Hramadstva55

U Navapołacku mužčynu aryštavali za stary dopis pra hibiel Ramana Bandarenki

Jaho zatrymali dniom 14 lutaha paśla taho, jak milicyjant pravioŭ manitorynh sacsietak.

U žychara Navapołacka ŭ sacsietkach znajšli daŭni dopis u pamiać pra zabitaha siłavikami Ramana Bandarenku. Mužčynu zatrymali i adpravili na «sutki», pra heta stała viadoma z pastanovy suda, piša «Lusterka».

Pavodle materyjałaŭ spravy, na staroncy mužčyny va «UKantakcie» była vyjaŭlenaja publikacyja za 2020 hod: fatahrafija Ramana Bandarenki ź bieł-čyrvona-biełymi stužkami ŭ rukach i podpis «Nie zabudziem!». Hety dopis znajšoŭ 26 studzienia 2024 hoda milicyjant Navapołackaha HAUS, jaki pravodziŭ «manitorynh» sacsietak.

Mužčynu zatrymali dniom 14 lutaha. Na jaho skłali pratakoł pavodle č.1 art. 24.23 KaAP ab parušeńni paradku praviadzieńnia masavych mierapryjemstvaŭ. Na dumku milicyi, novapałačanin, raźmiaściŭšy publikacyju na svajoj staroncy ŭ adkrytym dostupie, vykazaŭ svaje «hramadska-palityčnyja intaresy» biez dazvołu vykankama, a značyć, pravioŭ niesankcyjanavanaje pikietavańnie.

Zatrymanaha źmiaścili ŭ IČU. Sud adbyŭsia na nastupny dzień, 15 lutaha. Mužčyna pryznaŭ vinu i nie admaŭlaŭ, što raźmiaściŭ hety post.

«Sud prychodzić da vysnovy ab tym, što vyšejpakazanaje dziejańnie, ździejśnienaje V., śviedčyć ab publičnym vyrazie im hramadska-palityčnych, asabistych i inšych intaresaŭ», — havorycca ŭ sudovym rašeńni.

Vyniesła jaho «sudździa B.» — vierahodna, heta sumna viadomaja navapołackaja sudździa Zinaida Bałabołava, na rachunku jakoj bolš za sotniu palityčna matyvavanych rašeńniaŭ pa administracyjnych artykułach.

Žycharu Navapołacka ŭ vyniku pryznačyli siem sutak administracyjnaha aryštu.

Kamientary5

  • Sinus
    26.02.2024
    A kak dokazyvali čto eto jeho stranicv? Začiem priznavał? Skazał by čto fiejk, złoumyšleńniki raźmiestili jeho foto i dannyje!
  • etani
    26.02.2024
    Vład, dziŭna, što jašče paŭstajuć takija pytańni
  • ont
    26.02.2024
    U supracoŭnikaŭ Leninskaha RAUS h. Hrodna mnoju vyjaŭleny spasyłki na ekstremisckija resursy za prykładna 2013-2017 hody u sac. sietcy "U Kantakcie". Prašu pravieści manitorynh soc. sietak usich supracoŭnikaŭ zhadanaha RAUS na ŭtrymańnie ekstremisckich materyjałaŭ u ichnich akauntach, vyjavić tych, chto raspaŭsiudžvaje ekstremisckija resursy, zališyć ich zvańniaŭ, słužbovych kvater i adpravić na Haja adbyvać ich zakonnyja sutki va ŭmovach nie pa zakonie, a pa "śpiecukazańniach" biez narmalovaj ježy, biez matrasaŭ, u kajdankach i z padjomam pa try razy na noč, nu, karaciej kažučy, u tych ža ŭmovach, u jakija nas źmiaščali supracoŭniki dannaha RAUS, a kiraŭnik zhadana RAUS Kanstancin Smalakoŭ, jaki niejki čas tamu kiravaŭ RUUS na Haja, vidavočna, asabista addavaŭ hetyja śpiecukazańni. Tym nia mienš dapuściŭ pracu ekstremistaŭ u svaim padraździaleńni, tamu jaho nieabchodna terminova zvolnić za nieadpaviednaść zajmanaj pasadzie i taksama źmiaścić na sutki ŭ svai ž rodnyja pienaty za pakryćcio ekstremistaŭ. Kali što, skrynšoty sa staronak u kantakcie mnoju zrobleny, kab nie dapuścić źniščeńnia dokazaŭ złačynstvaŭ.

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

Nazvanyja najlepšyja hulcy Jeŭra-2024, małady futbalist i hulec finału

Pamior biełaruski kampazitar Leanid Hucin

Ispanija čaćvierty raz u historyi vyjhrała Jeŭra — i heta rekord VIDEA6

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202520

Jarmošyna pra Cichanoŭskuju: Prosta pradaŭščyca na fonie Karatkievič u 2015-m46

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →