U najbližejšy čas miascovyja ŭłady vyrašać, što rabić z pabudovaj.
Na poŭnačy Niamieččyny ŭ vyniku šmatdzionnych praliŭnych daždžoŭ razmyła hlebu, z-za čaho bunkier, pabudavany jašče dla Uzbrojenych sił HDR na bierazie Bałtyjskaha mora, pačaŭ zrušvacca ŭ vadu.
Jak piša Bild, stary vajskovy bunkier byŭ słavutaściu vioski Arenschop u ziamli Mieklenburh — Piaredniaja Pamieranija. U apošnija hady tysiačy turystaŭ pryjazdžali pahladzieć na pomnik chałodnaj vajny.
Mer Arenschopa Bieńjamin Chajnkie pieršym paviedamiŭ pra razbureńnie bunkiera ŭ sacsietkach. «U najbližejšy čas my abmiarkujem z uładaj, ci treba i jakim čynam vyrašać prablemu bunkiernaha kompleksu, jaki ciapier znachodzicca na plažy», — skazaŭ palityk.
Hety bunkier byŭ častkaj značna bolš bujnoha vajskovaha abjekta, pabudavanaha ŭ 1957 hodzie. U toj čas na ŭźbiarežžy pamiž vioskami Vustraŭ i Arenschop dla nazirańnia bazavałasia padraździaleńnie Nacyjanalnaj narodnaj armii HDR. U jaho abaviazki ŭvachodziła papiaredžańnie ab nabližeńni da HDR varožych vojskaŭ pa mory.
U 1990 hodzie bunkier vykarystoŭvać pierastali. Tady ž marskija vody ŭščylnuju nabliziłasia da bunkiera. Śpiecyjalisty adznačyli, što 100 hadoŭ tamu bierahavaja linija ŭ hetym miescy była na 70 mietraŭ dalej.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary