Padčas čarhovaha raŭndu pieramovaŭpra ŭmovy pastavak nafty z Rasiei ŭ Biełaruś, praviedzienaha 6–7 studzienia ŭ Maskvie, biełaruski i rasiejski baki nia zdoleli dasiahnuć kampramisu pa pryncypovych pytańniach, paviedamlaje radyjo «Svaboda» z spasyłkaj na BIEŁTA.

«Padčas pieramovaŭ pradstaŭnikami biełaruskaha boku prapanavalisia arhumentavanyja kampramisnyja varyjanty pa ŭsich pazycyjach, što abmiarkoŭvalisia. Adnak było vidavočna, što rasiejskija pieramoŭščyki nie byli hatovyja prymać jakija-niebudź pryncypovyja rašeńni, kirujučysia vyklučna raniej atrymanymi ŭkazańniami pa pieramoŭnaj pazycyi», — paviedamiła krynica, blizkaja da pieramovaŭ.

U vyniku bakami było pryniataje rašeńnie ŭziać paŭzu ŭ pieramovach dla praviadzieńnia dadatkovych kansultacyjaŭ. Pry hetym biełaruski bok pa-raniejšamu vyjaŭlaje hatovaść da praciahu pieramovaŭ da dasiahnieńnia ŭzajemaprymalnaha vyniku, ale vyklučna ŭ ramkach dziejsnaj pravavoj bazy biełaruska-rasiejskich adnosinaŭ.

7 studzienia u Maskvie praciahvalisia pieramovy ab umovach pastaŭki rasiejskaj nafty ŭ Biełaruś. Pavodle presavaha sakratara biełaruskaha ŭradu Alaksandra Cimašenki, pieramovy viała delehacyja ŭ raniejšym składzie namieśnika ministra ekanomiki Anatola Fiłonava i kiraŭnika kancernu «Biełnaftachim» Valery Kazakieviča.

Pieršy vice-premjer uradu Biełarusi Ŭładzimier Siamaška, upaŭnavažany da padpisańnia dakumentaŭ, 8 studzienia taksama vylecieŭ u Maskvu.

Клас
0
Панылы сорам
0
Ха-ха
0
Ого
0
Сумна
0
Абуральна
0