u niejkaj stupieni daktary, nastaŭniki, — heta biudžetniki, jakija vykonvajuć najvažniejšyja dla krainy funkcyi. I jany majuć prava raźličvać na padtrymku dziaržavy. Hetyja prafiesii vybirajuć nie z-za vialikich zarobkaŭ, a pa pryzvańni, kličy serca, zychodziačy z vysokich maralnych pryncypaŭ i patryjatyzmu (prynamsi, z hetaha treba zychodzić). Nazapasić na svaju kvateru maładomu śpiecyjalistu ŭ hetych śfierach niemahčyma.

Pry hetym, Łukašenka ŭpeŭnieny, što ŭ vajskoŭcaŭ bolš składanaja situacyja, čym u daktaroŭ ci nastaŭnikaŭ. Tamu što ŭ hetych biudžetnikaŭ isnuje mahčymaść dadatkovaha zarobku aproč asnoŭnaha vidu dziejnaści (naprykład, repietytarstva), a vajskoŭcy ŭ adpaviednaści z zakanadaŭstvam nie pavinny zajmacca jakim-niebudź biznesam.

U 2023 hodzie źjaviŭsia ŭkaz, pavodle jakoha vajskoŭcy mohuć biaspłatna atrymać va ŭłasnaść arendnaje žyllo, u jakim pražyvali. Hałoŭnaja ŭmova — 25 kalandarnych hadoŭ vysłuhi.

Praz 20 hadoŭ vysłuhi siłaviki mohuć vykupić arendnaje žyllo pa acenačnym košcie, ale nie vyšejšym za rynačny. Apłačvać dazvalajecca ŭ rasterminoŭku na 15 hadoŭ.

@maruk.by #realbrest #brest #briest #dienismaruk #longervideos #bolšieminuty ♬ orihinalnyj zvuk - Dienis Maruk

Mierkavańni kamientataraŭ pad videa z uručeńniem klučoŭ u tyktoku padzialilisia. Pakul adny zadavali rytaryčnyja pytańni, kali ž tak pačnuć vydavać kvatery daktaram ci nastaŭnikam, inšyja aburalisia: «A vajskoŭcy što, nie prostyja ludzi?! A chto pieršym składzie hałovy, kali vy ŭsio ŭ Polšču ŭciačecie?!»

Kamientary16

  • Abarmot
    01.03.2024
    Samaja socialno niezaŝiŝionnaja hruppa! Nu a vračam, koniečno žie, lehčie riešiť kvartirnyj vopros - možno prosto žiť na rabotie
  • Soniejka
    01.03.2024
    Voś tak u Biełarusi pradajuć dušu djabłu
  • Vitold
    01.03.2024
    Nivodny z hetych "vajskoŭcaŭ" nie zrabiŭ ničoha, kak spynić rasiejskuju navału ź Biełarusi ŭ 2022, nie havoračy ab tym, kab abaranić svoj narod ad karnikaŭ u 2020. Tamu ŭsie jany - prystasavancy, kanfarmisty, himnasty, cyrkačy, chto zaŭhodna, ale ni ŭ jakim razie nie biełaruskija vajskoŭcy. A kardonavy hienierał Chrenin, jaki chłusiŭ tahačasnamu ukrainskamu ministru abarony Reźnikavu pra nianapad za niekalki dzion da ŭvarvańnia, a paśla "pieradavaŭ" rasiejski ultymatum Ukrainie i jakomu Łukašenka pradaŭ elitnuju kvaterku ŭ Miensku ŭ 5 razoŭ tańniej za jaje rynkavy košt, dy jašče ŭ kredyt pa simvaličnych pracentach - i padaŭna.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →