Inśpiekcyja pryrodaachovy paviedamiła, što sioleta va ŭsich abłaściach Biełarusi z 1 sakavika zabaraniajecca łavić ščupaka. Peŭnaje vyklučeńnie zroblena tolki dla Viciebskaj vobłaści, dzie pieryjad zabarony pačniecca z 9 sakavika. Praciahniecca zabarona adpaviedna pa 15 krasavika va ŭsich abłaściach, pa 23 krasavika — u Viciebskaj.
U pieryjad nierastavańnia ščupak stanovicca asabliva ŭraźlivym, bo hublaje pilnaść i stanovicca lohkaj zdabyčaj niadobrasumlennych rybałovaŭ. Vypadkova złoŭleny ŭ hety čas ščupak pavinien być nieadkładna vypuščany nazad u vadajom — mienavita tam, dzie byŭ złoŭleny.
Adkaznaść za parušeńnie praduhledžanaja vielmi surjoznaja — štraf ad 400 da 1200 rubloŭ, u niekatorych vypadkach z kanfiskacyjaj pryład rybałoŭstva. Taksama z rybaka spahoniać pryčynienuju škodu navakolnamu asiarodździu — za kožnuju niezakonna zdabytuju asobinu pa 360 rubloŭ i košt niezakonna zdabytych ščupakoŭ.
Pryčynieńnie škody na sumu 100 i bolš bazavych vieličyń ciahnie kryminalnuju adkaznaść — da 6 hadoŭ abmiežavańnia voli.
Ludzi stajać u čarzie pa dvoje sutak — znoŭ pa kvatery ŭ Minsku5
Kamientary