Franak Viačorka pra Vusava: Heta niezdarovaja krytyka, u jaho fiksacyja na Ofisie Cichanoŭskaj
Hałoŭny daradca Śviatłany Cichanoŭskaj raskazaŭ u efiry «Jeŭraradyjo», jak stavicca da krytyki z boku Paŭła Vusava.
Pa słovach Franaka Viačorki, krytyka, jakaja hučyć u adras Ofisa Śviatłany Cichanoŭskaj, časam utrymlivaje karysnyja prapanovy. U toj ža čas, ludzi, jakija dajuć niejkija parady, nie viedajuć usiaho kantekstu ci niejkich aśpiektaŭ situacyi. Tamu nie ŭsie parady prymalnyja.
Viačorka zapeŭnivaje, što kali źjaŭlajucca niejkija idei, to jany abmiarkoŭvajucca ŭ Ofisie, robiacca sproby niešta ŭkaranić.
Što tyčycca Paŭła Vusava, to na pohlad palityka,
«u Vusava prosta niejki chejt da Cichanoŭskaj, da Ofisa. Jon maje niejki emacyjny fon. U apošni čas hetyja krytyka niejkaja niezdarovaja, tamu što jon maje niejkuju fiksacyju na hetaj temie. I jon nie hienieruje idej».
Viačorka prapanavaŭ Vusavu samomu niešta realizavać i takim čynam pakazać prykład.
Palityk zhadaŭ, što ŭ Ofis jašče ŭ 2020-m hodzie pryjazdžała šmat razumnych ekśpiertaŭ, pamočnikaŭ, daradcaŭ. Ź ich tolki niekatoryja vyjavilisia zdolnymi rabić štodzionnuju pracu, a nie tolki hienieravać idei.
Pa słovach Viačorki, jamu ciapier «u dzień prychodzić pa sto paviedamleńniaŭ. Supierhienijalnych idejaŭ, što treba rabić. Pry hetym jany ŭsie supraćlehłyja».
«Mahčyma, u nas ciapier zanadta šmat ekśpiertaŭ. A tych, chto moža realizoŭvać zadačy, u demakratyčnym ruchu mała. I nam treba takich ludziej bolš. Heta jak na bajdarcy. Adzin daje kamandy, a astatnija viasłujuć. A ŭ nas Cichanoŭskaja, Łatuška, para čałaviek viasłuje i sto čałaviek, jakija ź miehafonam kažuć, jak treba viesłavać», — adznačaje palityk.
Pa słovach Viačorki, prablema siońniašniaha stanu demakratyčnaha ruchu ŭ tym, što «mała tych, chto zdolny rabić ručkami kankretnuju pracu», i ŭ samim ruchu niedastatkova prafiesijanałaŭ. Dla taho, kab takich ludziej znajści, pa słovach Viačorki, daviałosia źviarnucca ŭ EHU:
«My ŭ EHU pašli šukać niejkija talenavityja kadry, raspytvać u prafiesaraŭ pra talenavitych vypusknikoŭ za apošnija dziesiać hadoŭ. Nie chapaje. Treba hetuju elitu rychtavać».
Čytajcie jašče:
Franak Viačorka pryjechaŭ u Kijeŭ
Bałkuniec i Usaŭ raskazali rasijskamu ŚMI pra absalutny pravał Cichanoŭskaj pa ŭsich frantach
Pavieł Usaŭ: Nikoli nie krytykavaŭ Cichanoŭskuju, bo jana taho nie vartaja
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2121
Kamientary
I kolki ź ich uziali ŭ ofis Cichanoŭskaj, kab jany mahli realizavać svaje prapanovy?
Nul?
Prapanuju spadaru Usavu spynić rabić karysnyja prapanovy ofisu Cichanoŭskaj. Raz Franak Viačorka tak niezadavoleny. Niachaj ofis ź Cichanoŭskaj i Franakam sami pačynajuć hienieryryravać idei i inicyjatyvy. A my pahladzim, što atrymajecca. Jakija buduć inicyjatyvy ofisa biez padkazak ad razumnych ludziej.