Hramadstva11

«Ja bolš nie chaču zajmacca palitykaj». Pa internecie hulaje fejkavy zvarot Cichanoŭskaha

Pa rasijskich marhinalnych resursach siońnia raptam stali tyražavać zvarot, jaki nibyta naležyć biełaruskamu palitźniavolenamu Siarhieju Cichanoŭskamu. 

Skrynšot z apošniaha na siońniašni dzień viadomaha videa, apublikavanaha z udziełam Siarhieja Cichanoŭskaha

Rasijskija mała kamu viadomyja pabliki cytujuć častku zvarotu Cichanoŭskaha, źviernutaha nibyta da ŭładaŭ ZŠA i krain Jeŭrasajuza:

«Ja chaču spakojna dasiedzieć svoj termin. Ja nie palityk i nie chaču hetym bolš zajmacca. Śviatłana stała lidaram apazicyi Biełarusi. U jaje jość paśviedčańnie prezidenta. Pra mianie ŭžo ŭsie zabylisia i ja prosta chaču vyjści na volu žyvym. Maja śmierć ničoha vam nie daść. Nie dasyłajcie da mianie svaich pradstaŭnikoŭ i advakataŭ. Lepš być zabytym u turmie, čym viadomym na mohiłkach».

Śćviardžajecca, što zvarot Cichanoŭskaha nibyta byŭ apublikavany kiraŭnictvam kałonii, u jakoj jon znachodzicca, ale nijakich paćviardžeńniaŭ hetamu nie pryvodzicca. 

Da kampanii pašyreńnia hetaha tekstu ŭ peŭny momant dałučyŭsia navat telehram-kanał Brief, jaki maje paŭmiljona padpisčykaŭ, ale adrazu pieradumaŭ: apublikavany ŭ kanale post byŭ praktyčna imhnienna vydaleny.

Jakaja moža być meta hetaj kampanii, ci nakiroŭvajecca i kuryrujecca jana źvierchu i ci atrymaje jana niejki praciah — pakul niezrazumieła. 

Pra Siarhieja Cichanoŭskaha, jak i pra šerah inšych viadomych palitviaźniaŭ, daŭno nie majuć viestak navat najbližejšyja svajaki. Apošni raz niejkaja novaja infarmacyja pra jaho źjaviłasia 5 lipienia minułaha hoda, kali na fonie čutak pra śmierć Cichanoŭskaha łukašysty vykłali videa ź im. 

Na raspaŭsiudžanym siłavikami videa schudnieły čałaviek, padobny da Cichanoŭskaha, robić himnastyku ŭ kamiery, a zatym biare misku z supam i siadaje za stoł jeści. Toje, što na fota mienavita Siarhiej, paćvierdziła jahonaja žonka Śviatłana Cichanoŭskaja. Miž tym toje, kali i pry jakich abstavinach zapisvałasia heta videa, da hetaha času dakładna nieviadoma.

Varta adznačyć, što infarmacyja pra Cichanoŭskaha nie moža być raspaŭsiudžanaja «kiraŭnictvam kałonii», bo jašče ŭ 2022 hodzie jaho pieraviali na turemny režym utrymańnia. Nakolki viadoma, jon musić adbyvać pakarańnie ŭ Žodzinskaj turmie. Jahony prysud — 18 hadoŭ pazbaŭleńnia voli.

@nashaniva Čamu źjaviŭsia zvarot Siarhieja Cichanoŭskaha? #Cierhiejtichanovskij #śvietłanatichanovskaja #tichanovskaja #novostibiełarusi #biełaruśnovosti #biełaruś #łukašienko ♬ The Cruel 5 - Mr Obed

Kamientary1

  • Oj chłopcy
    19.02.2024
    Dajtie mnie batariejku "krona", skriepku i čieriez 3 dnia putiom vzaimodiejstvija s trojničnym niervom, ja vam śnimu luboje vidieo s lubym čiełoviekom. Eto jeśli v riealnosti, a tut - halimyj dipfiejk. Naučiliś pisiuny apiškami polzovaťsia. 

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?21

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?21

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →