«Dalej — padpał čałavieka». Jak ułady rychtujucca sustrakać vybarščykaŭ
Na hetym tydni ŭ Biełarusi projduć tak zvanyja vybary deputataŭ usich uzroŭniaŭ. Z zaŭtrašniaha dnia pačniecca daterminovaje hałasavańnie. Pa STB pakazali, jak ułady rychtujucca da ich praviadzieńnia.
«Taktyka-śpiecyjalny zaniatak MUS», jaki pakazali ŭ siužecie, asabista prymała Natalla Kačanava.
«Pa scenary vybarščyk, pryjšoŭšy na ŭčastak dla hałasavańnia, fatahrafuje biuleteń — heta parušeńnie zakona. Na zaŭvahi staršyni vybarčaj kamisii nie reahuje. Parušalnika pryjšłosia zatrymać supracoŭnikam milicyi. Minski harnizon adpracoŭvaje varyjanty, jakija mohuć adbycca ŭ realnym žyćci.
A hety natoŭp ludziej la budynka vybarčaha ŭčastka štučna stvaryŭ čarhu. Dalej bolej — hnieŭnyja kryki i navat padpał čałavieka. Ale hrupa zachopu ŭžo tut. Debašyry zatrymanyja, a paciarpiełamu akazana nieabchodnaja miedycynskaja dapamoha.
Siarod inšych scenaryjaŭ — pravakacyi na ŭčastku dla hałasavańnia, vyjaŭleńnie ničyjnaj sumki, nieapaznany latalny aparat u niebie nad budynkam, dzie raźmieščany vybarčy ŭčastak. Pravaachoŭniki adpracavali raznastajnyja situacyi», — raspaviadaje karespandent.
Achoŭvać učastki ŭ dni hałasavańnia buduć nie tolki pravaachoŭniki, ale i, jak havorycca ŭ siužecie, bajcy maładziožnych atradaŭ achovy pravaparadku BRSM, a taksama vieterany milicyi.
Z hetaha tydnia asabovy skład milicyi pieraviaduć na ŭzmocnieny varyjant słužby. Bolš za 10 tysiač čałaviek voźmuć pad kantrol vybarčyja ŭčastki, spravazdačycca MUS.
«Z ulikam vopytu 2020 hoda pryniata rašeńnie ab stvareńni mabilnych hrup chutkaha reahavańnia», — havorycca ŭ siužecie.
«Heta hrupy chutkaha reahavańnia ź liku supracoŭnikaŭ orhanaŭ unutranych spraŭ, taksama ź liku śpiecpadraździaleńniaŭ u poŭnaj ekipiroŭcy, uzbrojenyja aŭtamatyčnaj zbrojaj», — kaža Alaksandr Kupčenia, načalnik hałoŭnaha ŭpraŭleńnia achovy pravaparadku i prafiłaktyki MUS.
Čytajcie taksama:
«Dajarka z Chacapietaŭki» abahnała Ejsmanta. Što najbolš hladzieli na TB u studzieni?
-
Na vahonie ciahnika, što prybyŭ u Litvu ź Biełarusi, niechta pakinuŭ vielmi dziŭny nadpis FOTAFAKT
-
Hajdukievič rekamiendavaŭ biełarusam, jakija nie ździajśniali złačynstvaŭ, «adsiedzieć i žyć dalej»
-
Stała viadoma, pa jakich piaci artykułach pačynajuć sudzić analityka Andreja Parotnikava. Jamu pahražaje da 20 hadoŭ
Biełarus, rasstralany terarystami ŭ Tel-Avivie, idzie na papraŭku: kula zajšła Ramanu ŭ žyvot i vyjšła cieraz horła2
Kamientary