Hramadstva1111

Aršancy padzialilisia padrabiaznaściami pra siamju, u jakoj maci zabiła čatyroch dziaciej

Vydańnie «Miedyjazona» vyśvietliła, što žančynu, jakaja zabiła čatyroch svaich dziaciej u Oršy, zavuć Iryna Kurankova. Taksama krynica vydańnia raskazała pra niekatoryja padrabiaznaści z žyćcia hetaj siamji.

Dom u Oršy, dzie žyła siamja Kurankovych. Fota: Ina Raškievič / vkurier.by

Krynica «Miedyjazony», blizkaja da siamji, śćviardžaje, što dziaciej znajšła ich babula.

«Usie susiedzi raskazvajuć, što jana adčyniła dźviery svaim klučom. Pryjšła, bo nie mahła datelefanavacca. I ŭbačyła tam Irynu ŭ kryvi, tamu što taja sprabavała vieny parezać. I dziaciej. Kažuć, jany ŭ radok lažali», — raskazvaje krynica.

Pa słovach krynicy, u siamji było šaściora dziaciej: troje vučylisia ŭ škole № 20 u Oršy. Starejšy syn — u 11 kłasie, jahony brat — u 8-m, siastra — u pieršym. Jašče trom dzieciam było ad hoda da piaci hadoŭ.

U dziaciej Iryny byli roznyja baćki. Pradstaŭnik Hienprakuratury raskazaŭ, što ŭsie jany «viali amaralny ład žyćcia i ź dziećmi nie pražyvali». U domie časta nie było ježy dla dziaciej.

Pa słovach krynicy, samu Irynu nie bačyli pjanaj, ale časta byŭ pjany jaje muž. Krynica śćviardžaje, što jon źbivaŭ jaje — znajomyja bačyli jaje ź siniakami ŭ dziciačym sadku.

Infarmacyju Hienprakuratury, što ciapierašni muž žančyny i baćka adnaho ź dziaciej ciapier znachodzicca ŭ ŁPP, paćvierdziła i krynica «Miedyjazony»: ź jaje słoŭ, mužčynu adpravili tudy prykładna paŭhoda tamu.

Pavodle infarmacyi byłych siłavikoŭ z «Biełpoła», muža Iryny zavuć Dźmitryj Kurankoŭ. Z 2004 hoda jon pracavaŭ zvarščykam na zavodzie «Lehmaš» i bolš za 10 razoŭ pryciahvaŭsia da administracyjnaj adkaznaści za znachodžańnie ŭ stanie ałkaholnaha apjanieńnia. Sama ž Iryna pracavała na Aršanskim ilnokambinacie apierataram mašynnaha abstalavańnia.

Dom № 3 na vulicy Zavadskaha, dzie žyła siamja, byŭ zdadzieny ŭ 2017 hodzie. Tady «Aršanskaja hazieta» pisała, što jaho žycharami stali «aršancy, jakija majuć prava na sacyjalnaje žyllo i majuć patrebu ŭ palapšeńni žyllovych umoŭ».

Pa słovach znajomych, siamja žyła biedna, u kvatery nie było pralnaj mašyny. Adna z susiedak adnojčy źbirała pa horadzie dapamohu dla ich — cacki i adzieńnie dla dziaciej. 

Kamientary11

  • Łukašyski raj
    15.02.2024
    Daviali čałavieka
  • Vynik pracy sacsłužb
    15.02.2024
    Siamja žyła biedna, muž piŭ i biŭ žonku, byłyja mužy kinuli dziaciej, sacsłužby zamiest dapamohi žančynie..vyrašyli adabrać dziaciej u maci.
  • Uład
    15.02.2024
    Vynik pracy sacsłužb, Treba było zabrać dziaciej jašče raniej. A dapamoha takim "maci" apynułasia b u vina-harełačnaj kramie. 

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Marharyta Laŭčuk vyjšła zamuž i čakaje dzicia30

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →