Hramadstva4949

Byłaja fatohrafka BiełTA, jakaja pierajechała ŭ Varšavu: Vy zmahajeciesia nie z tym złom

Byłaja fatohrafka BiełTA Aksana Mančuk, jakaja zdymała pratesty, u kancy 2022 hoda zvolniłasia ź dziaržaŭnaha ahienctva i pierajechała ŭ Varšavu. Jana apublikavała post u fejsbuku, dzie raskazała pra svaju situacyju.

Fota: mediacongress.ru

«Chaču vykazać vialikuju padziaku ŭsim, chto padtrymaŭ mianie, — piša dziaŭčyna ŭ fejsbuku. — Supraćstajać chvali chejtu i trymacca davoli ciažka. Ale ž kali jość padtrymka ad byłych kaleh pa cechu i sapraŭdnych prafiesijanałaŭ svajoj spravy, to možna jašče trymacca i nie hublać vieru ŭ čałaviectva.

Tak, da śniežnia 2022 hoda ja pracavała ŭ fotachronicy BiełTA. I ja taksama paćviardžaju toj fakt, što ŭ mianie byli daŭhavyja abaviazki za skradzienuju ŭ mianie techniku ŭ 2019 hodzie. Mnie patrebna było vykonvać pastanovu suda: ja nie mieła prava zvolnicca da vypłaty ŭsioj sumy da 2024 hoda. Ale ŭ śniežni 2022 hoda ja naźbirała nieabchodnuju sumu, vypłaciła ŭsio i zvolniłasia.

Ja biaru na siabie adkaznaść za pracu na dziaržaŭnaje infarmacyjnaje ahienctva i nie chaču apraŭdvać hety fakt, ale z-za nieinfarmavanaści šmat ludziej nakinulisia na mianie, jak na lohkuju nažyvu.

Pratesty ŭ 2020 hodzie ja zdymała jak fiksatar padziej, jak i mnohija maje kalehi. Tady nie było zrazumieła, jak usio składziecca paźniej, i publikavalisia fakty. Sudoŭ nad palitviaźniami ja nie zdymała, akramia pieršaha pasiedžańnia suda nad Viktaram Babarykam.

Kali pačaŭsia mihracyjny kryzis, ja zdymała toje, što adbyvałasia i było dastupna dla mianie niepasredna na pamiežnym punkcie ź biełaruskaha boku. Pracavała tam dvojčy. Heta była fotachronika padziej, bo inakš hetyja zdymki nie publikavali b paźniej jeŭrapiejskija ahiencyi. Inšaja sprava, jak heta časam vykarystoŭvałasia (za heta taksama nie paźbiahaju adkaznaści), ale ž u historyi zastaniecca niebłahi archiŭ.

Ja zdymała bolšaść kulturnych, spartyŭnych i sacyjalnych i ekanamičnych mierapryjemstvaŭ. Fotakor uvohule pavinien zdymać usio. Ale mianie vystavili tolki z adnaho boku.

Va ŭsich hetych vypadkach davoli šmat niuansaŭ i infarmacyi, jakuju ja nie mahu raspaŭsiudzić. Heta moža mocna naškodzić ludziam, jakija zastalisia ŭ Biełarusi.

U kancy 2022 hoda ja pierajechała ŭ Polšču i raspačała ŭładkoŭvać siabie jak śpiecyjalista ŭ inšych śfierach pracy. A taksama vyrašyła znajści siabie ŭ partretnaj fatahrafii.

Pačała znajomicca ź inšymi ludźmi, jak i ŭsie, kali pierajazdžajuć na novaje miesca. A heta zaraz žadajuć pieraviarnuć i źniščyć, palivajučy mianie brudam, nie viedajučy ŭsich abstavin. Ale ž praściej za ŭsio raspačać chiejt i kinuć jašče adzin kamień u bok inšaha, raspalvajučy miž ludźmi varožaść.

Vy zmahajeciesia nie z tym złom».

Čytajcie taksama:

Byłaja fatohrafka BiełTA, jakaja zdymała pratesty i sud nad palitviaźniami, ciapier žyvie ŭ Varšavie

Čamu fatohrafka BiełTA, jakaja pierajechała ŭ Varšavu, pracavała ŭ ahienctvie paśla 2020-ha? Raskazvaje jaje znajomy

«Razumny šukaje siabroŭ, a durny stvaraje vorahaŭ». Milinkievič — pra toje, jak stavicca da byłych supracoŭnikaŭ sistemy

Kamientary49

  • Mikita Kraŭcoŭ
    15.02.2024
    Ja začyniała dźviery ŭ hazavuju kamieru jak fiksatar.
  • Rydała ŭsia maršrutka
    15.02.2024
    Kali niemcaŭ sudzili, taksama šmat takoha było: nu pracavaŭ na hiestapa, ale ž chłopiec niebłahi.
  • a što
    15.02.2024
    A što paraicie, tavaryšč prapahandzistka? z čym zmahacca? z hłabalnym paciapleńniem?

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Marharyta Laŭčuk vyjšła zamuž i čakaje dzicia30

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →