Śviet66

Zabojstva Navalnaha moža być sihnałam Zachadu ad vielmi kansiervatyŭnaha kryła Kramla — ​​žurnalisty Bild

Adzin z ahladalnikaŭ ličyć, što śmierć Navalnaha pasyłaje Zachadu sihnał ab tym, što Pucinu «niama zamieny» ŭ sistemie rasijskaj ułady.

Fota: Markus Schreiber / AP

Namieśnik hałoŭnaha redaktara Bild Paŭl Roncchajmier raspavioŭ, što byŭ na Miunchienskaj kanfierencyi ab biaśpiecy, kali pryjšła navina ab śmierci Alaksieja Navalnaha. Pa jahonych słovach, pradstaŭniki śpiecsłužbaŭ i insajdary adrazu kazali za začynienymi dźviaryma, što daviarać zajavie Fiederalnaj słužby vykanańnia pakarańniaŭ nielha, «heta ŭsio rasijskaja prapahanda». Žurnalist nahadvaje, što apošnija niekalki tydniaŭ chadzili čutki pra mahčymy abmien Navalnaha i Evana Hierškoviča na kramloŭskaha ahienta Vadzima Krasikava.

Jak miarkuje Roncchajmier, mahčyma, Pucin ličyć, što zmoža dabicca vyzvaleńnia Krasikava i biez Navalnaha.

Ale taksama mahčyma, što za śmierciu Navalnaha staić vielmi kansiervatyŭnaje kryło Kramla, jakoje choča «całkam zachavać hety radykalny kurs» i paźbiehnuć lubych pieramovaŭ z Zachadam, bo «hetaja śmierć moža mieć dalokasiažnyja nastupstvy».

Z hetym zhodny ahladalnik Bild Filip Piatoŭ. Jon taksama ličyć, što śmierć Navalnaha pasyłaje Zachadu sihnał ab tym, što Pucinu «niama zamieny» ŭ sistemie rasijskaj ułady. 

«Treba prosta pamiatać, što značnaja častka rasijskaj elity była ździŭlenaja i napadam na Ukrainu. Hetuju vajnu taksama płanavała tolki častka pucinskaj sistemy, — zajaviŭ Piatoŭ. — «Navat nie spadziavajciesia, što ŭ niejki momant źjavicca niechta lepšy».

Heta sihnał i dla ŭsich letucieńnikaŭ, jakija chočuć vieści pieramovy z Rasijaj dla dasiahnieńnia doŭhaterminovaha miru, jakija spadziajucca, što Rasija moža asłabić hajki, — hetaha nie budzie».

Pra raptoŭnuju śmierć Alaksieja Navalnaha ŭ kałonii «Palarny voŭk» za Paŭnočnym kruham stała viadoma ŭ piatnicu dniom. Hałoŭnamu rasijskamu apazicyjnamu dziejaču było 47 hadoŭ. Ahułam Alaksiej Navalny, zatrymany 17 studzienia 2021 hoda pa viartańni ź Niamieččyny ŭ Maskvu, byŭ asudžany na 19 hadoŭ.

Kamientary6

  • Jork
    17.02.2024
    Heta sihnał i dla ŭsich letucieńnikaŭ, jakija chočuć vieści pieramovy z Rasijaj dla dasiahnieńnia doŭhaterminovaha miru, jakija spadziajucca, što Rasija moža asłabić hajki, — hetaha nie budzie.
  • Słava ZSU, žyvie Biełaruś!
    17.02.2024
    Sihnał ad pucina tolki adzin, pryčym jon jaho pasyłaje ŭžo daŭno (kali zachodnija palityki hetaha jašče nie ŭśviadomili) - kramlu i pucinu absalutna ŭsio roŭna na zakon, jon adčuvaje poŭnuju biespakaranaść, jon užo dva hady masava zabivaje ŭkraincaŭ - zabiŭ sotni dziaciej, dziesiatki tysiač cyvilnych, źniščyŭ tysiačy damoŭ i pasialeńniaŭ. I zabojstam Navalnaha, jon tolki čarhovy raz pakazaŭ, što hatovy praciahvać heta rabić, što dla jaho zabić čałavieka, heta jak vypić ranicaj kavy. A niekatoryja na zachadzie jašče nie ŭśviadomili hetaha dy dalej praciahvajuć vykazvać svaju hłybokuju zakłapočanaść. Adzinaja siła, jakaja zaraz realna, koštam svaich žyćciaŭ, supraćstaić kramloŭskamu vyčvarencu, zabojcam-rašystam i jaho impierskaj palitycy - heta ZSU i ŭsie tyja, chto dapamahaje vajaram ZSU! Słava ZSU, žyvie Biełaruś!
  • BLR
    17.02.2024
    Kali voś čytaju takija artykuły ad roznych tam zachodnich bzdunoŭ, to jeść tryvałaje žadańnie (kab była takaja mahčymaść) paprostu dać u rožu hetamu pisakie - nie istotna jakoha poła takaja pisaka.
    Suka - u 1999 hodzie byli padarvanyja damy ŭ Maskvie z žycharami, i nia tolki ŭ Maskvie. Užo tady było viadoma, što toje zrabiła FSB kirujemaje Pucinym. Vam ... jakija jašče sihnały byli patrebny?

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman51

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →