U Biełarusi stanuć bolš strohimi praviły rehistracyi dla biespracoŭnych. Adpaviednyja papraŭki da zakona ab pytańniach zaniataści nasielnictva pryniała ŭ pieršym čytańni Pałata pradstaŭnikoŭ.
Ciapier u statusie biespracoŭnaha, jak płanujecca, možna budzie znachodzicca tolki 12 miesiacaŭ zamiest raniejšych 18. Praŭda, atrymlivać hety status možna budzie nie tolki pa miescy rehistracyi, ale i pa miescy faktyčnaha pražyvańnia. Taksama źjavicca mahčymaść elektronnaj rehistracyi.
Pry hetym zaniatymi nie buduć ličycca tyja, chto akazvaje pasłuhi pa ahraekaturyźmie, a taksama ramieśniki (ich buduć vyznačać jak «tyja, chto zajmajecca indyvidualnaj pradprymalnickaj dziejnaściu»), studenty dzionnaj formy navučańnia (status «navučeniec») i asoby, jakija zajmajucca «inšaj nie zabaronienaj zakanadaŭstvam dziejnaściu, jakaja prynosić zarobak».
Akramia taho, pašyrajuć pieralik katehoryj biespracoŭnych, jakim buduć davacca dadatkovyja harantyi pa pracaŭładkavańni za košt broni. U jaho dadali tych, kamu zastajecca 5 hadoŭ da dasiahnieńnia ahulnaŭstanoŭlenaha piensijnaha ŭzrostu, a taksama asob, jakija chvarejuć na ałkahalizm abo narkamaniju, ale prajšli miedycynskuju reabilitacyju.
Taksama płanujecca spraścić atrymańnie dapamohi pa biespracoŭi — budzie ŭviedzieny fiksavany pamier dapamohi dla ŭsich.
U druhim čytańni hety zakonaprajekt prymie ŭžo inšy skład deputataŭ Pałaty.
«Płanujem pracavać na ziamli»: žančyna ŭ 53 hady pierajechała z Łatvii ŭ Biełaruś. Ci raźličvaje jana na biełaruskuju piensiju?
Za hod kolkaść zaniatych u biełaruskaj ekanomicy źmienšyłasia na 1,2%
«Chacieła ŭładkavacca prybiralščycaj. Skazali: lepš ałkaša voźmiem». Jak admaŭlajuć u pracy paśla sutak ci štrafu za palityku
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary