Na prapahandysckaj vystavie ŭ tomskim dziciačym sadku rasijskaha vajskoŭca zamianili na bajca ŭkrainskaha «Azova»
Da dnia 23 lutaha ŭ adnym ź dziciačych sadkoŭ rasijskaha Tomska zładzili prapahandysckuju vystavu, na jakoj źmiaścili siarod inšaha fota vajskoŭca, jaki trymaje na rukach dziaŭčynku. Vydańnie «Hovorit NieMoskva» zaŭvažyła, što fota heta kramolnaje: na im vyjaŭleny nie rasiejec, a bajec z usich siłaŭ demanizavanaj rasijskaj prapahandaj ukrainskaj bryhady «Azoŭ». Prytym na rukavie hetaha bajca vyrazna vidać šaŭron padraździaleńnia.
Vystavu pad nazvaj «Čto takoje «SVO» i čto takoje «płocho» z fotazdymkami vajskoŭcaŭ i prapahandysckimi vieršami adkryli ŭ Tomskim dziciačym sadzie №30.
Kramolnaja adnosna zadumy vystavy fatahrafija była apublikavanaja na adnym z ukrainskich sajtaŭ jašče jak minimum u 2015 hodzie ŭ padborcy «Tata viarnuŭsia z vajny! Kranalnyja fota ŭkrainskich dziaciej, jakija dačakalisia…»
Pikantnaść situacyi siarod inšaha ŭ tym, što ŭ žniŭni 2022 hoda Viarchoŭny sud Rasii pryznaŭ 12-ju bryhadu śpiecyjalnaha pryznačeńnia «Azoŭ» terarystyčnaj arhanizacyjaj i zabaraniŭ jaje dziejnaść na terytoryi krainy. Da hetaha simvolika bryhady hetak ža była pryznanaja ekstremisckaj i zabaronienaja.
Paśla taho, jak situacyja stała zdabytkam publičnaści, Tomski dziciačy sad №30 vydaliŭ videa z postam pra vystavu.
Raskamnahlad zapatrabavaŭ aštrafavać hazietu «Sibirski chlebarob» za artykuł pra śvinakompleks. Usio z-za Maksima Hałkina
«Saŭki, vatniki, hopniki, čyrvonyja čałaviečki…» Školnikam prapanujuć padumać nad hetymi charaktarystykami savieckaha naroda
Rasijskaha vajenkara Andreja Koca zatrymali ŭ Maskvie z marychuanaj
HUBAZiKu zabaranili publikavać «pakajalnyja videa». Ciapier jany vystaŭlajuć «pakajalnyja aŭdyja»5
HUBAZiKu zabaranili publikavać «pakajalnyja videa». Ciapier jany vystaŭlajuć «pakajalnyja aŭdyja»
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1919
Kamientary