U Maskvie zatrymali biełarusa, jaki 15 hadoŭ tamu zabiŭ svajho ziemlaka, ale adsiadzieŭ pa inšym epizodzie
Złačyniec paniasie pakarańnie paśla zabojstva ŭ maskoŭskim «Kanhres-parku».
Zabłytanaja historyja pareštkaŭ na terytoryi hatela na Staravałynskaj pačałasia ŭ 2008 hodzie. Tady źnik 25-hadovy biełarus Siarhiej Levašoŭ (na zdymku sprava). Tolki praz dva hady jaho los staŭ viadomy — mužčynu zabili na terytoryi hatela i prykapali tam ža. Złačyncy sami raskałolisia ŭ kałonijach, dzie adbyvali terminy za inšyja złačynstvy, piša telehram-kanał 112.
Ziamlak zabitaha, 21-hadovy na toj čas, Ryhor Okišaŭ i jaho sajuźnik zajavili — što prybrali dvaich, Levašova i Miłasernaha (na fota źleva), pakazali, dzie šukać cieły. Kości adnaho ź ludziej znajšli, ustanavili pa ich asobu Siarhieja Levašova, ale adpravić vinavatych za kraty nie atrymałasia – ich vydali pa zapycie Hienprakuratury Biełarusi. U Biełarusi abodvuch adrazu zakryli i taksama za zabojstva.
Minuła jašče 10 hadoŭ. Okišaŭ adsiedzieŭ na radzimie, pryjechaŭ u Maskvu. Śledčyja i kryminalisty sumiesna z supracoŭnikami kryminalnaha vyšuku MUS praanalizavali materyjały kryminalnaj spravy i pravieryli sabranyja dokazy.
Napiaredadni Okišava i zatrymali rasijskija apieratyŭniki za zabojstva Siarhieja Levašova.
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»3
Kamientary