Śviet2121

U Maskvie raźvitalisia z Alaksiejem Navalnym. Ludzi skandavali: «Pucin — zabojca!»

Z ranicy kala chrama ŭ Marjina na paŭdniovym uschodzie Maskvy dziažuryli aŭtazaki i było ačapleńnie.

Fota: AP Photo

16:15

Alaksieja Navalnaha pachavali na Barysaŭskich mohiłkach u Maskvie. Baćki raźvitalisia ź im.

Trunu apuścili ŭ mahiłu pad pieśniu Frenka Sinatry My Way.

15:55

Ludzi, jakija žadajuć padyści da miesca pachavańnia Alaksieja Navalnaha, mohuć kinuć žmieniu ziamli ŭ mahiłu paśla taho, jak rodnyja palityka raźvitajucca ź im. Pra heta raspavioŭ paplečnik apazicyjaniera Ivan Ždanaŭ.

«Ciapier trunu vyniesuć. Adkryjuć viečka truny. Rodnyja raźvitvajucca. Trunu zakryvajuć i spuskajuć u mahiłu na śpiecyjalnym lifcie. Potym usie ludzi zmohuć padyści i kinuć žmieniu ziamli», — napisaŭ Ždanaŭ.

Pavodle tranślacyi, jakuju viaduć paplečniki Alaksieja Navalnaha, trunu ź ciełam palityka ŭžo prynieśli da miesca pachavańnia-jana znachodzicca niedaloka ad uvachodu na Barysaŭskija mohiłki.

15:45

Šmattysiačnaja pracesija nakiravałasia da mohiłak, dzie pachavajuć Navalnaha

Ludzi skandujuć «Pucin — zabojca».

Palicejskija zabłakavali mašynu rytualnaj słužby, praz heta trunu nie mohuć vynieści z katafałka.

15:40

Ludzi, jakija iduć da barysaŭskich mohiłak, dzie pachavajuć Alaksieja Navalnaha, skandujuć «Svabodu palitviaźniam!»

15:35

Na Barysaŭskija mohiłki nie prapuskajuć navat tych, chto pryjšoŭ naviedać mahiły svajakoŭ

Žančyna, jakaja pryjšła na Barysaŭskija mohiłki naviedać mahiły pachavanych tam svajakoŭ, raspaviała karespandentu «Miedyjaony», što jaje taksama nie prapuskajuć.

Žančyna patłumačyła, što jana žyvie ŭ inšym horadzie. «U mianie tut babula i dziadula pachavanyja. Ja pryjšła pakłanicca na svaju mahiłku», — kaža jana.

15:12

Ludzi, padniaŭšy kvietki ŭvierch, iduć da mohiłak.

15:10

Katafałk ź ciełam Alaksieja Navalnaha pryjechaŭ na Barysaŭskija mohiłki.

14:55

Katafałk ź ciełam Navalnaha adjechaŭ ad chrama. Jaho supravadžaje palicyja. Ludzi, jakija stajali kala chrama, taksama nakiravalisia ŭśled za katafałkam. Ad chrama da mohiłak kala paŭhadziny chodu pieššu, kali nie budzie pieraškod.

14:53

Trunu z Navalnym vynieśli z chrama

Fota: Sota

14:51

Kamanda Navalnaha apublikavała fota z chrama

14:39

Baćki Navalnaha prybyli na pachavańnie syna

Fota: AP

14:34

Fota: AP

14:32

Vučni susiedniaj da chrama škoły pačali kryčać z voknaŭ «Navalny», pra heta paviedamlaje «Miedyjazony».

Siońnia baćkoŭ školnikaŭ z rajona Marjina papiaredzili, što dzieciam treba zastavacca ŭ škołach «z metaj biaśpieki». Baćkoŭ taksama paprasili nie adpuskać dziaciej «hulać» kala carkvy, dzie prachodzić adpiavańnie Alaksieja Navalnaha.

14:12

Ludziej pačali puskać na terytoryju chrama

Voś što piša Ivan Ždanaŭ: «Niekatorych ludziej zapuskajuć na terytoryju chrama (nie ŭ chram). Mahčyma, rodnyja. Suviazi amal niama».

Fota: Miedyjazona

14:06

Raźvitacca z Alaksiejem Navalnym pryjšli pasły krain Jeŭrasajuza i ZŠA

Kala chrama zaŭvažany pasoł ZŠA Lin Trejsi, pasoł Hiermanii Alaksandr Hraf Łambsdorf, pasoł Francyi Pjer Levi i dypłamatyčnyja pradstaŭniki niekatorych inšych krain Jeŭrasajuza.

Raniej stała viadoma, što na raźvitańnie z palitykam pryjšli eks-pretendenty ŭ prezidenty Kaciaryna Duncova, Barys Nadzieždzin, były mer Jekaciarynburha Jaŭhien Rojzman.

13:56

Katafałk ź ciełam Alaksieja Navalnaha prybyŭ da chrama. Pavodle acenak karespandenta «Možiet objaśniť», tut sabralisia niekalki tysiač čałaviek. Čarha raściahnułasia pa Łuhavym prajeździe i susiednich vulicach, ludzi praciahvajuć prybyvać.

Ludzi kryčać: «Navalny! Navalny».

Trunu ź ciełam dastali z mašyny.

13:38

Kartež ź ciełam Navalnaha padjazdžaje da carkvy.

13:25

Čarha da chrama, dzie buduć raźvitvacca z Alaksiejem Navalnym, dasiahnuła kiłamietra, paviedamiła vydańnie Sota, Varlamov News pryvodzić fatahrafiju.

Fota: Varlamov News

12:50

Pres-sakratarka Navalnaha Kira Jarmyš napisała ŭ tvitary, što cieła Alaksieja dahetul nie vydali svajakam:

«Svajaki pryjechali da morhu a 10 ranicy, kali im pavinny byli vydać cieła Alaksieja. Cieła nie vydali dahetul.

Hrafik pakul nie zrušvajecca, ale, mahčyma, buduć zatrymki».

11:48

Dziasiatki ludziej vystrailisia ŭzdoŭž płatoŭ la carkvy, dzie praź dźvie hadziny pačniecca adpiavańnie Alaksieja Navalnaha

Fota: Miedyjazona

11:38

Siłaviki pierakryli Marjinski bulvar u Maskvie — tam ža rabočyja vyhružajuć novyja zaharody, a kala carkvy źbirajucca siłaviki. Za tym, što adbyvajecca kala carkvy, možna sačyć pa niekalkich tranślacyjach z kamier, u tym liku ad Skynews i The Independent.

11:11

Pierad carkvoj u Marjinie pačynajuć źbiracca ludzi, jakija žadajuć raźvitacca z Alaksiejem Navalnym, piša «Mieduza».

Fota: Mieduza

Fota: Mieduza

11:05

Kaardynatara štaba Barysa Nadzieždzina i jašče traich čałaviek zatrymali na vyjeździe z Varonieža.

Na vyjeździe z Varonieža palicejskija spynili aŭtamabil, u jakim znachodzilisia kaardynatar miascovaha štaba Barysa Nadzieždzina Pavieł Syčoŭ, a taksama jašče try čałavieki.

Siłaviki ahledzieli mašynu zatrymanych i dastavili ich u adździeł palicyi. Ciapier suviazi ź imi niama.

11:01

Karespandent «Miedyjazony» raspavioŭ ab prablemach z mabilnym internetam la carkvy ŭ Marjinie.

Jon adznačyŭ, što Internet pracuje, adnak u telehramie paviedamleńni adpraŭlajucca niekalki chvilin, a «Jandeks. Karty» zusim nie znachodziać złučeńnie.

Učora The Insider pisaŭ, što kala carkvy ŭstalavali antenu dla suviazi siłavikoŭ. Rabočy, jaki mantavaŭ hetaje abstalavańnie, skazaŭ žurnalistu: «Heta suviaź, ale nie dla vas, a dla śpiecyjalnych słužbaŭ». Na pytańnie, ci buduć hłušyć suviaź dla astatnich, jon adkazaŭ tak: «Heta ad vas zaležyć».

09:14

Fota: Miedyjazona

Na šlachu ad mietro Marjina da carkvy la Barysaŭskich mohiłak, dzie siońnia projdzie raźvitańnie z Alaksiejem Navalnym i pachavańnie, pastavili kalidor ź mietaličnych aharodžaŭ, piša «Miedyjazona».

Bolš za ŭsio palicejskich aŭtamabilaŭ i aŭtazakaŭ ciapier la chrama, da jaho praciahvajuć źjazdžacca mašyny siłavikoŭ. Na Braciejeŭskim moście, dzie taksama stajać aharodžy ŭzdoŭž tratuaraŭ, na abodvuch bierahach Maskvy-raki pracujuć siłaviki. Jany praviarajuć dakumienty i asabistyja rečy minakoŭ.

Fota: Miedyjazona

Kamientary21

  • siłoviki
    01.03.2024
    sdiełali sakralnuju žiertvu
  • Pavlik
    01.03.2024
    Ludi kotoryje pojdut na pochorony poślednije hraždanie Rośsii, poślednieje, čto ostałoś u etoj musorskoj vyžiennoj čiekizmom ziemli....eti ludi hieroi. A po tu storonu barrikad miertvyje tieni, putinskije orki..
  • EMIL
    01.03.2024
    Pochorony v koncłahierie poka razriešieny.

Čamu rasijskija drony stali čaściej zalatać u Biełaruś?3

Čamu rasijskija drony stali čaściej zalatać u Biełaruś?

Usie naviny →
Usie naviny

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami28

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips1

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?3

Čamu rasijskija drony stali čaściej zalatać u Biełaruś?

Hałoŭnaje
Usie naviny →