Hramadstva279279

Bałkuniec i Usaŭ raskazali rasijskamu ŚMI pra absalutny pravał Cichanoŭskaj pa ŭsich frantach

Rasijski libieralny internet-sajt Sotaproject apublikavaŭ razhromny artykuł, pryśviečany dziejnaści Śviatłany Cichanoŭskaj. «Biełarusy mocna rasčaravalisia ŭ svaim «nacyjanalnym lidaru», jak Cichanoŭskaja nazyvaje sama siabie. Vyniki jaje dziejnaści akazalisia nijakimi», — pierakonvaje vydańnie. Hetyja idei ŭ artykule prezientavali apanienty Cichanoŭskaj, palityki Pavieł Usaŭ i Dźmitryj Bałkuniec (nazvanyja ŭ tekście palitołahami), a taksama błohierka Bieła Foks. «Naša Niva» tezisna pierakazvaje źmiest.

Śviatłana Cichanoŭskaja na ŭručeńni Nobieleŭskaj premii ŭ Osła. Fota Rusłan Cierachaŭ, SOTA

Usaŭ spasyłajecca na nienazvanyja apytańni ŭ telehram-kanałach i zapeŭnivaje, što ich vyniki pakazvajuć źnižeńnie padtrymki i davieru Cichanoŭskaj. Bałkuniec dadaje ŭłasnyja padliki: kaža, što za dva hady biełarusy stali ŭtraja radziej šukać u Huhle i Jandeksie zapyt «Śviatłana Cichanoŭskaja».

Čytajcie taksama: Što balić Usavu, Paźniaku i Cichanoŭskaj? 

Bałkuniec i Usaŭ sfarmulavali piać pryčyn pravału Cichanoŭskaj, zafiksavanaha imi.

1) Čakańni, jakija nie apraŭdalisia. Cichanoŭskaja nie dabiłasia svabodnych vybaraŭ i vyzvaleńnia palitviaźniaŭ. 

Bałkuniec i Usaŭ tłumačać, što adziny zaniatak Cichanoŭskaj — sustrečy z zachodnimi palitykami i biaskoncaja kolkaść zdymkaŭ. «Adzin tolki vizit u Partuhaliju pradstaŭleny 76 fotazdymkami: adčuvalna bolš, čym, naprykład, fotasiesii Pucina na sajcie prezidenta RF», — zaŭvažajuć žurnalisty Soty.

2) Abyjakavaść da prablem rełakantaŭ

Tut havorka viadziecca pra toje, što Cichanoŭskaja ničoha nie robić z dyskryminacyjaj biełarusaŭ u Litvie, a taksama nie dapamahaje z rełakacyjaj. A błohierka Bieła Foks krytykuje pašpart «Novaj Biełarusi».

3) Skandały i nieefiektyŭnaść

U hety raździeł Dźmitryj Bałkuniec elehantna zapisvaje historyi, jakija jon niaspynna raskručvaje sam — naprykład, pra rasijskaje hramadzianstva maci Valeryja Kavaleŭskaha.

Čytajcie taksama: Skandał vakoł maci Valeryja Kavaleŭskaha. Chto zapuściŭ infarmacyjnuju kampaniju i ŭ čym sutnaść abvinavačańniaŭ?

Siudy ž Bałkuniec dadaje i historyju z uciečkaj danych, što pryviało da aryštaŭ dziasiatkaŭ čałaviek.

4) Nieprazrystaść struktur

Panarakaŭšy na ŭciečku źviestak, palityki aburajucca, što ciapier z supracoŭnikaŭ ofisa Cichanoŭskaj biaruć padpisku ab nierazhałošvańni i pahražajuć štrafam 30 tysiač jeŭra. «Heta absurdnaja praktyka», — pierakanany Usaŭ.

Aproč taho, Usaŭ narakaje, što niama mahčymaści pravieryć, jak raźmiarkoŭvajucca hrantavyja srodki. 

5) Kancentracyja ŭłady ŭ adnych rukach

Narešcie palityki pierachodziać da svajoj hałoŭnaj sutnasnaj pretenzii — što ŭ lidarach apazicyi akazalisia nie jany sami.

«Struktury, jakija byli stvorany vakoł ofisa Cichanoŭskaj u Litvie, nie byli ŭpaŭnavažany nasielnictvam na pradstaŭleńnie jaho intaresaŭ. Pierachodny kabiniet — heta naohuł hrupa samazvancaŭ, jakija stvaryli jurydyčnuju asobu ŭ Varšavie i skazali, što jany pierachodny ŭrad Biełarusi», — adznačaje Bałkuniec.

Jon prapanuje z dapamohaj anłajn-technałohij sfarmavać niejki novy «pradstaŭničy orhan». I adpaviedna, vybić uładu z ruk Cichanoŭskaj.

Aŭtary artykuła na «Socie» — žurnalisty Maryja Vołach i Alaksiej Abuchoŭ. Vołach — byłaja aktyvistka partyi «Jabłaka». U 2022 hodzie atrymała 20 sutak aryštu za pacyfisckuju akcyju ŭ Maskvie paśla pačatku vajny. Pryčym pakazalna rasstaviła pryjarytety ŭ prahramnym dopisie ŭ instahramie: nie asudziła kankretna rasijskuju ahresiju, a aburyłasia «militarysckim čadam z usich bakoŭ».

Pres-słužba Śviatłany Cichanoŭskaj admoviłasia davać kamientary rasijskamu vydańniu. Žurnalisty Sotaproject prapanavali pres-sakratarcy Hańnie Krasulinaj adkazać na tezisy «biełaruskich palitołahaŭ», admoviŭšysia nazyvać ich imiony.

«My hatovyja vieści razmovu ź ludźmi. A voś ź nienazvanymi «biełaruskimi palitołahami» — heta vielmi dziŭna. Heta manipulacyja. Kali jany palitołahi, to ŭ ich jość imia. Kali heta zvyčajnyja hramadzianie — narmalna. Ale adkazvać nienazvanym, adnak ža «palitołaham» — heta dziŭna», — zajaviła Krasulina. Žurnalisty tak i nie nazvali joj imiony Usava i Bałkunca, tamu dyjałohu nie atrymałasia.

Kamientary279

  • Ludcy
    15.02.2024
    Rasiejskija paskudy nie prykład dla biełarusaŭ. Śviatłana - naš Prezident. I zaraz jana adstojvaje našyja pravy. Nie daje ŭabycca ludziam svabodnaha śvietu, što ŭ Biełarusi panuje bandytyzm.
  • Pytańniečka
    15.02.2024
    Pytańnie adno: čamu hetyja Bałkuncy i inšyja vymušanyja davodzić vidavočnyja rečy praź niejkaje łajna-rasiejkaje miedyja, a nie praź biełaruskija miedyja? Čamu NN nie moža apublikavać intervju ź imi na svaich staronkach? Nie adpaviadaje palitycy bienieficyjaraŭ?
  • Prrrr
    15.02.2024
    A chto takija Bałkuniec i Usaŭ i što jany zrabili dla Biełarusi, kab krytykavać jaje?

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Źnikłaha ŭ Polščy biełarusa znajšli ŭ Varšavie źbitym i biez dakumientaŭ9

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT30

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»19

U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham1

Jak biełarusam jeździć praź miažu na aŭto, zarehistravanych u ES, kali biełaruskija numary akažucca pad poŭnaj zabaronaj4

«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury25

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →